Shareទុកឱ្យហើយ ពេលភ្លេចយកបណ្ណវ៉ាក់វ៉ាក់សាំងកូវីដតាមខ្លួន អាចរកក្នុងនេះឃើញតាមទូរសព្ទ

សេចក្ដីលម្អិត

ជំពូក៖ ព័ត៌មានផ្សេងៗ

ដើម្បីចូលរួម ទប់ស្ដាត់ការរីករាលដាលជំងឺកូវីដ-១៩ ទីកន្លែងមួយចំនួនដូចជា ស្ថាប័ន ផ្សារទំនើប សណ្ឋាគារ អាហារដ្ឋាន ជាដើម ទាមទារឱ្យសាធារជនទូទៅបង្ហាញ បណ្ណចាក់វ៉ាក់សាំងកូវីដ-១៩ ជាមុន ទើបអាចចូលបាន។

ហើយក្នុងករណីអ្នកភ្លេចយកបណ្ណតាមខ្លួន គេមិនឱ្យចូលនោះ អ្នកអាចចូលស្វែងរក បណ្ណចាក់វ៉ាក់សាំង និងទិន្នន័យចាក់ប៉ុន្មានលើកៗ តាមរបៀបខាងក្រោមនេះបាន លើទូរសព្ទ ឬថេបប្លែត។

របៀបស្វែងរកបណ្ណចាក់វ៉ាក់សាំង

• ចូលតាមតំណលីងមួយនេះ www.search.vaccine.gov.kh
• អ្នកអាចស្វែងរកបណ្ណវ៉ាក់សាំង តាម២របៀប គឺតាមលេខអត្តសញ្ញាណបណ្ណ ឬ លេខបណ្ណចាក់វ៉ាក់សាំង
• បន្ទាប់មក បញ្ចូល លេខអត្តសញ្ញាណបណ្ណ ឬ លេខបណ្ណចាក់វ៉ាក់សាំង
• បន្ទាប់ បញ្ចូល ថ្ងៃខែឆ្នាំកំណើត
• ចុងក្រោយ ចុចប៊ូតុង ស្វែងរក ជាការស្រេច

ហើយនេះជាឧទាហរណ៍ ពេលស្វែងរកឃើញ បណ្ណចាក់វ៉ាក់សាំងកូវីដ-១៩ ហើយអ្នកក៏អាច ដោនឡូត ឬ Screenshot បណ្ណនិងព័ត៌មានពាក់ព័ន្ធ ក្នុងគេហទំព័រនេះបានផងដែរ៕

 ដកស្រង់ពី៖sabay