Hyun Bin និងក្រុមការងារត្រូវគេហាមមិនឲ្យចូលប្រទេស ព្រោះវីរុសកូរ៉ូណា
- សេចក្ដីលម្អិត
- ជំពូក៖ ព័ត៌មានផ្សេងៗ
តារាសម្ដែងប្រុសជួរមុខកូរ៉េ Hyun Bin និងក្រុមការងារនៃខ្សែភាពយន្ត មិនត្រូវបានអាជ្ញាធរប្រទេស Jordan ឲ្យចូលប្រទេសខ្លួនឡើយ ដោយសារតែវីរុសកូរ៉ូណាកំពុងរាតត្បាតខ្លាំងនៅប្រទេសកូរ៉េ។
កាលពីថ្ងៃទី២៤ ខែកុម្ភៈមុននេះ បណ្ដាញព័ត៌មាន Starnews បានរាយការណ៍ថា ក្រុមការងារនៃខ្សែភាពយន្ត Bargaining ត្រូវផ្អាកការថតរបស់ខ្លួនដោយគ្មានពេលកំណត់ ព្រោះមិនអាចចូលប្រទេស Jordan បាន។ “ខ្សែភាពយន្តរបស់ពួកយើង គ្រោងចាប់ផ្ដើមថតនៅដើមខែមីនានៅប្រទេស Jordan យ៉ាងណាក្ដី ដោយសារតែការរាតត្បាតខ្លាំងពេកនៃវីរុសកូរ៉ូណានៅប្រទេសកូរ៉េ ដូច្នេះរដ្ឋាភិបាលប្រទេស Jordan បានហាមមិនឲ្យជនជាតិកូរ៉េចូលប្រទេសឡើយ។
ដូចនេះពួកយើងនឹងរៀបចំគម្រោងឡើងវិញ” ។អ្នកនាំពាក្យភាពយន្តនេះឲ្យដឹង។ នេះគឺជាបញ្ហាដ៏ធំមួយ របស់តារាសម្ដែងប្រុសលំដាប់ A លោកHyun Bin និងក្រុមការងារ ដ្បិតខ្សែភាពយន្តខាងលើគឺដាច់ខាតត្រូវថតនៅប្រទេសមួយនេះ។ គួរបញ្ជាក់ផងដែរថា ក្រៅពីប្រទេសចិនដីគោក កូរ៉េខាងត្បូង គឺជាប្រទេសដែលមានចំនួនអ្នកឆ្លងវីរុសកូរ៉ូណាច្រើនជាងគេ ដែលធ្វើឲ្យប្រទេសជាច្រើនមិនអនុញ្ញាតឲ្យប្រជាជនប្រទេសនេះចូលប្រទេសខ្លួនឡើយ៕
ដកស្រង់ពី៖Sabay