ក្រសួងការពារជាតិ ជ្រើសរើស ពលទាហាន បំពេញក្របខ័ណ្ឌឲ្យ បញ្ជាការដ្ឋានកងទ័ពជើងគោក និងបញ្ជាការដ្ឋានកងទ័ពជើងទឹកចំនួន ២០០០នាក់

សេចក្ដីលម្អិត

ជំពូក៖ ព័ត៌មានជាតិ

នៅរសៀលថ្ងៃទី ១១ ខែកុម្ភៈ ឆ្នាំ ២០២៥ នេះ បានឱ្យដឹងថា ប្រគល់ភារកិច្ចដល់ ក្រសួងការពារជាតិ ជ្រើសរើស ពលទាហាន បំពេញក្របខ័ណ្ឌឲ្យ បញ្ជាការដ្ឋានកងទ័ពជើងគោក និងបញ្ជាការដ្ឋានកងទ័ពជើងទឹកចំនួន ២០០០នាក់។

ដោយអគ្គបញ្ជាការដ្ឋាន បញ្ជាការដ្ឋានកងទ័ពជើងគោក និងបញ្ជាការដ្ឋានកងទ័ពជើងទឹក ធ្វើការ ជ្រើសរើសពលទាហាន ចំនួន ២.០០០ (ពីរពាន់)នាក់ទៅ តាមសេចក្តីសម្រេចរបស់រាជរដ្ឋាភិបាល លេខ០៣/ស.ស.រ ចុះថ្ងៃទី១៣ ខែមករា ឆ្នាំ២០២៥ ស្តីពីការជ្រើសរើសពលទាហាន ដើម្បីបំពេញក្របខ័ណ្ឌឲ្យកងឯកភាពដូចខាងក្រោម៖

ក. លក្ខ័ខណ្ឌជ្រើសរើស

១-យោធភូមិភាគទី១ ចំនួន ១១៨ នាក់

២-យោធភូមិភាគទី២ ចំនួន ៥៣ នាក់

៣-យោធភូមិភាគទី៣ ចំនួន ៨១ នាក់

៤-យោធភូមិភាគទី៤ ចំនួន ១០៥ នាក់

៥-យោធភូមិភាគទី៥ ចំនួន១.១៧៤ នាក់

៦-យោធភូមិភាគពិសេស ចំនួន ១៦៩ នាក់

៧-កងឯកភាពឈរជើងតាមបណ្តាកោះ ចំណុះកងទ័ពជើងទឹក ចំនួន ៣០០នាក់

ខ- បេក្ខជនត្រូវភ្ជាប់មកជាមួយ

១-ពាក្យសុំចុះឈ្មោះចូលបម្រើកងយោធពលខេមរភូមិន្ទ និងកិច្ចសន្យារបស់សាមីខ្លួន ចំនួន០២ ច្បាប់

២-លិខិតធានាបញ្ជាក់សាច់ញាតិកងទ័ព ឬអតីតយុទ្ធជន ឬអាណាព្យាបាល ចំនួន០២ ច្បាប់

៣-លិខិតបញ្ជាក់ការសិក្សា ចំនួន០២ ច្បាប់

៤-លិខិតពិនិត្យសុខភាព ចំនួន០២ ច្បាប់

៥-អត្តសញ្ញាណប័ណ្ណសញ្ជាតិខ្មែរ(ថតចម្លង) និងសេចក្តីចម្លងសំបុត្រកំណើត ចំនួន០២ ច្បាប់

៦-រូបថត៤x៦ (ថតថ្មីចំពីមុខ) ចំនួន០៦សន្លឹក

គ- បេក្ខជនត្រូវដាក់ពាក្យសុំចុះឈ្មោះចូលបម្រើ កងយោធពលខេមរភូមិន្ទ ទីតាំងចែកពាក្យ និងទទួលពាក្យ អាស្រ័យដោយ អគ្គបញ្ជាការដ្ឋានជាអ្នកកំណត់។

ដកស្រង់ពី៖ ខ្មែរណូត