ផ្អើលការសង្ស័យថា HyunA និង Junhyung ស្រឡាញ់គ្នា ឥឡូវក្រុមហ៊ុនទាំងសងខាងចេញមុខហើយ
- សេចក្ដីលម្អិត
- ជំពូក៖ ព័ត៌មានផ្សេងៗ
មានព័ត៌មានភ្ញាក់ផ្អើលមួយបានផ្ទុះឡើង ថា HyunA និង Yong Junhyung (អតីតសមាជិកក្រុម Higghlight) មានទំនាក់ទមនងស្នេហានឹងគ្នា។
ដោយសារមានការចែករំលែកតៗគ្នា ពេលនេះក្រុមហ៊ុនរបស់ អ្នកទាំងពីរបានចេញសារមួយជាផ្លូវការហើយ។ ក្រុមហ៊ុន AT AREA ដែលបច្ចុប្បន្នត្រូវបានគេស្គាល់ថាជាអ្នកគ្រប់គ្រងរបស់ HyunA បានលើកឡើងខ្លីៗថា៖ «ពួកយើងមានជាប់ពាក់ព័ន្ធក្នុងជីវិតឯកជនរបស់ស HyunA ទេ»។
មិនយូរប៉ុន្មាន ក្រុមហ៊ុន BLACK MAD របស់ Yong Junhyung ក៏បានចេញសេចក្ដីថ្លែងការណ៍ ទៅកាន់សារព័ត៌មាន Newsen អត្ថន័យមិនខុសពី AT AREA ប៉ុន្មានដែរ ដោយឲ្យដឹងថា៖ «ដោយសារនេះគឺជាជីវិតឯកជនរបស់តារា ដូច្នេះវាមានការពិបាកក្នុងការបញ្ជាក់ណាស់។
ពួកយើងសូមការយោគយល់ពីអ្នកទាំងអស់គ្នា»។ជាការពិតថ្មីៗនេះ HyunA និង Yong Junhyung បានបង្ហោះរូបជាគូ ដោយកាន់ដៃគ្នានៅឆ្នេរខ្សាច់ ពោលគឺក្នុងកាយវិការលើសពីមិត្តធម្មតា ទើបមានការភ្ញាក់ផ្អើល និងសង្ស័យពីទំនាក់ទំនងរបស់ពួកគេ៕
ដកស្រង់ពី៖Sabay