SUV ដំបូងរបស់ Aston Martin ចេញលក់នៅប្រទេសក្បែរខាងកម្ពុជា តម្លៃជាង ៦០ម៉ឺនដុល្លារ

សេចក្ដីលម្អិត

ជំពូក៖ ព័ត៌មានផ្សេងៗ

ក្រុមហ៊ុន Aston Martin Bangkok បានប្រកាសចេញលក់រថយន្ត SUV ដំបូងបង្អស់របស់ខ្លួន ម៉ូដែល DBX ស៊េរីឆ្នាំ២០២០ ជាផ្លូវការ នៅក្នុងប្រទេសថៃ។Aston Martin DBX នេះបំពាក់ម៉ាស៊ីនចំណុះ ៤,០លីត្រ twin-turbo V8 មានកម្លាំង ៥៥០សេះ ប្រើប្រអប់លេខអូតូ ៩វគ្គ និងប៉ុងពីរ។

វាអាចរត់ស្ទុះពីកុងទ័រ ០-១០០គីឡូម៉ែត្រក្នុងមួយម៉ោង ប្រើពេល ៤,៥វិនាទី ហើយមានល្បឿនអតិបរមាដល់ ២៩០គីឡូម៉ែត្រក្នុងមួយម៉ោង។DBX អាចសារ៉េបូមឡើងចុះបាន ៣ កម្រិត និង ប្រភេទបើកបរបាន ៥ យ៉ាង។ SUV នេះត្រូវបានដាក់លក់ក្នុងតម្លៃចាប់ពី ១៩,៩លានបាត ឬប្រហែល ខ្ទង់ ៦៤ម៉ឺនដុល្លារ នៅលើទីផ្សារប្រទេសថៃ។

គួរឲ្យដឹងថា Aston Martin DBX គឺជាគូប្រជែងរវាង Maserati Levante Trofeo, Lamborghini Urus និង Porsche Cayenne Turbo ផងដែរ៕

ដកស្រង់ពី៖sabay