iPhone ម៉ូដែលណាខ្លះ អាចឡើងដល់ iOS 14?

សេចក្ដីលម្អិត

ជំពូក៖ ព័ត៌មានផ្សេងៗ

Apple នឹងបង្ហាញចេញនូវ iOS ជំនាន់បន្ទាប់ក្នុងកម្មវិធី WWDC ដែលប្រព្រឹត្តទៅនាចុងខែមីនានេះ។

ពេលនេះវិបសាយ The Verifier បានប្រាប់ឲ្យដឹងថាតាមរយៈប្រភពផ្ទៃក្នុងរបស់ខ្លួនថា iPhone និង iPod ដែលអាចដំឡើង iOS 13 បាន នឹងសុទ្ធតែអាចអាប់ដេតទៅកាន់ iOS 14 បានទាំងអស់។

កន្លងមក The Verifier ធ្លាប់បានឲ្យដំណឹងច្បាស់ៗអំពី iOS ជំនាន់ថ្មីដែរ ដោយកាលពីឆ្នាំ ២០១៩ វិបសាយនេះបានចុះផ្សាយថា iPhone 5s និង iPhone 6 នឹងមិនអាចអាប់ដេតឡើង iOS 13 បាននោះទេ ដែលវាបានក្លាយជាការពិតមែន។

យ៉ាងណាក្ដីវិបសាយខាងលើបានបញ្ជាក់ឲ្យដឹងដែរថា iOS 14 នឹងជា iOS ចុងក្រោយសម្រាប់ iPhone 6s និង 6s Plus រួមជាមួយ iPhone SE ស៊េរីចាស់ ដែលពួកវាប្រើប្រាស់នូវឈីប A9 ដូចគ្នា៕

ដកស្រង់ពី៖sabay