តារាចម្រៀងប្រចាំក្រុម Cranberries ស្លាប់ក្នុងវ័យ ៤៦ ឆ្នាំ

សេចក្ដីលម្អិត

ជំពូក៖ ព័ត៌មានផ្សេងៗ

តារាចម្រៀង Dolores O’Riordan ជាតារាល្បីរូបម្នាក់ដែលជាសមាជិកនិងអ្នកច្រៀងនាំមុខក្រុមចម្រៀងចង្វាក់រ៉កកាលពីទស្សវត្សទី ៩០ “The Cranberries” ទើបតែស្លាប់យប់មិញនេះ។

នេះតាមការបញ្ជាក់ពីសារព័ត៌មានប្រចាំប្រទេសអៀកឡង់ The Journal។កាសែតដដែលនេះបានសរសេរថា៖ “តារាចម្រៀងប្រចាំប្រទេសអៀកឡង់ និងអន្តរជាតិ Dolores O’Riordan ទើបតែស្លាប់នៅទីក្រុងឡុងថ្ងៃនេះ។ នាងមានអាយុ ៤៦ឆ្នាំ។

អ្នកចម្រៀងនាំមុខនៃក្រុមចម្រៀង The Cranberries បានស្នាក់នៅទីក្រុងឡុងដើម្បីថតបទចម្រៀងក្នុងរយៈពេលខ្លីមួយ។ ព័ត៌មានបន្ថែមទៀតនៅពេលនេះគឺមិនទាន់ដឹងនៅឡើយ"។ សេចក្ដីបញ្ជាក់នោះបានបន្ថែមទៀតថា៖ “សមាជិកក្រុមគ្រួសារ ពិតជាសោកស្តាយណាស់ចំពោះព័ត៌មានដ៏រន្ធត់នេះ និងសុំពេលវេលាឯកជនសម្រាប់ពេលដ៏លំបាកនេះ”។

បច្ចុប្បន្ន តារារូបនេះមានកូនប្រុសម្នាក់ឈ្មោះ Taylor Baxter Burton និងកូនស្រីឈ្មោះ Dakota Rain និងមានកូនស្រីម្នាក់ទៀតឈ្មោះ Molly Leigh Burton ដែលជាកូនរបស់អតីតស្វាមី Don Burton ដែលនាងបានរៀបការជាមួយកាលពីឆ្នាំ ១៩៩៤ ដល់ ២០១៤៕

ដកស្រង់ពី៖Sabay