ZTE បញ្ចេញ​​រូបភាព​ថត​ចេញ​ពី Nubia Z20 មុន​ថ្ងៃ​ប្រកាស​ចេញ​មក​ដល់

សេចក្ដីលម្អិត

ជំពូក៖ ព័ត៌មានផ្សេងៗ

ZTE ដែលជាក្រុមហ៊ុន ស្ថិតនៅក្រោម ការគ្របគ្រងរបស់ក្រុមហ៊ុន Nubia ហើយត្រូវបានគេដឹងថា ជាក្រុមហ៊ុនមួយ ដែលផ្តើតសំខាន់ ទៅលើសមត្ថិភាពកាមរ៉ា របស់ខ្លួននាពេល

ប៉ុន្មានឆ្នាំចុងក្រោយនេះ។ ដើម្បីត្រៀមខ្លួនក្នុងការដាក់បង្ហាញ នូវស្មាតហ្វូន Nubia Z20 របស់ខ្លួន ជាផ្លូវការ ក្នុងថ្ងៃនេះ នៅឯប្រទេសចិន ក្រុមហ៊ុន ZTE បានបង្ហោះរូបភាព ជាច្រើនសន្លឹក ដែលថតចេញពីស្មាតហ្វូន Nobia Z20។ ខាងក្រោមនេះជារូបដែលថតចេញពី Nubia Z20។គួររំលឹកផងថា បើយោងតាមប្រភពបែកធ្លាយ Nobia Z20 ត្រូវគេរំពឹងថា នឹងបំពាក់អេក្រង់ ទាំងមុខ ទាំងក្រោយ គ្មានឆក និងប្រើបន្ទះបង្ហាញ ជាប្រភេទ OLED  ដែលផ្ទៃបង្ហាញខាងមុខ មានទំហំ 6.42 អ៊ីញ និងផ្ទៃបង្ហាញខាងក្រោយ មានទំហំ 5.1 អ៊ីញ ហើយមានកម្រិតបង្ហាញ ទាំងមុខ ទាំងក្រោយ Full HD+។

Nubia Z20 ត្រូវបានបំពាក់ដោយ បន្ទះឈីប Snapdragon 855+ (octa-core ) គួបផ្សំជាមួយ កម្លាំងថ្ម 4000 mAh គាំទ្របច្ចេកវិទ្យា សាកថ្មលឿន។ វាត្រូវបានបែងចែកចេញជា 3 ជម្រើស គឺ ទំហំផ្ទុក128G គួបផ្សំជាមួយ RAM 6GB, ទំហំផ្ទុក256G គួបផ្សំជាមួយ RAM 8GB និង ទំហំផ្ទុក 512G គួបផ្សំជាមួយ RAM 12GB។

ដកស្រង់ចេញពីCamboReport