Microsoft នឹងឈប់ផលិត Surface 3 នៅចុងឆ្នាំនេះ
- សេចក្ដីលម្អិត
- ជំពូក៖ ព័ត៌មានផ្សេងៗ
ក្រុមហ៊ុន Microsoft បានប្រកាសថា ខ្លួននឹងលែងផលិតលែបថប Surface 3 នៅចុងឆ្នាំ ២០១៦ នេះ ។
ក្រុមហ៊ុនឱ្យដឹងថា ចាប់តាំងពីវត្តមានរបស់ Surface ជំនាន់ទី៣ ជាង១ឆ្នាំលើទីផ្សារ កន្លងមកមើលឃើញ ថាវាមានការទាក់ទាញ និងពេញនិយម ខ្លាំងពីអតិថិជន ។ យ៉ាងណាមិញ ដោយសារតែសារ ពើភណ្ឌមានកំណត់ក៏ សម្រេចចិត្តឈប់ផលិត Surface ៣ ទៀតហើយ ពោលគឺនៅចុងឆ្នាំ នេះតែម្តង ។
ផលិតផលនោះ បច្ចុប្បន្នលែងមាន ក្នុងស្តុកលក់តាម Online របស់ក្រុមហ៊ុន Microsoft ជា បណ្តើរៗហើយ ។ Surface 3 ប្រកាសជាផ្លូវការ កាលពីខែឧសភា ២០១៥ ដោយមានលក្ខណៈ ពិសេសគឺ១០.៨អីុង ។ ទំហំ RAM ២ជី និង៤ជី ។ កាមេរ៉ាមុខ៣.៥ ម៉េហ្កាភិចសែ៊ល និងកាមេរ៉ាក្រោយ៨ ម៉េហ្កាភិចស៊ែល។
ថាមពលថ្ម របស់វាប្រើប្រាស់ រហូតដល់១០ ម៉ោង ខណៈតម្លៃចាប់ពី៤៩៩ដុល្លារ ឡើងទៅជាតម្លៃលើ គេហទំព័រផ្លូវការ របស់ក្រុមហ៊ុន Microsoft តែម្តង ៕
ដកស្រង់ពី៖kohsantepheapdaily