Warning: include(styles.php) [function.include]: failed to open stream: No such file or directory in /home/www/pditbaungkhmum.org/templates/as002035free/component.php on line 23

Warning: include() [function.include]: Failed opening 'styles.php' for inclusion (include_path='.:/usr/local/php5/lib/php') in /home/www/pditbaungkhmum.org/templates/as002035free/component.php on line 23

ប្រទះ​ឃើញ​ផ្ទាំង​រូបភាព (Poster) របស់ Huawei Mate X នៅ​ហាង​មួយ​កន្លែង​ក្នុង​ប្រទេស​ចិន បញ្ជាក់​ថា​វា​អាច​ចេញ​លក់​ឆាប់​ៗ​ហើយ

  • បោះពុម្ព

មានមនុស្សជាច្រើនធ្លាប់បានដឹងហើយពីទូរសព្ទបត់របស់ Huawei ដែលវាត្រូវបានប្រកាសកាលពីខែកុម្ភៈកន្លងទៅ ជាមួយរូបរាងប្លែក អេក្រង់ធំ រីឯតម្លៃក៏ថ្លៃខ្លាំងផងដែរ។ Mate X មិនមែន ជាស្មាតហ្វូនបត់ដំបូងនោះទេ ពោលគឺ Galaxy Fold របស់ Samsung ឯណោះទេ

ដែលបានប្រកាសមុនគេ ប៉ុន្តែដោយសារតែមាន បញ្ហាបច្ចេកទេសមួយចំនួន បានកើតឡើង ជាហេតុធ្វើ Samsung ពន្យារពេល ក្នុងការដាក់លក់។

ពិតណាស់ បញ្ហានិងកំហុសមួយចំនួនរបស់ Galaxy Fold បានផ្តល់ឱកាសឲ្យ Mate X ធ្វើការអភិវឌ្ឍន៏ខ្លួន ក៏ដូចជាបញ្ចៀសរាល់ចំណុចខ្សោយ ទាំងនោះមិនឲ្យកើតមាន ហើយកាន់តែពិសេស វាអាចនឹងធ្វើឲ្យផែនការ ក្នុងការលក់ទូរសព្ទបត់ដំបូងគេរបស់ Samsung ត្រូវជួបបញ្ហាកាន់តែច្រើន ដោយសារគូប្រជែងផងដែរ។ ជាក់ស្ដែងក្នុងថ្ងៃនេះ គំនិតខាងលើកាន់តែជិតក្លាយ ជាការពិតហើយ ដោយសារមានហាងមួយ នៅក្នុងប្រទេសចិនបានបង្ហាញ ពីផ្ទាំងរូបភាពមួយចំនួនរបស់ Mate X ប៉ុន្តែមិនបានបញ្ជាក់ ពីកាលបរិច្ឆេទដាក់លក់នោះទេ គ្រាន់តែដឹងបានថា ត្រកូលបត់មាន 5G នេះ កាន់តែខិតជិតក្នុងការបង្ហាញខ្លួន មែនទែនហើយ។

គួរបញ្ជាក់ថា បើតាមសម្តីពីនាយកផ្នែកផលិតផលរបស់ Huawei នៅក្នុងកិច្ចប្រជុំមួយ បានឲ្យដឹងថា Mate X អាចនឹងត្រូវប្រកាសដាក់លក់ នៅចុងខែកក្កដា ឬដើមខែសីហានេះ នៅក្នុងប្រទេសចិន រីឯចំពោះប្រទេសផ្សេងៗ (Global version) អាចនឹងត្រូវប្រកាសលក់ នៅក្នុងខែកញ្ញា នាពេលខាងមុខនេះ។

ដូច្នេះ បើផ្ទាំងរូបភាព (Poster) ខាងលើនេះ ពិតជាមានចេតនា ចង់ប្រាប់ពីការបង្ហាញខ្លួន ក្នុងពេលឆាប់ៗនេះមែន អញ្ចឹងមិនយូរទៀតទេ យើងនឹងបានឃើញវត្តមាន ស្មាតហ្វូនបត់ដំបូងរបស់ Huawei ដាក់លក់ជាផ្លូវការហើយ។ ចាំមើលថាវាមានលក្ខណៈពិសេសបែបណាខ្លះ តើវាអាចធ្វើឲ្យអ្នកដកលុយជាច្រើន ចំនាយលើវាបានទេ?

 

ដកស្រង់ចេញពីCamborReport