មកដឹងស្ថានភាពសុខភាពពិធីករ មាស រិទ្ធី បន្ទាប់ពីបញ្ជូនទៅព្យាបាលនៅមន្ទីរពេទ្យ

សេចក្ដីលម្អិត

ជំពូក៖ ព័ត៌មានផ្សេងៗ

ជាការពិតណាស់កាលពីថ្ងៃទី ៩ ខែតុលា ម្សិលមិញនេះលោក មាស រិទ្ធី ដែលជាពិធីករផ្សាយព័ត៌មាន ប្រចាំទូរទស្សន៍ហង្ស មាស ត្រូវបានអ្នករួមការងារជួយសង្រ្គោះបឋម និងបញ្ជូនទៅកាន់មន្ទីរពេទ្យភ្លាមៗ

ក្រោយអាការៈសុខភាពលោករើឡើង ហើយរហូតមកដល់ពេលនេះ មាស រិទ្ធី ក៏បានចេញមុខបញ្ជាក់ អំពីស្ថានភាពសុខភាពរបស់លោកផងដែរ។ បន្ទាប់ពីបានបញ្ជូនទៅកាន់មន្ទីរពេទ្យ ទទួលបានការព្យាបាលពីក្រុមគ្រូពេទ្យជំនាញ លោក មាស រិទ្ធី បានថ្លែងលើបណ្ដាញសង្គមបញ្ជាក់ពីស្ថានភាពសុខភាពលោកថាលោកបានធូរស្បើយហើយ ប៉ុន្តែក្នុង ស្ថានការនេះលោកនៅមិនទាន់អាចទៅបំពេញការងារនៅឡើយទេ ពោលគឺកម្លាំងថមថយនិងចុះ ខ្សោយខ្លាំង។

ពិធីករល្បីឈ្មោះរូបនេះ ក៏បានបញ្ជាក់ពីមូលហេតុដែលធ្វើឱ្យលោកមានអាការៈចុកពោះ ខ្លាំង គឺមកពីពុលអាហារ នេះបើតាមការបញ្ជាក់ពីគ្រូពេទ្យជំនាញ។ លោក មាស រិទ្ធី៖ “ខ្ញុំធូរស្រាលហើយ តែនៅខ្សោយមិនអាចទៅផ្សាយព័ត៌មានបានទេថ្ងៃស្អែកនេះ ពេទ្យថាពុលចំណី តែឥឡូវព្យាបាលនៅផ្ទះ”។ យ៉ាងណាមិញបន្ទាប់ពីបានឃើញនូវទឹកចិត្ត ចង់ដឹងសុខទុក្ខ និងការព្រួយបារម្ភពីមហាជន និងមិត្តរួម អាជីពលោក មាស រិទ្ធី ក៏បានសម្ដែងការអរគុណយ៉ាងជ្រាលជ្រៅដល់ប្រិយមិត្តដែលតែងតែសួរនាំ៕

ដកស្រង់ពី៖ sabay