Warning: include(styles.php) [function.include]: failed to open stream: No such file or directory in /home/www/pditbaungkhmum.org/templates/as002035free/component.php on line 23

Warning: include() [function.include]: Failed opening 'styles.php' for inclusion (include_path='.:/usr/local/php5/lib/php') in /home/www/pditbaungkhmum.org/templates/as002035free/component.php on line 23

ហេតុផលតែមួយគត់ Marian Rivera សម្រេចចិត្តច្រានចោលថតរឿងកូរ៉េ ជាមួយ Kim Seon Ho

  • បោះពុម្ព

Marian Rivera កំពូលតារាសម្ដែងស្រីឆ្នើមប្រចាំប្រទេស ហ្វីលីពីន ត្រូវបានផលិតករកូរ៉េអញ្ជើញឱ្យចូលរួមក្នុងគម្រោងភាពយន្តកូរ៉េ ប៉ុន្តែតារាស្រីរូបនេះបដិសេធ ព្រោះតែហេតុផលតែមួយគត់ ដែលចង់នាងជាប់មិនអាចឈានជើងឆ្ងាយផ្ទះ ទោះបីក្នុងលក្ខខណ្ឌប្រាក់ច្រើនប៉ុណ្ណាក៏ដោយ។

យោងតាមសារព័ត៌មានបរទេស បានឱ្យដឹងថា Marian Rivera ស្រីស្អាតកំពូលសម្រស់ បំផុតនៅក្នុងប្រទេសហ្វីលីពីន បានសម្ភាសជុំវិញប្រធានបទការងារ គ្រួសារ និងការថែទាំកុមារ ហើយនាងបានបង្ហើបថានៅឆ្នាំ ២០២១ នាងត្រូវបានគេអញ្ជើញឱ្យចូលរួមនៅក្នុងខ្សែភាពយន្តកូរ៉េមួយដែលមានឈ្មោះថា Sad Tropics ដោយរួមសម្តែងជាមួយតារាសម្តែង Kim Seon Ho ។

គម្រោងនេះគ្រោងនឹងថតនៅខែវិច្ឆិកា ឆ្នាំ២០២១ ទោះជាយ៉ាងណាក៏ដោយ Marian Rivera បានបដិសេធការអញ្ជើញនេះ។ តារាស្រីរូបនេះបន្តថា គម្រោងតម្រូវឱ្យនាងស្នាក់នៅកូរ៉េ២ខែដើម្បីថតរឿង ដោយមិនអាចរស់នៅឃ្លាតឆ្ងាយពីកូនក្នុងរយៈពេលយូរថ្ងៃបែបនេះ នាងបានជ្រើសរើសបោះបង់ចោលឱកាសនេះតែម្ដង។

Marian Rivera ថ្លែង៖ “មានពេលខ្លះក្នុងជីវិតដែលអ្នកត្រូវតែលះបង់ និងធ្វើឱ្យវាជាអាទិភាព ជាក់ស្ដែងក្នុងករណីរបស់ខ្ញុំ គឺជាគ្រួសារ។ ខ្ញុំមិនអាចទ្រាំទុកកូនរបស់ខ្ញុំឆ្ងាយពីទ្រូង ដើម្បីបន្តអាជីពរបស់ខ្ញុំបានទេ”៕

ដកស្រង់ពី៖ Sabay