ឆាយ វីរៈយុទ្ធ ប្រកាស​ឧបត្ថម្ភ​អង្ករ​៦តោន​ដល់​សិល្បករចាស់​ជរា​ និង​អ្នក​ក្រីក្រ

សេចក្ដីលម្អិត

ជំពូក៖ ព័ត៌មានផ្សេងៗ

នៅគ្រាដែលមេរោគកូវីដ-១៩ ឆ្លងរាតត្បាតជាសកល ប្រទេសកម្ពុជា ក៏រងផលប៉ះពាល់ផ្នែកសេដ្ឋកិច្ចខ្លះដែរ ជាពិសេសទៅលើចំណូលពីវិស័យសិល្បៈ ព្រោះកម្មវិធីប្រគំតន្ត្រី និងពិធីជួបជុំធំៗត្រូវបានផ្អាក។

ដោយមើលឃើញពីបញ្ហានេះ តារាចម្រៀងល្បីឈ្មោះម្នាក់ប្រចាំផលិតកម្មរស្មី ហង្ស មាស លោក ឆាយ វីរៈយុទ្ធ និងគ្រួសារដែលជាម្ចាស់រោងម៉ាស៊ីនកិនស្រូវហាក់ សែ បានឧបត្ថម្ភអង្ករម៉ាកស្ដេចអង្ករ៦តោន ដើម្បីឲ្យសមាគមសិល្បៈចាត់ចែង។ នេះបើតាមគណនីហ្វេសប៊ុកលោក ហេង ឡុង។

អង្ករទាំង៦តោន នឹងត្រូវចាត់ចែងដល់អ្នកសិល្បៈចាស់ជរា ឬមានជីវភាពខ្វះខាតចំនួន៣តោន និងចែកជូនពលរដ្ឋខ្វះខាតចំនួន៣តោន ក្នុងគ្រាដែលមេរោគកូវីដ-១៩ រាតត្បាត មិនមានចំណូលគ្រប់គ្រាន់៕

ដកស្រង់ពី៖ Sabay