ប្រទេស ២ នឹងមានសិទ្ធិទិញ Galaxy Note 9 ប្រើអង្គផ្ទុក 512GB មុនគេបង្អស់
- សេចក្ដីលម្អិត
- ជំពូក៖ ព័ត៌មានផ្សេងៗ
ចចាមអារ៉ាម នៃស្មាតហ្វូន Galaxy Note 9 កាន់តែក្តៅគគុក ឡើងពីមួយថ្ងៃទៅមួយថ្ងៃ ខណៈដំណឹងថ្មីមួយបាន រាយការណ៍ថាជម្រើស អង្គផ្ទុក 512GB លើម៉ូឌែលនេះនឹង មានលក់ក្នុងប្រទេសកូរ៉េខាងត្បូងនិងចិន មុនឈានដល់ទីផ្សារ ដទៃទៀត។
កន្លងទៅធ្លាប់ ល្ហិចល្ហៀងថាត្រកូល Note ឆ្នាំ ២០១៨ នឹងមានបំពាក់ RAM ទំហំ 8GB អមបន្ទះឈីប Exynos 9810 Octa លាយឡំប្រព័ន្ធ Android 8.1 Oreo ចេញពីប្រអប់ ហើយបំពាក់ថាមពលថ្ម ៤ ០០០mAh ខណៈកាមេរ៉ាក្រោយភ្លោះ និងខាងមុខមួយគ្រាប់ទំហំ 8MP។ បញ្ជាក់ថាក្រុមហ៊ុន SAMSUNG រំពឹងនឹងដាក់បង្ហាញ Note 9 ក្នុងទីក្រុង New York នាថ្ងៃទី ៩ សីហា មុនបើកចេញលក់ ជាផ្លូវការអំឡុងពីរសប្តាហ៍បន្ទាប់ ពោលគឺមុនប្រហែលកន្លះខែ នៃការចេញផ្សាយ iPhone ជំនាន់ថ្មីនៃគូប្រជែង Apple។
ដកស្រង់ពី៖ Sabay