កម្មវិធី Jaibreak ថ្មី អាចប្រើបានលើគ្រប់ស៊េរី iPhone និងគ្រប់ជំនាន់ iOS

សេចក្ដីលម្អិត

ជំពូក៖ ព័ត៌មានផ្សេងៗ

ក្រុមដែលបានបង្កើតនូវឧបករណ៍ Jailbreak ឈ្មោះ "unc0ver” សម្រាប់ iOS បានបញ្ចេញ Software ជំនាន់ថ្មីរបស់ខ្លួនមាន Version 5.0.0 ដែលអាច Jailbreak រាល់ iOS គ្រប់ជំនាន់នៅលើ iDevice គ្រប់ស៊េរី។

វិបសាយ "unc0ver” មានបញ្ជាក់ថា Software ជំនាន់ថ្មីនេះ គឺបានសាកល្បងលើឧបករណ៍ iOS គ្រប់ប្រភេទ ដែលមានប្រើប្រាស់ iOS ច្រើនជំនាន់ផ្សេងៗគ្នា។ វិបសាយក៏បានបញ្ជាក់ថា Software នេះអាចប្រើលើឧបករណ៍ទាំងអស់ មានចាប់ពី iOS 11.0 ដល់ iOS 13.5 ដែលជាទើបចេញថ្មីៗនេះ។ មុនការបញ្ចេញ Software ថ្មីនេះ វិធីសាស្ត្រតែមួយគត់ដើម្បី Jailbreak ឧបករណ៍ដល់ស៊េរី iPhone 8 និង iPhone X គឺតាមរយៈការប្រើប្រាស់ "checkra1n"។ ដើម្បីទាញយក Software "unc0ver” ជំនាន់ថ្មី អាចចូលទៅកាន់វិបសាយនេះ៕

ដកស្រង់ពី៖sabay