ស្លាប់៦នាក់ រងរបួសធ្ងន់ស្រាល ១៧នាក់ ក្នុងគ្រោះថ្នាក់ចរាចរណ៍ ទូទាំងប្រទេសថ្ងៃទី២៧ ខែកញ្ញាម្សិលមិញ

សេចក្ដីលម្អិត

ជំពូក៖ ព័ត៌មានជាតិ

ភ្នំពេញ៖ យ៉ាងហោចណាស់ មានមនុស្ស ៦នាក់ បានស្លាប់ ១១នាក់រងរបួសធ្ងន់ និង ៦នាក់ ផ្សេងទៀត របួសស្រាល ក្នុងគ្រោះថ្នាក់ ចរាចរណ៍ ទូទាំងប្រទេស ថ្ងៃទី២៧ ខែកញ្ញា ឆ្នាំ២០១៥ ម្សិលមិញ នេះបើតាមការចុះផ្សាយ របស់ គេហទំព័រ អគ្គស្នងការ នគរបាលជាតិ ។

ប្រភពព័ត៌មាន ដដែលបញ្ជាក់ទៀតថា ក្នុងគ្រោះថ្នាក់ ចរាចរណ៍ទាំង ៩លើក ថ្ងៃទី២៧ ខែកញ្ញា ម្សិលមិញនេះ បានបង្ក ឲ្យខូចខាត យានយន្តសរុប ១៧គ្រឿង  ក្នុងនោះមាន ម៉ូតូចំនួន ៩គ្រឿង, រថយន្តធុនតូច៧គ្រឿង ,រថយន្តធុនធំ  ១គ្រឿង ហើយមូលហេតុ ដែលបណ្តាល ឲ្យមានគ្រោះថ្នាក់ រួមមាន ល្មើសល្បឿន ២លើក, ស្រវឹង ២លើក , ប្រជែង គ្រោះថ្នាក់ ២លើក, មិនគោរពសិទ្ធិ ១ លើក, បត់គ្រោះថ្នាក់ ១លើក និងមិនប្រកាន់ស្តាំ ១លើក ។

ក្នុងនោះ អ្នកមិនពាក់មួក ពេលគ្រោះថ្នាក់ មាន ១៥នាក់ ( យប់១២នាក់ )  ។ ជាមួយគ្នានេះដែរ កម្លាំងនគរ បាលចរាចរណ៍ បានធ្វើការផាក ពិន័យរថយន្ត សរុបចំនួន ៧៥៦គ្រឿង ( រថយន្តធំ ២៥៦ គ្រឿង ) ស្មើនិង៧៥៦ករណី ល្មើសក្រដាស ស្នាមមាន ៤៨២ គ្រឿង ស្មើនឹង ៤៨២ករណី, ចំពោះករណីល្មើស បច្ចេកទេស ២៧៤ គ្រឿងស្មើនឹង២៧៤ករណី ដោយឡែកម៉ូតូ ត្រូវបានពិន័យ សរុបចំនួន ១,៥៨៨ គ្រឿង ៕