១០ឆ្នាំហើយមិនធ្លាប់ជួប! ក្នុងពេល ៣ខែ Sony លក់ទូរសព្ទបានមិនដល់ ៥០ម៉ឺនគ្រឿង

សេចក្ដីលម្អិត

ជំពូក៖ ព័ត៌មានផ្សេងៗ

Sony បានបញ្ចេញរបាយការណ៍ចំណូលសម្រាប់ត្រីមាសទី ១ ឆ្នាំ ២០២០ (គិតចាប់ពីខែមករា ដល់ខែមីនា) ដែលលទ្ធផលគឺអាចលក់ស្មាតហ្វូនបានត្រឹម ៤០ម៉ឺនគ្រឿងក្នុងអំឡុងពេល ៣ខែនេះ ជាចំនួនលក់ទាបបំផុតក្នុងរយៈពេល ១០ឆ្នាំចុងក្រោយ។

ចំនួនលក់នៅត្រីមាសទីមួយមានការធ្លាក់ចុះ ៦៤% ធៀបនឹងពេលដូចគ្នាកាលឆ្នាំ ២០១៩។ របាយការណ៍ក៏បានឲ្យគេឃើញច្បាស់អំពីស្ថានភាពក្រុមហ៊ុន Sony នៅឆ្នាំ ២០១៩ ដែលពេញមួយឆ្នាំគេអាចលក់ស្មាតហ្វូនបានត្រឹម ៣,២លានគ្រឿង។

ធៀបនឹងឆ្នាំ ២០១៨ ចំនួនលក់សរុបមាន ៦,៥ លានគ្រឿង។ទោះបីជាចំនួនលក់ស្មាតហ្វូនមិនឃើញសញ្ញាវិជ្ជមានក៏ដោយចុះ ក៏ Sony បន្តធ្វើឲ្យជំនួញស្មាតហ្វូនរបស់ខ្លួនមានជីវិតជីវា តាមរយៈការប្រកាសចេញ Xperia 1 II និង Xperia 10 II ដែលរំពឹងថាចេញលក់លើទីផ្សារទូលំទូលាយចាប់ពីខែមិថុនា៕

ដកស្រង់ពី៖sabay