អាជ្ញាធរ និងសមត្ថកិច្ច ជួយអន្តរាគមន៍ ចំពោះការជន់លិច ខណៈកំពស់ទឹក កើនឡើងជាលំដាប់ ហួសកម្រិតប្រកាសអាសន្ន

សេចក្ដីលម្អិត

ជំពូក៖ ព័ត៌មានផ្សេងៗ

កំពង់ចាម៖ សម្រាប់ថ្ងៃអង្គារ ទី៥ ខែសីហា ឆ្នាំ២០១៤នេះ កម្ពស់ទឹកនៅស្ថានីយ៍ ជលសាស្រ្ត ក្រុងកំពង់ចាម បានឡើងដល់ ១៥,៦៧ម៉ែត្រ គិតត្រឹមវេលា ម៉ោង៧ព្រឹកនេះ ខណៈកម្រិតប្រកាសអាសន្ន ត្រឹមតែ ១៥,២០ម៉ែត្រ។ ក្នុងថ្ងៃនេះ សមត្ថកិច្ចនគរបាល ចំនួន ៣០០នាក់ បានច្រកខ្សាច់ចូលបាវ ទប់កុំឲ្យទឹកហូរចូល ក្រុងកំពង់ចាម ខណៈតំបន់ខ្លះក្នុងទីរួមខេត្តនេះ កំពុងជន់លិច ជាបណ្តើរៗ។

ជាមួយគ្នានេះ អាជ្ញាធរ និងមន្ដ្រីពាក់ព័ន្ធ បានបន្ដបូមទឹកចេញ ពីក្រុងចូលទៅ ក្នុងទន្លេ ហើយធ្វើការបិទមុខលូ មិនឱ្យបន្ដហូចូល ក្រោមការចង្អុលបង្ហាញ និងដឹកនាំរបស់ ឯកឧត្តម លន់ លឹមថៃ អភិបាលខេត្ត អស់លោក លោកស្រី ជាថ្នាក់ដឹកនាំខេត្ត។