មាស សុខសោភា ចាប់ផ្ដើមរៀបចំបទ ដើម្បីរាំសប្បាយក្នុងថ្ងៃបុណ្យចូលឆ្នាំខ្មែរហើយ!
- សេចក្ដីលម្អិត
- ជំពូក៖ ព័ត៌មានផ្សេងៗ
តារាចម្រៀងប្រចាំផលិតកម្មថោន កញ្ញា មាស សុខសោភា ត្រៀមបទចម្រៀងចង្វាក់កន្ទ្រឹម និងរាំវង់ប្រពៃណីខ្មែរចំនួន៥ បទ ដើម្បីអបអរសារទរក្នុងឱកាសបុណ្យចូលឆ្នាំថ្មីប្រពៃណីជាតិខ្មែរ ឆ្នាំ២០២០ នេះ។
កញ្ញា មាស សុខសោភា និយាយថា " មិនទាន់អាចប្រាប់ចំណងជើងបានទេបង ព្រោះយើងកំពុងតែសរសេរប៉ារ៉ូល និងរកទំនុកភ្លេង ប៉ុន្ដែដឹងច្បាស់ថាក្នុងចំណោម៥បទនេះមានចង្វាក់កន្ទ្រឹម និងរាំវង់ប្រពៃណីខ្មែរ ព្រោះក្រុមហ៊ុនត្រៀមអបអរសាទរក្នុងពិធីបុណ្យចូលឆ្នាំខ្មែរ" ។ បើតាមកញ្ញា មាស សុខសោភា។
ផលិតកម្មថោន បានត្រៀមបទចម្រៀងជាច្រើន ហើយផលិតកម្មកំពុងឲ្យតួ និងតារាចម្រៀងផ្សេងទៀតថតក្នុងរយៈពេលជាង១ខែទៀតនេះ មុននឹងថ្ងៃបុណ្យចូលឆ្នាំខ្មែរប្រណៃជាតិឈានចូលមកដល់។ ប៉ុន្ដែចំពោះកញ្ញាផ្ទាល់ គឺមានតែ៥បទនេះប៉ុណ្ណោះ ហើយបទទាំងអស់សុទ្ធតែថតថ្មី និងមានការយកចិត្ដទុកដាក់ខ្ពស់ក្នុងការផលិត ដើម្បីទាក់ទាញអារម្មរណ៍របស់ទូរទស្សនិកជន និងអ្នកស្ដាប់ស្ដាប់គ្រប់វ័យ។
សូមរំលឹកថា ពិធីបុណ្យចូលឆ្នាំខ្មែរប្រពៃណីជាតិ នឹងប្រារព្ធឡើងចាប់ពីថ្ងៃទី១៣ ដល់ថ្ងៃទី១៦ ខែមេសា។ ក្នុងឱកាសនេះ ក៏មានផលិតកម្មមួយចំនួនទៀត នឹងចេញបទចម្រៀងថ្មីៗដល់អ្នកគាំទ្ររបស់ខ្លួនជាច្រើនបទដែរ៕
ដកស្រង់ពី៖ Sabay