កត់ចំណាំទុកឲ្យហើយ Suho ចេញថ្ងៃបង្ហាញបទទោលលើកដំបូងហើយ
- សេចក្ដីលម្អិត
- ជំពូក៖ ព័ត៌មានផ្សេងៗ
នៅថ្ងៃទី ០៦ ខែមីនា ផលិតកម្ម SM បានប្រកាសជាផ្លូវការហើយនូវថ្ងៃចេញបទទោលដំបូងបង្អស់របស់មេក្រុម EXO ដែលត្រៀមបង្ហាញមុខក្នុងពេលឆាប់ៗ។
ផលិតកម្មយក្សមួយនេះ បានឲ្យដឹងថា Suho នឹងចេញអាល់ប៊ុមតូចដំបូងមានឈ្មោះថា «Self-Portrait» នៅថ្ងៃទី ៣០ ខែមីនា ឆ្នាំ ២០២០ វេលាម៉ោង៦ល្ងាច ម៉ោងនៅកូរ៉េ (ត្រូវនឹងម៉ោង៤ល្ងាចនៅកម្ពុជា)។ អាល់ប៊ុមតូចនេះ មានបទសរុបទាំងអស់ ៦បទ ហើយបើយោងតាមផលិតកម្ម SM Suho បានចំណាយកម្លាំងកាយចិត្ត និងពេលវេលាពេញទំហឹងទៅក្នុងស្នាដៃទាំងអស់នេះគ្រប់ដំណាក់កាលទាំងអស់។
គិតទាំង Suho មានន័យថា EXO មានសមាជិកទី៣ របស់ EXO ហើយដែលចេញអាល់ប៊ុមទោលផ្ទាល់ខ្លួនដំបូងនៅកូរ៉េបន្ទាប់ពី Chen និង BAekhyun៕
ដកស្រង់ពី៖ Sabay