ទីផ្សារសិល្បៈស្ងាត់ព្រោះកូវីដ១៩ បែរជាឌី សូនីតា កំពុងសប្បាយចិត្តទៅវិញ
- សេចក្ដីលម្អិត
- ជំពូក៖ ព័ត៌មានផ្សេងៗ
រាជធានីភ្នំពេញ៖ តារាសម្តែងសម្បុរស្រអែមដែលមួយរយៈពេលចុងក្រោយនិយមច្រៀង COVER បទជំនាន់ដើមនិងតែងតែធ្វើអោយអ្នកគាំទ្រស្រលាញ់ផ្ទុះសំណើចដោយសារពូកែវោហារស័ព្ទ កញ្ញា ឌី សូនីតា
ហាក់ដូចជាកំពុងឃ្លាតឆ្ងាយពីសិល្បៈជាខ្លាំងខណៈកូវីដ១៩បានធ្វើឲ្យរោងកុនមួយចំនូនផ្អាកការចាក់បញ្ចាំងរឿង ហើយអ្នកសិល្បៈខ្លះងាកមកលក់ដូរតាមអនឡាញ ។ ខណៈអ្នកសិល្បៈខ្លះត្អូញត្អែររឿងបាត់ចំណូលពីសិល្បៈដោយសារតែកូវីដ១៩ តែឌី សូនីតា បែរសប្បាយចិត្តនឹងរឿងផ្សេងទៅវិញ ។
ប្រាកដណាស់ជំងឺកូវីដ១៩ កំពុងតែធ្វើអោយអ្នកសិល្បៈមានការខកខានការថតភាពយន្ត និងការសម្តែងផ្សេងៗ ហើយទីផ្សារផ្សាយពាណិជ្ជកម្មក៏ដាំក្បាលចុះនោះ ឌី សូនីតា ហាក់ដូចជាមិនសូវព្រួយបារម្ភនោះទេ ដោយសារតែពេលនេះអាជីវកម្មរកស៊ីថ្មីកំពុងតែមានការរវល់ខ្លាំង ទោះមិនទាន់បើកជាផ្លូវការក៏ដោយ។
អាជីវកម្មថ្មី ដែលជាក្តីស្រលាញ់របស់តារាសម្បុរស្រអែមរាងច្រឡឹងរូបនេះ ជាប្រភេទសំអាងដ៏ធំមួយ ដែលកំពុងតែត្រៀមបើកជាផ្លូវការនាពេលឆាប់ៗខាងមុន បន្ទាប់ពីជំងឺកូវីដបានធូរស្បើយ។ ដោយសង្កេតឃើញថា ឌី សូនីតា ហាក់ដូចជាសប្បយចិត្តនូវការរកស៊ីមួយនេះជាខ្លាំង ដោយនាងមិនសូវមានពេលវេលាគ្រប់គ្រាន់សម្រាប់ការងារសិល្បៈនោះឡើយ។
យ៉ាងណាមិញ ការងារសិល្បៈរបស់ ឌី សូនីតាមិនសូវមានទីផ្សារខ្លាំង ក៏នាងនៅតែរក្សាបានចំណាប់អារម្មណ៍ និងប្រជាប្រិយពីមហាជនដ៏ដែរនៅពេលនេះ ដោយសារតែការផលិតជាវិដេអូរជាមួយលោក ចន អេឡិច ហ្សូរ៉ា បែបសំណើចបែបស្នេហា ទទួលបានការគាំទ្រយ៉ាងខ្លាំងពីសំណាក់អ្នកគាំទ្រតាមរយៈបណ្តាញសង្គមFacebook។
គួរបញ្ជាក់ផងដែរថា ឌី សូនីតា ជាតារាសម្តែង និងជាតារាចម្រៀងមួយរូប ដែលទទួលបានប្រជាប្រិយភាពខ្លាំងតាមរយៈការថតខ្សែភាគយន្តរឿងភាគខ្នាតតូច និងធំ ដែលទទួលបានការកោតសរសើរមហាជនពីសមត្ថភាពរបស់នាង ជាពិសេសទៅលើការច្រៀង cover បទពីដើមដោយបានបង្ហោះទៅលើ Channel ផ្ទាល់ខ្លួន៕
ដកស្រង់ពី៖ កោះសន្ដិភាព