កែវ វាសនា លេងធ្ងន់ធ្ងរដាក់ប្រពន្ធក្នុងថ្ងៃបុណ្យនៃក្ដីស្រឡាញ់
- សេចក្ដីលម្អិត
- ជំពូក៖ ព័ត៌មានផ្សេងៗ
កែវ វាសនា បានធ្វើឲ្យភរិយារំជួលចិត្តឡើងស្រក់ទឹកភ្នែកនៅថ្ងៃបុណ្យនៃក្ដីស្រឡាញ់ ជាមួយគ្រឿងអលង្ការមួយឈុតមានតម្លៃខ្ទង់ម៉ឺនដុល្លារ។ កែវ វាសនា បានឲ្យដឹងថា ថ្ងៃបុណ្យនៃសេចក្ដីស្រឡាញ់ខ្លួន បានជួនគ្រឿងពេជ្រមួយឈុតតម្លៃ ២ ម៉ឺនដុល្លារអាមេរិកដល់ឧត្ដមភរិយា ដើម្បីបញ្ជាក់ពីចំណងស្នេហាដ៏រឹងមាំមិនអាចកាត់ថ្លៃបានរយៈពេលប៉ុន្មានឆ្នាំមកនេះ។
លោកថា៖" ខ្ញុំបានត្រៀមកាដូរហ្នឹងយូរហើយសម្រាប់គាត់ តែមិនទាន់បានជូន រង់ចាំដល់ថ្ងៃពិសេសនេះក៏ជូនគាត់តែម្ដងទៅ ធ្វើឲ្យភរិយាខ្ញុំរំភើបចិត្តឡើងស្រក់ទឹកភ្នែក"។ ចំណែកប្រពន្ធ កែវ វាសនា អ្នកនាង លឹម លីសុគន្ធារី វិញបាននិយាយថា ខ្លួនមិនបានដឹងមុននោះទេរឿងស្វាមីត្រៀមកាដូរខ្ទង់ម៉ឺនដុល្លារជូនក្នុងថ្ងៃនៃក្ដីស្រឡាញ់។
កាដូរនេះធ្វើឲ្យអ្នកនាង រំភើបរកពាក្យអ្វីនិយាយពុំបាន ព្រោះក្ដីប្រាថ្នារបស់មនុស្សស្រីត្រូវការបំផុតស្វាមីដែលចេះយល់ចិត្ត។ អ្នកនាងថា៖ "ខ្ញុំអរពេកឡើងស្រក់ទឹកភ្នែក ហើយអរគុណខ្លាំងណាស់ដល់ស្វាមីខ្ញុំ ហើយខ្ញុំពិតជាស្រឡាញ់គាត់ខ្លាំងណាស់ដែលចេះយល់ចិត្ត និងមិនដែលមាត់ធ្ងន់ដាក់ខ្ញុំម្ដងណាពេលរស់នៅជាមួយគ្នា"៕
ដកស្រង់ពី៖Sabay