សាន សុម៉ាលី ពិតជាឈានដល់ដំណើរថយក្រោយនៃសិល្បៈពិតមែនឬ?
- សេចក្ដីលម្អិត
- ជំពូក៖ ព័ត៌មានផ្សេងៗ
រាជធានីភ្នំពេញ ៖ ប្រិយមិត្តដែលធ្លាប់ទស្សនាការសម្តែងរបស់អតីតតារាសម្តែងសម្បូរសាច់ទ្រូង សាន សុម៉ាលី ជាក់ជាមិនខាន។
នាងធ្លាប់សាងបានស្នាដៃជាច្រើននៅជួរសិល្បៈកាលពីច្រើនឆ្នាំមុន រហូតជាប់ឈ្មោះកាកី ក្រោយថតរឿងបុរាណ។ រំលងជាច្រើនឆ្នាំមក នេះ សាន សុម៉ាលី បង្ហាញភាពតិចតួចបំផុតនៅលើវិថីសិល្បៈ។ គេមិនដឹងថា កត្តាអ្វីខ្លះដែលជម្រុញឱ្យនាងថមថយបែបនេះ។ ច្រើនឆ្នាំហើយ ដែល សាន សុម៉ាលី បាត់វត្តមាននៅលើភាពយន្តនានាមិនថា រឿងដុំ ឬភាគ រហូតស្ទើរតែធ្វើឱ្យគេភ្លេចមុខម្តងៗ។
បើទោះបីជានាងនៅបន្តបង្ហាញមុខក្នុងសង្គមសិល្បៈបែបណា ប៉ុន្តែការរំលេចស្នាដៃសិល្បៈថ្មីៗមិនត្រូវឃើញមានខុសឆ្ងាយពីមុន។ គេឃើញតារាស្រីរូបនេះបង្ហោះរូបភាពបែបជាអ្នកលក់ផលិតផលឡេតាមអនឡាញច្រើនជាង ការថតសកម្មភាពសិល្បៈបង្ហោះ។ មានសំណួរជាច្រើននិយាយថា ព្រោះតែការចរចាតម្លៃគ្នាមិនត្រូវ ទើប សុម៉ាលី មិនបន្តថតបាន។
ម្យ៉ាងអាចថា ការសម្តែងនាងឆ្លងកាត់ច្រើន រាប់ទាំងថតខារ៉ាអូខេដែរនោះ ជាភាពជំរុញឱ្យ អស់ចិត្ត ហើយប្តូរមុខរបរអាជីពថ្មី ។ ទោះបីជាយ៉ាងណា រហូតមកទល់ពេលនេះ សាន សុម៉ាលី នៅមិនទាន់រកបានគូជីវិត ដូចតារាស្រីរួមជំនាន់នៅឡើយទេ។
មិនដឹងថា មកពីមូលហេតុអ្វីដែលជម្រុញអោយនាងមិនទាន់នឹករឿងគ្រួសារ ខណៈអាយុនាងចូលដល់៣០ឡើងហើយនោះ។
v
ដកស្រង់ពី៖ កោះសន្ដិភាព