Samsung មានគម្រោងឈានទៅបង្កើតឈីបទូរស័ព្ទដែលខ្លាំងបំផុតមួយនៅក្នុង ឆ្នាំ ២០២៥

សេចក្ដីលម្អិត

ជំពូក៖ ព័ត៌មានផ្សេងៗ

ក្រុមហ៊ុន Samsung ត្រូវបានគេស្គាល់ថាជាក្រុមហ៊ុនផលិតទូរស័ព្ទដ៏ធំមួយ នៅលើពិភពលោក ហើយជាប្រ៊េនកំពូលមួយនៅពេលនិយាយទៅដល់ស្មាតហ្វូតលំដាប់ៗខ្ពស់។ ថ្វីត្បិតថាជាក្រុមហ៊ុនដែលទទួលបានជោគជ័យលើការអភិវឌ្ឍន៍ និង ផលិតទៅលើទូរស័ព្ទស្មាតហ្វូន ប៉ុន្តែ Samsung កំពុងត្រៀមធ្វើការវាយលុកទៅលើការផលិតឈីបទូរស័ព្ទ។

តាមការចុះផ្សាយរបស់ CNBC បានឱ្យដឹងថា Samsung ចង់បង្កើតឈីបដែលខ្លាំងបំផុតមួយ ដើម្បីធ្វើការបំពាក់នៅលើទូរស័ព្ទ។ តាមគម្រោងដែលបានបង្ហាញដោយ Samsung បានបញ្ជាក់ថា ក្រុមហ៊ុនបច្ចេកវិទ្យាយក្សរបស់កូរ៉េខាងត្បូងមួយនេះ ចង់ចាប់ផ្តើមបង្កើតឈីប 2nm នៅក្នុងឆ្នាំ ២០២៥ខាងមុខ។ ដោយឡែកនៅក្នុងពេលបច្ចុប្បន្ន ក្រុមហ៊ុន Qualcomm របស់អាមេរិក ជាក្រុមហ៊ុនឈានមុខមួយដែលធ្វើការផ្គត់ផ្គង់ទៅលើឈីបរបស់ទូរស័ព្ទ។ តួយ៉ាងដូចជាឈីបលំដាប់កំពូល Snapdragon 8 Gen 2 ជាដើម៕

ដកស្រង់ពី៖Sabay