ការបង្ហាញម៉ូដអស្ចារ្យរបស់ Tino X Comerci អង្រួនវិស័យ Fashion នៅទឹកដីកម្ពុជា

សេចក្ដីលម្អិត

ជំពូក៖ ព័ត៌មានផ្សេងៗ

នៅក្នុងការបង្ហាញម៉ូដសម្លៀកបំពាក់ និងការប្រគំតន្ត្រីដ៏រីករាយកាលពីពេលថ្មីៗនេះ Tino X Comerci បានរៀបចំកម្មវិធីបង្ហាញម៉ូដ Mega Fashion Show ដែលបានក្លាយជាប្រធានបទដ៏ពេញនិយមបំផុត។

ព្រឹត្តិការណ៍ដ៏អស្ចារ្យនេះ បង្កើតឡើងដើម្បីបង្ហាញពីភាពរស់រវើកនៃរាជធានីរបស់ប្រទេសកម្ពុជា ដោយបានបង្ហាញនូវទេពកោសល្យរបស់តារាម៉ូដែលចំនួន ២០០ នាក់ និងការប្រមូលផ្ដុំជាពិសេសនូវអ្នករចនាក្នុងស្រុក និងអន្តរជាតិចំនួន ៨ នាក់។ ការបង្ហាញម៉ូដទទួលបានការចាប់អារម្មណ៍លើការរចនាម៉ូដរបស់ Comerci, Gedoria, EllissJaie, Voravaj, Tatzu, Sky, Menza និង Voss Collection ដែលផ្តល់ជូននូវស្ទីលចម្រុះដែលលាតសន្ធឹងពីសោភ័ណភាពបែបប្រពៃណីខ្មែរ រហូតដល់ការមើលឃើញបែបសហសម័យ និងអនាគត។

អ្នករចនានីមួយៗបានបង្ហាញពីភាពប្លែកដាច់គេ របស់ពួកគេលើ Fashion ប្រាប់ពីរឿងរ៉ាវផ្សេងៗគ្នា និងតំណាងឱ្យទស្សនវិស័យប្លែកៗដែលទាក់ទាញទស្សនិកជន។ បន្ថែមលើបរិយាកាសដ៏ស្រស់ត្រកាល កម្មវិធីនេះក៏មានការសម្ដែងដោយសិល្បករល្បីៗដូចជា ហ្វី យ៉ាតា កេសរ វីសា Cha-Cha សយ សេងហ៊ួរ ទេព ពិសិដ្ឋ និង Bennie។ សិល្បករទាំងនេះបានសម្តែងបទចម្រៀងរបស់ពួកគេ ដោយបង្កើតឱ្យមានការរួមបញ្ចូលគ្នានៃតន្ត្រី និងម៉ូដដែលបានធ្វើឱ្យភ្ញៀវជិត ៨០០ នាក់មានការភ្ញាក់ផ្អើលជាខ្លាំង។ កម្មវិធី Tino X Comerci Mega Fashion Show បានបង្កើតឡើងនូវពេលវេលាដ៏អស្ចារ្យ ជាមួយនឹង Fashion ពិសេសៗ ដោយរំលេចភេទ និងអាយុតាមរយៈការរចនាដ៏សម្បូរបែប។

ព្រឹត្តិការណ៍នេះត្រូវបានគេប្រកាសថា ជាកម្មវិធីបង្ហាញម៉ូដដ៏ល្បីមួយនៅក្នុងប្រទេសកម្ពុជា ដោយបានកំណត់គោលដៅថ្មីសម្រាប់ការបង្ហាញម៉ូដក្នុងតំបន់។ ភាពជោគជ័យនៃកម្មវិធី Tino X Comerci Mega Fashion Show បានបង្កើតវាជាព្រឹត្តិការណ៍ម៉ូដដ៏សំខាន់ដែលមិនអាចខកខានបាន ដោយនាំមកនូវការច្នៃប្រឌិត អស្ចារ្យផ្សេងៗនៅឆ្នាំបន្ទាប់នេះ៕

ដកស្រង់ពី៖Sabay