អាណិតកូនកម្លោះកូនក្រមុំខ្លោចចិត្ត មង្គលការខ្លួនឯងសោះតែគេចាប់អារម្មណ៍តែ Lee Minho
- សេចក្ដីលម្អិត
- ជំពូក៖ ព័ត៌មានផ្សេងៗ
ជាមួយនឹងរូបសម្បត្តិស្រស់សង្ហាររបស់ខ្លួន កំពូលតារាសម្ដែងប្រុសកូរ៉េ Lee Minho បានធ្វើឲ្យប្ដីប្រពន្ធថ្មីថ្មោងមួយលិចបាត់ស្រមោលទាំងស្រុងតែម្ដង នៅពេលខ្លួនចូលរួមជាភ្ញៀវកិត្តិយសក្នុងពិធីមង្គលការរបស់ពួកគេ។
មុននេះបន្តិច កម្រងរូបភាពរបស់តារាសម្ដែងប្រុសជួរមុខកូរ៉េ Lee Minho បង្ហាញមុខក្នុងកម្មវីធីមង្គលការមួយ ក្រោយពេលត្រូវបានចែកចាយលើបណ្ដាញសង្គមបានល្បីជាខ្លាំង។ តាមសម្ដីរបស់អ្នកចែករំលែករូបភាពនោះ បានឲ្យដឹងថា នេះគឺជាមង្គលការ របស់បុគ្គលិកជិតស្និទ្ធិម្នាក់ ដូចនេះហើយ តួរឿង Legend of the Blue Sea មិនអាចបាត់មុខបានឡើយ។
យ៉ាងណាក្ដី បើតាមការឲ្យដឹងរបស់ប្រភពដដែល ខណៈកូនកំលោះ កូនក្រមុំដែលតែងតែត្រូវបានគេចាប់អារម្មណ៍ខ្លាំងជាងគេ នៅក្នុងរាល់កម្មវិធីការនោះ នៅលើកនេះ អ្នកដែលចូលរួមទាំងអស់ បានសន្លឹងមើលតែសិល្បករវ័យ៣៣ឆ្នាំប៉ុណ្ណោះ ដ្បិតលោកសង្ហាខ្លាំងពេក។ យ៉ាងណាក្ដី ប្ដីប្រពនន្ធថ្មីថ្មោងរូបនេះមិនបានអាក់អន់ស្រពន់ចិត្តឡើយ ព្រោះបានកំពូលតារាសម្ដែងនេះចូលរួមដែលចាត់ជាកិត្តិយសមួយសម្រាប់ពួកគេ៕
ដកស្រង់ពី៖ Sabay