រដ្ឋបាលខេត្តត្បូងឃ្មុំ បើកកិច្ចប្រជុំពិភាក្សាការងារគ្រប់គ្រងតំបន់អភិរក្សព្រៃលិចទឹក និងព្រៃឫស្សីមាត់ឃ្មង់ ស្រុកត្បូងឃ្មុំ និងការគ្រប់គ្រងតំបន់ប្រើប្រាស់ច្រើនយ៉ាង នៅស្រុកពញាក្រែក

សេចក្ដីលម្អិត

ជំពូក៖ ព័ត៌មានខេត្ត

នៅព្រឹកថ្ងៃទី១២ ខែមិថុនា ឆ្នាំ២០២០នេះ ឯកឧត្ដម ចេង ប៊ុណ្ណារ៉ា អភិបាលរង នៃគណៈអភិបាល ខេត្តត្បុងឃ្មុំ បើកកិច្ចប្រជុំពិភាក្សា ការងារគ្រប់គ្រង តំបន់អភិរក្ស ព្រៃលិចទឹក និងព្រៃឫស្សី មាត់ឃ្មង់ ស្រុកត្បូងឃ្មុំ និងការគ្រប់គ្រង តំបន់ប្រើប្រាស់ ច្រើនយ៉ាង នៅស្រុកពញាក្រែក ក្នុងនោះ មានការចូលរួមពី នាយករដ្ឋបាល សាលាខេត្ត អភិបាលស្រុក កងកំលាំងប្រដាប់ អាវុធទាំង៣ និងអ្នកពាក់ព័ន្ ធជាច្រើនរូបទៀត ។

ថ្លែងនាឱកាសនោះ ឯកឧត្ដម ចេង ប៊ុណ្ណារ៉ា អភិបាលរងខេត្ត បានមានប្រសាសន៍ថា ៖ រាជរដ្ឋាភិបាលកម្ពុជា បានយកចិត្តទុកដាក់ លើការគ្រប់គ្រង ធនធានធម្មជាតិ និងតំបន់អភិរក្ស ព្រៃលិចទឹកនិងព្រៃឫស្សី មាត់ឃ្មង់ ស្រុកត្បូងឃ្មុំ និងការគ្រប់គ្រងតំបន់ ប្រើប្រាស់ច្រើនយ៉ាង នៅស្រុកពញាក្រែក នឹងកិច្ចគាំពារ បរិស្ថាន ហើយបានកំណត់ គោលនយោបាយ និងគោលដៅជា យុទ្ធសាស្ត្រ ច្បាស់លាស់ ក្នុងការបង្កើនប្រសិទ្ធភាពនៃការងារនេះ។ ឯកឧត្តម បានបញ្ជាក់ថា ៖ ផែនការយុទ្ធសាស្ត្រ និងអាទិភាពការងារមួយចំនួនក្នុងការពង្រឹងការគ្រប់គ្រងធនធានធម្មជាតិ ជាពិសេសអភិរក្សព្រៃលិចទឹក និងព្រៃឫស្សីមាត់ឃ្មង់នៅក្នុងតំបន់ ព្រមទាំងការពង្រឹង ការវាយតម្លៃផល ប៉ះពាល់បរិស្ថាន និងសត្វព្រៃ អោយស្របតាម គោលនយោបាយ ផែនការយុទ្ធសាស្ត្រ និងបំណងប្រាថ្នា របស់រាជរដ្ឋាភិបាលកម្ពុជា ។

ឯកឧត្តម ចេង ប៊ុណ្ណារ៉ា បានផ្ដាំផ្ញើដល់ អាជ្ញាធរស្រុក ពាក់ព័ន្ធទាំងអស់ រួមសហការជាមួយ មន្ទីរ/ អង្គភាពជំនាញ ជុំវិញខេត្ត ត្រូវរួមគ្នាទប់ស្កាត់ ការទន្រ្ទានកាន់ កាប់ព្រៃលិចទឹក និងព្រៃឫស្សី នៅភូមិសាស្ត្រ មាត់ឃ្មង់ ស្រុកត្បូងឃ្មុំ និងការគ្រប់គ្រងតំបន់ ប្រើប្រាស់ច្រើនយ៉ាង នៅស្រុកពញាក្រែក ហើយកំណត់ប្លង់ភូមិសាស្ត្រ អោយបានត្រឹមត្រូវ ច្បាសលាស់ ដើម្បីងាយស្រួល ការពារអភិរក្ស ព្រៃលិចទឹកនិងព្រៃឫស្សី មិនអោយបាត់បង់ ជាយថាហេតុណាមួយ កើតឡើងនៅ ពេលក្រោយបន្ត ទៀតផងដែរ ៕