អាមេរិក​ និង អឺរ៉ុបព្រៀមព្រៀងគ្នា​អនុញ្ញាតចែករំលែក ព័ត៍មានផ្ទាល់ខ្លួនរបស់អ្នកប្រើប្រាស់ ដោយស្របច្បាប់

សេចក្ដីលម្អិត

ជំពូក៖ ព័ត៌មានផ្សេងៗ

គណៈកម្មការអឺរ៉ុបបានប្រកាសកិច្ចព្រមព្រៀងជាមួយសហរដ្ឋអាមេរិកដើម្បីអនុញ្ញាតឱ្យមានការផ្ទេរទិន្នន័យផ្ទាល់ខ្លួនតាមផ្លូវច្បាប់កាន់តែងាយស្រួល។

ប្រធានាធិបតី Joe Biden និងមន្ត្រី EU បានស្វាគមន៍ចំពោះកិច្ចព្រមព្រៀងនេះ ដែលបានយកឈ្នះលើការជំទាស់អំពីការចូលប្រើប្រាស់ទិន្នន័យរបស់ទីភ្នាក់ងារស៊ើបការណ៍សម្ងាត់របស់សហរដ្ឋអាមេរិក។

កិច្ចព្រមព្រៀងនេះនឹងធានាថាក្រុមហ៊ុនMeta,Googleនិងក្រុមហ៊ុនបច្ចេកវិទ្យាយក្សផ្សេងទៀតអាចបន្តចែករំលែកព័ត៌មានជាមួយសហរដ្ឋអាមេរិក។ ប្រធានាធិបតី Biden បានត្រួសត្រាយផ្លូវសម្រាប់កិច្ចព្រមព្រៀងចុងក្រោយដែលបានអនុម័តនៅក្នុង ខែតុលា ឆ្នាំ ២០២២ ដែលតម្រូវឱ្យមន្ត្រីចារកម្មអាមេរិកបន្ថែមការការពារការប្រមូលទិន្នន័យបន្ថែមទៀតខណៈពេលដែលធ្វើឱ្យពួកគេមានតុល្យភាពជាមួយនឹងកង្វល់សន្តិសុខជាតិ។

កាលពីខែឧសភាកន្លងទៅ សហភាពអឺរ៉ុបបានផាកពិន័យលើក្រុមហ៊ុន Meta ចំនួន ១,៣ពាន់លានដុល្លារ ដោយបានបញ្ជាឱ្យក្រុមហ៊ុនបញ្ឈប់ការចែករំលែកទិន្នន័យអ្នកប្រើប្រាស់នៅអឺរ៉ុបឆ្លងទៅកាន់សហរដ្ឋអាមេរិក៕

ដកស្រង់ពី៖Sabay