ព្រឹកនេះក្រសួងមហាផ្ទៃ រៀបចំសន្និបាតបូកសរុបលទ្ធផលការងារឆ្នាំ២០១៨ និងលើកទិសដៅបន្ដ

សេចក្ដីលម្អិត

ជំពូក៖ ព័ត៌មានជាតិ

(ភ្នំពេញ)៖ ក្រសួងមហាផ្ទៃ នៅព្រឹកថ្ងៃទី១៣ ខែកុម្ភៈ ឆ្នាំ២០១៩នេះ រៀបចំសន្និបាតត្រួតពិនិត្យលទ្ធផលការងារឆ្នាំ២០១៨ និងលើកទិសដៅការងារបន្ដឆ្នាំ២០១៩។

អង្គសន្និបាតនេះ ត្រូវបានធ្វើឡើង ក្រោមអធិបតីភាពសម្ដេចក្រឡាហោម ស ខេង ឧបនាយករដ្ឋមន្ដ្រី រដ្ឋមន្ដ្រីក្រសួងមហាផ្ទៃ និងមានការចូលរួមពី ថ្នាក់ដឹកនាំក្រសួង អ្នកពាក់ព័ន្ធ ព្រមទាំងភ្ញៀវកិត្តិយស ជាច្រើនរូបទៀតផងដែរ។

សន្និបាតក្រសួងមហាផ្ទៃនេះ នឹងត្រូវធ្វើឡើងរយៈពេលពីរថ្ងៃ ដែលថ្ងៃបិទអង្គនឹងត្រូវធ្វើឡើង នៅរសៀលថ្ងៃទី១៤ ខែកុម្ភៈ ឆ្នាំ២០១៩ ក្រោមអធិបតីភាពសម្ដេចតេជោ ហ៊ុន សែន នាយករដ្ឋមន្ដ្រីនៃកម្ពុជា៕

ដកស្រង់ពី៖ Fresh News