ប្រធានក្រុមកាងារថ្នាក់ជាតិ ចុះជួយខេត្តត្បូងឃ្មុំ ប្រកាសប្រគល់ ផ្លូវកៅស៊ូ និងប្រកាសគំរោង ផ្លូវកៅស៊ូបន្ត ជូនប្រជាពលរដ្ឋ

សេចក្ដីលម្អិត

ជំពូក៖ ព័ត៌មានខេត្ត

ត្បូងឃ្មុំ៖ ថ្ងៃទី២៥ ខែសីហា ឆ្នាំ២០១៤ ឯកឧត្តម ជា សុផារ៉ា រដ្ឋមន្រ្តី ក្រសួងអភិវឌ្ឍន៍ជនបទ និងជាប្រធានក្រុមកាងារ ថ្នាក់ជាតិ ចុះមូលដ្ឋាន ខេត្តត្បូងឃ្មុំ បានអញ្ជើញជាអធិបតី ក្នុងពិធីប្រកាស ប្រគល់ផ្លូវកៅស៊ូ ស្ថិតនៅឃុំមេមង ស្រុកមេមត់ ខេត្តត្បូងឃ្មុំ ក្នុងនោះក៍មានវត្តមាន ឯកឧត្តម ហាក់ សុខមករា អភិបាលងខេត្ត ព្រមទាំងមន្រ្តីរាជការ ជាច្រើនរូបទៀត។

ឆ្លៀតក្នុងឱកាស ប្រកាសប្រគល់ ផ្លូវកៅស៊ូ ជូនប្រជាពលរដ្ឋ បានប្រើប្រាស់ ឯកឧត្តម ជា សុផារ៉ា ក៏ប្រកាសគំរោង ផ្លូវកៅស៊ូបន្ត មិនតែប៉ុណ្ណោះ ក៏បានរួមចំណែក ដោះស្រាយ រាល់តំរូវការផ្សេងៗ របស់ប្រជាពលរដ្ឋ នេះបើតាមការអោយដឹង ពីសំណាក់ លោក អាន ស៊ីណា ប្រធានមន្ទីរអភិវឌ្ឍន៍ជនបទ ខេត្តត្បូងឃ្មុំ។