ព្រឹកនេះអគ្គិសនីនៅតំបន់មួយចំនួនក្នុងក្រុងបានលុង ត្រូវកាត់ផ្តាច់ព្រោះក្រុមការងារអគ្គិសនីត្រូវផ្លាស់ប្តូរបង្គោលភ្លើង ដែលរថយន្តបុកបាក់

សេចក្ដីលម្អិត

ជំពូក៖ ព័ត៌មានជាតិ

(រតនគិរី)៖ អគ្គិសនីកម្ពុជា បានបញ្ជាក់ប្រាប់អង្គភាពព័ត៌មាន Fresh News ថា នៅព្រឹកថ្ងៃទី០៦ ខែមីនា ឆ្នាំ២០១៨នេះ ភូមិចំនួន៤ នៅក្នុងសង្កាត់កាចាញ និងសង្កាត់បឹងកន្សែង ក្រុងបានលុង ខេត្តរតនគិរី ត្រូវបានកាត់ផ្តាច់ជាបណ្តោះអាសន្ន ព្រោះតែក្រុមការងារបច្ចេកទេសអគ្គិសនីកម្ពុជា ត្រូវដំឡើងបង្គោលថ្មី ដែលរថយន្តបានបុកបាក់។

បើតាមអគ្គិសនីកម្ពុជា បានបញ្ជាក់ថា ការផ្លាស់ប្តូរបង្គោលនឹងរួចរាល់ ហើយអាចផ្គត់ផ្គង់ចរន្តអគ្គិសនីឡើងវិញនៅម៉ោង ១១ព្រឹកថ្ងៃដដែលនេះ។

អគ្គិសនីកម្ពុជា បានអំពាវនាវដល់ប្រជាពលរដ្ឋ ឲ្យមានការប្រុងប្រយ័ត្នខ្ពស់ នៅពេលបំពេញការងារនៅជិត គន្លងខ្សែបណ្ដាញ និងបង្គោលអគ្គិសនី ពីព្រោះអាចបណ្ដាលឲ្យ មានការរអាក់រអួល ក្នុងការផ្គត់ផ្គង់ចរន្តអគ្គិសនី និងគ្រោះថ្នាក់ជាយថាហេតុ។អគ្គិសនីកម្ពុជា ក៏បានសុំការយោគយល់ និងអធ្យាស្រ័យចំពោះការដាច់ចរន្តអគ្គិសនីនេះផងដែរ៕

ដកស្រង់ពី៖ Fresh News