ហេតុផលពិសេសមួយ រឿងភាគថៃ "គ្រូពេទ្យថងឯក" ត្រូវតែចាក់បញ្ចាំងក្នុងរដូវវស្សារបស់កម្ពុជា
- សេចក្ដីលម្អិត
- ជំពូក៖ ព័ត៌មានផ្សេងៗ
គិតមកដល់ត្រឹមថ្ងៃទី២ កក្កដានេះ ខ្សែភាពយន្តភាគសម្រាប់ទូរទស្សន៍រឿង "គ្រូពេទ្យថងឯក" គឺជាថ្ងៃទី២ហើយ ដែលខ្សែភាពយន្តភាគទូរទស្សន៍ដ៏គួរ ឲ្យចាប់អារម្មណ៍ត្រូវបានដាក់បញ្ចាំង ជូនប្រិយមិត្តបានទស្សនា នៅលើកញ្ចក់ទូរទស្សន៍ PNN។
អ្វីដែលពិសេស រឿងនេះត្រូវបាន កំណត់បញ្ចាំងជាកំហិតក្នុង រដូវវស្សារបស់កម្ពុជា។ តាមព័ត៌មាន "គ្រូពេទ្យថងឯក" នឹងបរិយាយពីចំណងស្នេហ៍កើតនៅទីជនបទ អមដោយទេសភាពស្រុកស្រែចំខែវស្សានាថ្ងៃទី០១ ខែកក្កដាឆ្នាំ២០១៩នេះ ដ៏ស្រស់បំព្រង។ បន្ថែមពីលើនេះ ក៏នឹងផ្ដល់ជូននូវឆាកកំប្លុកប្លែងជាច្រើន សម្រាប់ផ្ដល់នូវភាពរីករាយជូនអ្នកទស្សនាថែមទៀត។
វិលមកជុំវិញហេតុផល ដែលសាច់រឿងខាងលើត្រូវបញ្ចាំងឲ្យត្រូវនឹងរដូវវស្សារបស់កម្ពុជា តាមប្រភពពីអ្នកគ្រប់គ្រងការចាក់ផ្សាយរបស់ទូរទស្សន៍ PNN បានឲ្យដឹងថា ហេតុផលសំខាន់ ដោយសារតែជារឿងនេះ និយាយច្រើនតែពីបរិយាកាស និងទិដ្ឋភាពស្រុកស្រែចម្ការនារដូវវស្សា។
ដូច្នេះហើយ ទើបការរៀបចំកាល វិភាគចាក់ផ្សាយ ក៏តម្រូវឲ្យចំពេលវេលាល្អនៃ រដូវវស្សាក្នុងប្រទេសកម្ពុជាយើង សមស្របទៅនឹងបរិយាកាសសាច់រឿង ដែលអមទៅដោយទេសភាពវាលស្រែភាគច្រើននោះឯង។ តើការទស្សនារឿងភាគអមដោយទេសភាពស្រុកស្រែចម្ការ ចំរដូវវស្សាបែបនេះទាក់ចិត្ត ត្រជាក់ភ្នែកកម្រិតណា?
តើស្នេហារវាងគ្រូពេទ្យកំលោះ ថងឯក និង ឆាបា កញ្ញាក្លាហាន ផ្ដើមមានសម្ព័ន្ធភាពនឹងគ្នាដោយវិធីណា? តើស្នេហារវាងកំលោះក្រមុំមួយគូនេះ នឹងនាំនូវភាពរីករាយស្រស់ស្រាយបែបណាជូនអ្នកទស្សនា? សូមកុំភ្លេចរង់ចាំទស្សនាការចាក់ផ្សាយផ្ទាល់រៀងរាល់ថ្ងៃចន្ទ រហូតថ្ងៃពុធ វេលាម៉ោង៩ ដល់ម៉ោង១០យប់៕
ដកស្រង់ពី៖ Sabay