អាចបញ្ជាទិញ iphone 6S ចាប់ពីថ្ងៃទី 11កញ្ញាទៅ
- សេចក្ដីលម្អិត
- ជំពូក៖ ព័ត៌មានផ្សេងៗ
យោងតាម គេហទំព័របរទេស GSMArena ឱ្យដឹងថា ក្រុមហ៊ុនមួយនៅ ប្រទេសបារាំង នឹងទទួលសិទិ្ធ ដាក់លក់ផលិតផល iPhone 6S ជាផ្លូវការពីថ្ងៃទី ១១ កញ្ញា ២០១៥តទៅ ពោលគឺ រយៈពេលពេល២ថ្ងៃ បន្ទាប់ពីស្មាតហ្វូន ជំនាន់ថ្មីនេះនឹង ប្រកាសនៅថ្ងៃទី៩ កញ្ញា ២០១៥ ។
ការប្រកាសរបស់ ក្រុមហ៊ុនបារាំង នេះធ្វើឱ្យផលិតផល របស់ក្រុមហ៊ុនអាមេរិក Apple ទទួលបានទីផ្សារ មួយកម្រិតទៀត ខណៈពេលបច្ចុប្បន្ន ក្រុមហ៊ុនមួយនេះ ចំណេញពីអាជីវកម្ម អេឡិចត្រូនិកយ៉ាងក្រាស់ក្រែលពោលគឺ មានភាគហ៊ុនធំ ជាងគេបំផុតនៅអាមេរិក ។ កាលពីពេល ថ្មីៗកន្លងមកមាន ព័ត៌មានមួយ ចំនួននិយាយពី iPhone 6S ដូចជាលេចពីរូបរាង និងការរចនាថ្មីជាដើម ។
ព័ត៌មានមួយ ដែលអាចយកជា ផ្លូវការបានពីលក្ខណៈ ពិសេសរបស់ iPhone 6S គឺទំហំដូច iPhone 6 បច្ចុប្បន្នដែលមានទំហំ៤.៧អីុញ និង៥.៥អីុញ កាមេរ៉ាក្រោយ១២ មេហ្គាភិចស៊ែល RAM ២ជី ភ្ជាប់ដោយបន្ទះ Chip A9 ព្រមទាំងការ ប៉ះផ្ទាល់លើ ផ្ទៃអេក្រង់បច្ចេកវិទ្យា «Force Touch» ៕
ដកស្រង់ពី៖ កោះសន្ដិភាព