Pinky ប្រតិកម្មយ៉ាងណា ក្រោយដឹងអតីតស្វាមីកំពុងបង្កាត់ភ្លើងស្នេហ៍ជាមួយតារា?
- សេចក្ដីលម្អិត
- ជំពូក៖ ព័ត៌មានផ្សេងៗ
ថ្មីៗនេះសារព័ត៌មានមួយក្នុងស្រុកថៃបានទម្លាយរឿងអាស្រូវរបស់លោក Petch Itthi អតីតស្វាមីរបស់ Pinky Savika ដែលបានណាត់ជួបជាមួយតារាសម្តែងស្រីថ្មីម្នាក់មានឈ្មោះថា Ice Alissa ។
បន្ទាប់ពីលេចឮដំណឹងនេះ Pinky និយាយថា នាងបានឃើញព័ត៌មាននេះដោយសារមានអ្នកផ្ញើវាទៅនាង ហើយនាង ក៏ស្គាល់តារាសម្តែងថ្មីនេះដែរ ដោយសារតែនាងដើរតួក្នុងរឿងមួយដែលផលិតដោយលោក Petch Itthi អតីតស្វាមីនាង។
តារាសម្តែងរូបនេះបានបន្ថែមថា នាងមិនអាចនិយាយច្រើនអំពីរឿងនេះបានទេ ទោះបីជានាងដឹងពីទំនាក់ទំនងជាមួយតារាសម្តែងស្រីរូបនេះក៏ដោយ ព្រោះវាមិនមែនជាតួនាទីរបស់នាង។ Pinky បានបញ្ជាក់ថា នាងពិតជាអបអរសាទរ ប្រសិនបើអតីតស្វាមីមានស្នេហាថ្មី ព្រោះនាងនិងលោកបានបែកគ្នារួចរាល់៕
ដកស្រង់ពី៖Sabay