មន្ត្រីកម្ពជាចូលរួម វេទិកាថ្នាក់រដ្ឋមន្ត្រីតំបន់អាស៊ីអាគ្នេយ៍របស់អង្គការ OECD ឆ្នាំ២០២២
- សេចក្ដីលម្អិត
- ជំពូក៖ ព័ត៌មានជាតិ
ភ្នំពេញៈ លោក សុខ ចិន្តាសោភា រដ្ឋមន្ត្រីប្រតិភូអមនាយករដ្ឋមន្ត្រី និង ជាអគ្គលេខាធិការក្រុមប្រឹក្សាអភិវឌ្ឍន៍កម្ពុជា បានចូលរួមក្នុងវេទិកាថ្នាក់រដ្ឋមន្ត្រីតំបន់អាស៊ីអាគ្នេយ៍របស់អង្គការ OECD ឆ្នាំ២០២២ ដែលបានប្រព្រឹត្តទៅពីថ្ងៃទី១៧-១៨ ខែតុលា ឆ្នាំ២០២២ នៅទីក្រុងហាណូយ សាធារណរដ្ឋសង្គមនិយមវៀតណាម។
នៅក្នុងឱកាសនោះ លោក សុខ ចិន្តាសោភា បានសង្កត់ធ្ងន់ពីស្មារតីនៃការរួបរួមគ្នា ដើម្បីទទួលនូវ ផលប្រយោជន៍រួម ។
លោកបានបន្ថែមថា រូបិយប័ណ្ណដ៏មានតម្លៃបំផុតនៅក្នុងខ្សែច្រវ៉ាក់ផ្គត់ផ្គង់ គឺជាពេលវេលា ។
លោកបានបន្ថែមថា តាមរយៈការប្រើប្រាស់ឌីជីថលភាវូបនីយកម្ម និងម៉ូដែលព្យាករណ៍ខ្សែច្រវ៉ាក់ផ្គត់ផ្គង់ យើងនឹងបង្កើតខ្សែច្រវាក់ផ្គត់ផ្គង់ដែលលឿនជាងមុន និង ថោកជាមុន និងអាចជួយសង្គ្រោះជីវិតមនុស្សបាន យ៉ាងហោចណាស់ សម្រាប់ខ្សែរច្រវ៉ាក់ផ្គត់ផ្គង់ក្នុងវិស័យសុខាភិបាល ។
លោកបានបញ្ជាក់ថា កម្ពុជាជឿជាក់លើអត្ថប្រយោជន៍នៃកិច្ចសហប្រតិបត្តិការនិងការធ្វើសមាហរណកម្មកាន់តែជីតស្និទ្ធ ជាមួយនឹងប្រទេសនៅក្នុងនិងក្រៅតំបន់ ។
វេទិកានេះក៏មានការចូលរួមពីលោក ផាម ប៊ិញ មីញ ( Pham Binh Minh) ឧបនាយករដ្ឋមន្ត្រីប្រចាំការនៃប្រទេសវៀតណាម,
លោក ប៊ុយ ថាញ់ សុន ( Bui Thanh Son) រដ្ឋមន្ត្រីក្រសួងការបរទេសនៃប្រទេសវៀតណាម, លោក ធីម អាយរ៉េស ( Tim Ayres) អនុរដ្ឋមន្ត្រីទទួលបន្ទុកពាណិជ្ជកម្ម
និងកម្មន្តសាលនៃប្រទេសអូស្ត្រាលី, និង តំណាងប្រទេសសមាជិកអង្គការ OECD អាស៊ាន និងវិស័យឯកជន ដែលមានអ្នកចូលរួមផ្ទាល់ និងតាមប្រព័ន្ធវីដេអូ សរុបប្រមាណ ៤០០នាក់៕
ដកស្រង់ពី៖ រស្មីកម្ពុជា