ឡូយហ្មង! កុល ដាវី មានហាងឆេងខ្ពស់នាដើមឆ្នាំ២០២០ នេះ
- សេចក្ដីលម្អិត
- ជំពូក៖ ព័ត៌មានផ្សេងៗ
តារាសម្ដែងល្បីឈ្មោះម្នាក់ គឺអ្នកនាង កុល ដាវី កាន់តែមានភាពមមាញឹកក្នុងការងារសិល្បៈ ជាពិសេសសកម្មភាពថតរឿងភាគឲ្យស្ថានីយ៍ទូរទស្សន៍ល្បីៗចំនួន៣ ខណៈដែលអ្នកដឹកនាំរឿងខ្លះ
បានតម្រូវអ្នកនាងសម្ដែងស្ទើរគ្មានពេលសម្រាក ដើម្បីស្រូតថតឲ្យចប់យ៉ាងយូរត្រឹមខែ៤។ កុល ដាវី និយាយថា ការងារសិល្បៈ និងថតរឿងភាគបានសម្រុកខ្លាំងនៅក្នុងឆ្នាំ២០២០ នេះ ប៉ុន្ដែអ្នកនាងមិនចេះនឿយណាយក្នុងក្នុងការងារទាំងនេះឡើយ ព្រោះមានអ្នកផ្ដល់កម្លាំងចិត្ដ។
អ្នកនាង កុល ដាវី៖ " បើទោះបីជាខ្ញុំរវល់យ៉ាងណាក៏ខ្ញុំមិនភ្លេចបង្កើតភាពផ្អែមល្ហែម និងបង្កើតសុភមង្គលក្នុងគ្រួសារដែរ។ ដូចឥឡូវនេះ ខ្ញុំកំពុងរវល់ខ្លាំងក្នុងការថតរឿងភាគឲ្យទូរទស្សន៍ល្បីៗចំនួនបីរបស់កម្ពុជាយើង"។ បើតាមអ្នកនាង កុល ដាវី ។ រឿងភាគដែលថតស្របពេលគ្នានៅដើមឆ្នាំ២០២០ នេះ គឺមានរឿង " សង្គ្រាមមរតក" ថតឲ្យស្ថានីយ៍ទូរទស្សន៍ភី អិន អិន រឿង "*** ព្រហ្មលិខិតដុះស្លាប***" ថតឲ្យស្ថានីយ៍ទូរទស្សន៍ថោន និងរឿង" ចំណតថ្មី នៃសភមង្គល" របស់ស្ថានីយ៍ទូរទស្សន៍ហង្សមាស៕
ដកស្រង់ពី៖ Sabay