Warning: include(styles.php) [function.include]: failed to open stream: No such file or directory in /home/www/pditbaungkhmum.org/templates/as002035free/component.php on line 23

Warning: include() [function.include]: Failed opening 'styles.php' for inclusion (include_path='.:/usr/local/php5/lib/php') in /home/www/pditbaungkhmum.org/templates/as002035free/component.php on line 23

អាជ្ញាធរខេត្តត្បូងឃ្មុំ ប្រលែងកូនត្រីជាង៥ម៉ឺនក្បាលចូលក្នុងបឹងក្រម ដែលនឹងក្លាយជារមណីដ្ឋានទេសចរណ៍វប្បធម៌ធម្មជាតិ ទាក់ទាញភ្ញៀវទេសចរណ៍

  • បោះពុម្ព

ព្រឹកទី៩ ខែកញ្ញា ឆ្នាំ២០២០ ឯកឧត្តម ពាង ណារិទ្ធ អភិបាលរងខេត្ត តំណាងឯកឧត្តមបណ្ឌិត ជាម ច័ន្ទសោភ័ណ អភិបាលនៃគណៈអភិបាលខេត្តត្បូងឃ្មុំ

អញ្ជើញសំណេះសំណាលជាមួយអាជ្ញាធរមូលដ្ឋានស្រុកមេមត់ ឃុំជាំក្រវៀន សហគមន៍បឹងក្រម និងព្រលែងកូនត្រី ៤ប្រភេទ ស្មើនឹងប្រមាណ៥៧ ០០០ក្បាលក្នុងបឹងក្រម ដែលទទួលបានពីមន្ទីរកសិកម្ម រុក្ខាប្រមាញ់ និងនេសាទខេត្តត្បូងឃ្មុំ។

លោក ហេង ពិសិដ្ឋ ប្រធានមន្ទីរ កសិកម្ម រុក្ខាប្រមាញ់ និងនេសាទខេត្តត្បូងឃ្មុំ បានឲ្យដឹងថា កូនត្រីដែលលែងចូលបឹងក្រម មានចំនួន៥៧០០០ក្បាល ក្នុងមាន៤ប្រភេទ រួមមានត្រីក្រាញ់ ត្រីរ៉ស់ ត្រូអណ្តែង និងត្រីប្រា។

លោក បន្ថែមថា កូនត្រីទាំងនេះនឹងបង្កើនផលត្រីក្នុងបឹង សម្រាប់កម្មវិធីប្រពៃណីរបស់បងប្អូនក្នុងភូមិសាស្ត្រនេះ និងភ្ញៀវទេសចរណ៍ទាំងឡាយ ចុះចាប់កំសាន្តនៅដើមឆ្នាំខាងមុខ។

ឯកឧត្តមអភិបាលរងខេត្ត បានមានប្រសាសន៍ផ្តាំផ្ញើសាកសួរសុខទុក្ខបងប្អូនក្នុងសហគមន៍ទាំងមូលនិងជូនពរដល់បងប្ងូនមានសុខភាពល្អនិងជៀសផុតពជំងឺកូវីដ ១៩ ទាំងអស់គ្នា។

ឯកឧត្តមបន្តទៀតថា ដោយពិនិត្យឃើញពីសក្តានុពលនៃភូមិសាស្ត្រនេះ សម្រាប់វិស័យទេសចរណ៍វប្បធម៌ ឯកឧត្តមបណ្ឌិតអភិបាលខេត្ត បានដាក់ចេញនូវផែនការអភិវឌ្ឍឲ្យមានរចនាសម្ព័ន្ធត្រឹមត្រូវ ពង្រីកវិសាលភាពឲ្យកាន់តែទូលាយដែលជំហានដំបូងបានជីកពង្រីកទីធ្លារបឹងជាច្រើនម៉ែត្រក្រឡាបន្ថែម ដើម្បីប្រែក្លាយជារមណីដ្ឋានទេសចរណ៍វប្បធម៌ធម្មជាតិ ឲ្យបានគ្រប់រដូវកាល។

ឯកឧត្តម ពាង ណារឹទ្ធ បានបន្ថែមថា បឹងក្រមនេះ នឹងក្លាយជារមណីយដ្ឋានទេសចរណ៍វប្បធម៌ធម្មជាតិ ដែលអាចបង្កើតការងារនិងប្រាក់ចំណូលបន្ថែមសម្រាប់ប្រជាពលរដ្ឋប្រចាំតំបន់នេះ។ដូច្នេះ យើងត្រូវចូលរួមទាំងអស់គ្នា មើលថែត្រីទាំងនេះ កុំមានការលួចប្រើឧបករណ៍ខុសច្បាប់ ជាពិសេសឧបករណ៍ឆក់ត្រី ដែលបំផ្លាញធ្ងន់ធ្ងរដល់ធនធានមច្ឆជាតិគ្រប់ប្រភេទនិងរក្សាព្រៃជុំវិញនេះឲ្យបានល្អ ក្លាយជាម្លប់សម្រាប់ភ្ញៀវទេសចរណ៍។

សូមជម្រាបថា បឹងក្រម មានផ្ទៃជម្រាលប្រមូលទឹក៣០ហិកតា និងមានបឹងតូចៗ ២០បឹង ជាសាខា ព្រមទាំងមានរុក្ខជាតិលិចទឹកជាច្រើនប្រភេទ ហើយរៀងរាល់ដើមឆ្នាំក្នុងអំឡុងខែកុម្ភៈ ប្រជាពលរដ្ឋនៅទីនេះ តែងតែប្រារព្ធពិធីចាប់ត្រី យកមកចំអិនហូបជុំគ្នា ដែលជាទំនៀមទំលាប់ តាំងពីដើមរហូតមកដល់សព្វថ្ងៃ។

សម្រាប់២ឆ្នាំកន្លងទៅ ឯកឧត្តមបណ្ឌិត ជាម ច័ន្ទសោភ័ណ អភិបាលខេត្តត្បូងឃ្មុំ បានដឹកនាំប្រជាពលរដ្ឋចុះចាប់ត្រី និងចែកជូននូវរង្វាន់ជាថវិការដល់អ្នកចាប់បានត្រីធំ និងច្រើនផងដែរ។

ដោយឡែកសម្រាប់ឆ្នាំ២០២១ខាងមុខនេះ បើតាមគម្រោង ឯកឧត្តមបណ្ឌិត នឹងធ្វើពិធីឲ្យកាន់តែធំ តាមរយៈការប្រលែងកូនត្រីរាប់ម៉ឺនក្បាលនាថ្ងៃនេះ៕