បណ្តាញសង្គម

ក្រុម​តូច ឬ SWSB ប្រកាស​ចេញ​អាល់​ប៊ុម​ថ្មី ជាមួយ​នឹង​ដំណឹង​ដ៏​ពិសេស​មួយ​ទៀត

កាលពីល្ងាចថ្ងៃទី ១៤ ខែតុលា កន្លងទៅ ក្រុម SmallWorld SmallBand បានប្រកាសចេញអាល់ប៊ុមថ្មីរបស់ខ្លួនដែលមានឈ្មោះថា «SmallWorld SmallBand» ដែលបានធ្វើឡើងនៅ Smart Shop មុនីវង្ស។

អាល់ប៊ុមថ្មីនេះ គឺចង់និយាយអំពីក្ដីស្រឡាញ់ ជីវិត និងការទទួលខុសត្រូវ ពោលគឺជាការធំដឹងក្ដី ហើយក្រុមតូចបានចំណាយពេល ១៥ ខែ ដើម្បីតាក់តែងអាល់ប៊ុមនេះឡើង។ អាល់ប៊ុម «SmallWorld SmallBand» នេះមានចំនួនសរុប ១២ បទ ដោយ ៦ បទដំបូង លោកអ្នកអាចរកស្ដាប់បាននៅក្នុងកម្មវិធីទូរសព្ទដៃ Pleng by Smart ។

ចំណែកឯ ៦ បទផ្សេងទៀតនឹងចេញនៅដើមខែមករា ឆ្នាំ ២០២០។ ភ្ជាប់ជាមួយនឹងការប្រកាសអាល់ប៊ុមថ្មីនេះ ក្រុម តូច ឬ SWSB ក៏បានប្រកាសថា ពួកគេនឹងមានការប្រគំតន្ត្រីផ្ទាល់ខ្លួនដែលនឹងធ្វើឡើងនៅថ្ងៃទី ១០ ខែវិច្ឆិកា ឆ្នាំ២០១៩ ខាងមុខនេះ នៅឯ សាលជាន់ទី ៣ ផ្សារទំនើប AEON Mall Sen Sok ។

អ្នកគាំទ្ររបស់ SmallWorld SmallBand អាចមកទទួលយកសំបុត្រនៃការប្រគំតន្ត្រីនេះបានដោយឥតគិតថ្លៃ ប្រសិនបើលោកអ្នកជាអ្នកប្រើប្រាស់កម្មវីធីទូរសព្ទដៃ Pleng Pro by Smart ។ រីឯអ្នកដែលមិនមែនជាអ្នកប្រើប្រាស់ Pleng Pro by Smart លោកអ្នកអាចជាវសំបុត្របានដែលមានតម្លៃ ៣ ដុល្លារប៉ុណ្ណោះ។

រាល់ការទៅទទួលយកនិងជាវសំបុត្រ លោកអ្នកអាចទៅសាខា Smart Shop ចាប់ពីថ្ងៃទី ១៩ ខែតុលា នេះតទៅនៅ Smart Shop មុនីវង្ស Smart Shop កោះពេជ្រ Smart Shop AEON Mall ១ & ២ និង Smart Shop TK Avenue។

ដកស្រង់ពី៖ Sabay