បណ្ឌិត ហ៊ុន ម៉ាណែត៖ ការរៀបចំរចនាសម្ព័ន្ធ និងកំណត់របៀបរបបការងារ ឱ្យបានច្បាស់លាស់ គឺជាកត្តាសំខាន់សម្រាប់ធានាចីរភាព និងនិរន្តភាពគ្រប់កិច្ចការ
- សេចក្ដីលម្អិត
- ជំពូក៖ ព័ត៌មានជាតិ
(ភ្នំពេញ)៖ លោកបណ្ឌិត ហ៊ុន ម៉ាណែត បេក្ខភាពនាយករដ្ឋមន្ត្រីបន្តវេនមកពី គណបក្សប្រជាជនកម្ពុជា បានចែករំលែកទស្សនទានរបស់លោកថាការរៀបចំរចនាសម្ព័ន្ធនិងកំណត់នូវរបៀបរបការងារឱ្យបានច្បាស់លាស់
គឺជាកត្តាដ៏សំខាន់ សម្រាប់ធានាបាននូវចីរភាព និងនិរន្តរភាពគ្រប់កិច្ចការ។
តាមរយៈវីដេអូប្រមាណជា២នាទី ដែលជាការថ្លែងក្នុងកិច្ចប្រជុំការងារយុវជនរបស់បក្សលោក ហ៊ុន ម៉ាណែត បានគូសរំលេចពីការងារចាំបាច់នៃការរៀបចំរចនាសម្ព័ន្ធយុវជន។
សម្រាប់លោករចនាសម្ព័ន្ធគ្រប់គ្រងនិងដឹកនាំយុវជនបក្សគឺបានដើរមកជាង៤៣ឆ្នាំហើយហើយត្រូវបន្តរក្សាឱ្
យបានទៅជំនាន់ក្រោយៗទៀត ដើម្បីរក្សាបាននូវរចនាសម្ព័ន្ធគ្រប់គ្រង និងដឹកនាំមួយដែលរឹងមាំ និងយូរអង្វែង លោកបណ្ឌិត ហ៊ុន ម៉ាណែត មើលឃើញថា ការរៀបចំរចនាសម្ព័ន្ធ និងកំណត់នូវរបៀបរបការងារឱ្យបានច្បាស់លាស់ គឺជាកត្តាដ៏សំខាន់។
សូមបញ្ជាក់ថាលោកបណ្ឌិតហ៊ុនម៉ាណែតសមាជិកគណៈអចិន្ត្រៃយ៍នៃគណៈកម្មាធិការកណ្តាលគណបក្សប្រជាជន
កម្ពុជា និងប្រធានយុវជនថ្នាក់កណ្តាលរបស់បក្ស ត្រូវបានគេមើលឃើញថា
កំពុងប្រឹងប្រែងកសាង និងរៀបចំនូវរចនាសម្ព័ន្ធយុវជនបក្ស ដើម្បីកសាងនូវភាពរឹងមាំរបស់បក្ស ដែលជាបុព្វហេតុដ៏ចម្បងសម្រាប់ការដឹកនាំសង្គមជាតិផងដែរ៕
ដកស្រង់ពី៖ Fresh News