ក្រសួងព័ត៌មាន និងគណៈកម្មការកិច្ចការបរទេស និងឃោសនាការនៃរដ្ឋសភា ពិភាក្សាស្វែងយល់ពី «កិច្ចការប្រព័ន្ធផ្សព្វផ្សាយនៅកម្ពុជា»

សេចក្ដីលម្អិត

ជំពូក៖ ព័ត៌មានជាតិ

(ភ្នំពេញ)៖ ប្រតិភូសភា ដឹកនាំដោយ លោក សួស យ៉ារ៉ា ប្រធានគណៈកម្មការកិច្ចការបរទេស សហប្រតិបត្តិការអន្តរជាតិ ឃោសនាការ និងព័ត៌មាននៃរដ្ឋសភា នៅថ្ងៃទី២៥ ខែមករា ឆ្នាំ២០២៣នេះ

បានជួបប្រជុំជាមួយ លោក ខៀវ កាញារីទ្ធ រដ្ឋមន្រ្តីក្រសួងព័ត៌មាន និងសហការី ដើម្បីស្វែងយល់ «កិច្ចការប្រព័ន្ធផ្សព្វផ្សាយនៅកម្ពុជា»។

កិច្ចប្រជុំនេះរៀបចំឡើងនៅវិមានរដ្ឋសភាកម្ពុជា ដោយអនុលោមតាមរដ្ឋធម្មនុញ្ញ មាត្រា៩៧ បទបញ្ជាផ្ទៃក្នុងនៃរដ្ឋសភាប្រការ៣៤ថ្មី និងសេចក្តីសម្រេចលេខ ០០៥រស ចុះថ្ងៃទី០៩ ខែមករា ឆ្នាំ២០១៤

ស្តីពីតួនាទី និងភារកិច្ចរបស់គណៈកម្មការកិច្ចការបរទេស សហប្រតិបត្តិការអន្តរជាតិ ឃោសនាការ និងព័ត៌មាន នៃរដ្ឋសភា៕