Nokia​ Power​ Earbuds ​ចេញ​លក់​ជា​ផ្លូវការ​ហើយ ​ជាមួយ​តម្លៃ​ខ្ទង់​ ៤០​ ម៉ឺន​រៀល​ ឬ ​100 ​ដុល្លារ​

សេចក្ដីលម្អិត

ជំពូក៖ ព័ត៌មានផ្សេងៗ

យើងធ្លាប់បានដឹងហើយ ទាក់ទងជាមួយកាសឥតខ្សែមួយរបស់ Nokia ដែលមានឈ្មោះថា Nokia Power Earbuds ព្រោះថា កាសនេះត្រូវបានក្រុមហ៊ុន HMD Global ប្រកាសចេញរាងយូរហើយ ពោលគឺ នៅក្នុងព្រឹត្តិការណ៍ IFA 2019 មកម្លេះ

ប៉ុន្តែការដាក់លក់ជាផ្លូវការរបស់វា នៅតែមិនទាន់ឃើញនោះឡើយ។ ដោយឡែក នៅក្នុងពេលនេះ ក្រុមហ៊ុនខាងលើសម្រេចដាក់ចេញមែនទែនហើយ ដោយបានចាប់ផ្តើមដាក់លក់ Nokia Power Earbuds ក្នុងទីផ្សារស្រុកចិនមុនគេ ដែលវាមានតម្លៃខ្ទង់ ៤០ ម៉ឺនរៀល ឬ 100 ដុល្លារថែមទៀតផង។

ប្រាកដណាស់ នៅក្នុងពេលនេះ កាសឥតខ្សែខាងលើ ត្រូវបានគេដាក់លក់ជាផ្លូវការហើយ ក្នុងប្រទេសចិនមុនគេ ក្នុងតម្លៃដូចបានប្រាប់រួចហើយអញ្ចឹង ហើយបើក្រឡេកទៅមើល ការរចនា ក៏ដូចជាមុខងារនៅលើកាសនេះវិញ យើងឃើញថា វាមិនអន់នោះ ដោយកាសទាំងគូរនោះ មានទំហំ 25 x 23 x 23.8mm ខណៈពេលដែលប្រអប់សាកវិញ វាមានទំហំ 79 x 48.5 x 31mm ដែលមានភ្ជាប់មកជាមួយមុខងារប៊្លូធូ 5.0 និង Graphene driver ដើម្បីជួយអោយសម្លេង កាន់មានគុណភាពល្អ។ ក្រៅពីនេះ Nokia Power Earbuds មានបំពាក់មកជាមួយ មុខងារប៉ះបញ្ជានៅលើតួកាសផ្ទាល់ ដើម្បីបើកដំណើរការ Google Assistant កាន់តែពិសេស វាក៏មានប្រើប្រាស់អាវក្រោះ ការពារទឹកកម្រិត IPX7 ដែលអាចទ្រាំ ក្នុងទឹកជម្រៅ 1 ម៉ែត្រ បានដល់រយៈពេលយូរបំផុត 30 នាទី។ លើសពីនោះ Nokia បន្ថែមថា ប្រអប់កាសរបស់វា មានទំហំថ្មដល់ទៅ 3000mAh ទៀតផង ដែលអាចសាកថ្មទៅកាន់ កាសស្តាប់ បានរហូតទៅដល់ 50 ដង អាចប្រើប្រាស់បាន 150 ម៉ោង ហើយក្នុងពេលសាកម្តង កាសទាំងទ្វេនោះ អាចបម្រើការស្តាប់តន្រ្តីបានប្រហែល 5 ម៉ោងផងដែរ។

អញ្ចឹងហើយ នៅក្នុងពេលនេះ កាសដែលបានរៀបរាប់ខាងលើ វាមានលក់ជាផ្លូវការហើយ ក្នុងប្រទេសចិនមុនគេ ដែលមានតម្លៃប្រមាណជា ៤០ ម៉ឺនរៀល ឬ 100 ដុល្លារ ហើយសមត្ថភាព ក៏ដូចជាមុខងារសំខាន់ៗរបស់ Nokia Power Earbuds នេះ គឺដូចការបញ្ជាក់នៅខាងលើនេះអញ្ចឹង ហើយចុងក្រោយសូមបន្ថែមថា កាសនេះ វាមានចំនួន 2 ពណ៌គឺ ពណ៌ប្រផេះស្រាល និងពណ៌ខ្មៅផងដែរ។ យ៉ាងណាក៏ដោយ ដូចបានបញ្ជាក់អញ្ចឹងថា នៅក្នុងពេលនេះ វាមានវត្តមាននៅក្នុងប្រទេសចិនហើយ ប៉ុន្តែយើងក៏មិនទាន់ច្បាស់នោះទេ ថាវានឹងមានវត្តមាននៅក្នុងទីផ្សារស្រុកយើង ឬអត់នោះ ដូច្នេះសង្ឃឹមថា នឹងមានទៅចុះ ព្រោះថាវាមានសមត្ថភាពប្រសើរ មិនចាញ់កាសរបស់ក្រុមហ៊ុនផ្សេងៗប៉ុន្មាននោះទេ ជាពិសេសគឺថាមពលថ្មតែម្ដង។

ប្រភពអត្ថបទចេញពីៈcamboreport

***សូមចុចទីនេះ ដើម្បី Subscribe YouTube Channel របស់ TV TbaungKhmum - ទូរទស្សន៍ជាតិខេត្តត្បូងឃ្មុំ ដើម្បីទទួលបាន វីដេអូថ្មីៗ!!!
https://www.youtube.com/ch…/UC-WnprmMQIt-YAc3fyAD6Mg/videos…
FacebookPage
https://www.facebook.com/tvtbaungkhmum/
https://www.facebook.com/pditbk/
http://pditbaungkhmum.org/
https://www.facebook.com/AKPTBK