គួរឲ្យសរសើរ! អាឡាស្កូ ក្ដោបដៃ យ៉ែម ស្រីពេជ្រ លើកកម្ពស់ស្នាដៃកូនខ្មែរ
- សេចក្ដីលម្អិត
- ជំពូក៖ ព័ត៌មានផ្សេងៗ
អតីតពលករខ្មែរនៅកូរ៉េដែលឡើងងារជាតារាក្រោមអាជីពជាពិធីករ វីជេ អាឡាស្កូ បានបង្ហើបប្រាប់ Sabay ថាលោកមានគម្រោងបង្ហាញខ្លួនលើជំនាញថ្មីទៀត ជាមួយស្រីស្អាតក្មេងខ្ចី យ៉ែម ស្រីពេជ្រ។ លោកបានឲ្យដឹងទៀតថាគម្រោងថ្មីនេះ គឺជាការចាប់ដៃគូច្រៀង ដោយលោកមាន២បទស្រេចហើយសម្រាប់ស្វាគមន៍ពិធីបុណ្យចូលឆ្នាំប្រពៃណីជាតិខ្មែរដែលនឹងមកដល់នាពេលឆាប់ៗនេះ។
មិនត្រឹមតែប៉ុណ្ណោះតារាប្រុសសម្បូរពុកមាត់រូបនេះបន្ថែមទៀតថា លោកនឹងទិញចម្រៀងពីអ្នកផលិតតន្រ្តីខ្មែរក្មេងៗដែលពោរពេញទេពកោសល្យទាំងមានកេរ្តិ៍ឈ្មោះ ឬមិនទាន់ល្បីល្បាញក្ដី ដើម្បីឲ្យពួកគេមានឱកាសបង្ហាញស្នាដៃ និងជាផ្នែក១ជួយឲ្យអ្នកមានសមត្ថភាពទាំងនោះរកចំណូលបានច្រើនតាមដែរធ្វើបាន។
ពិធីករដដែលបញ្ជាក់ទៀតថា ការលោតទៅវិស័យតន្ត្រីនេះ លោកក្រសោបតែស្រីស្អាត យ៉ែម ស្រីពេជ្រ ទៅច្រៀងជាមួយប៉ុណ្ណោះ មិនមានការប្ដូរដៃគូទៅរកអ្នកណាផ្សេងឡើយ។ ការចាប់គូនេះទៀតសោតគឺធ្វើឡើងដើម្បីបង្កើនប្រជាប្រិយភាពខ្លួន ត្បិតអ្នកទាំង២ធ្លាប់ជាជយលាភីដូចគ្នា ក្នុងកម្មវិធី Star TV11 របស់ប៉ុស្តិ៍អប្សារា ដោយកាលណោះ អាឡាស្កូ ជាប់ផ្នែកពិធីករ ឯ ស្រីពេជ្រ ផ្នែកសម្ដែង៕
ដកស្រង់ពី៖Sabay