បុរសនេសាទក្លាហាន ថតរូបអង្គុយលើត្រីឆ្លាម បង្ហោះល្បីពេញហ្វែសប៊ុក

សេចក្ដីលម្អិត

ជំពូក៖ ព័ត៌មានផ្សេងៗ

ក្នុងខណៈពេលចំនួន អ្នករង្គ្រោះពីការប្រហារ របស់ត្រីឆ្លាមក្នុងពិភពលោក កំពុងតែមានការកើនឡើងនោះ បុរសជាអ្នកនេសាទ រស់នៅរដ្ឋតិចសាសម្នាក់ ឈ្មោះEric Ozolins ក្នុងពេលថ្មីៗនេះ បានបង្ហោះរូបថត ដែលគាត់ជិះលើត្រីឆ្លាម ក្បាលញញួរដ៏ធំមួយក្បាល ជាមួយនឹងទឹកមុខ ញញឹមឥតញញើត ទៅលើប្រព័ន្ធផ្សព្វផ្សាយ សង្គមហេ្វសប៊ុក។

យោងតាមប្រភពព័ត៌មាន លើគេហទំព័រ UPI.com បានឲ្យដឹងថា ត្រីឆ្លាមក្បាលញញួរ មានប្រវែងប្រហែលជាបួនម៉ែត្រ និងមានទំហំខ្លួនប្រហែល 80អ៊ីញ មួយក្បាល ត្រូវបុរសនេសាទ ឈ្មោះ Eric Ozolins ចាប់បាន រួចជិះលើវា មុនពេលដែលគាត់ លែងវាឲ្យទៅក្នុងសមុទ្រវិញ។ នៅទំព័រហ្វែសប៊ុក បុរសនេសាទម្នាក់នេះ បាននិយាយថា ត្រីឆ្លាមមួយក្បាល់នោះ គាត់ចាប់បាននៅកោះ Padre ដោយឧបករណ៍នេសាទ និងចំណាយពេលអស់ ១ម៉ោងនិង១៥នាទី ក្នុងការតទល់នឹងវា មុនពេលចាប់បាន៕

ដកស្រង់ពី៖ ដើមអម្ពិល