ឯកឧត្តម ឡាន់ ឆន បើកកិច្ចប្រជុំវិសាមញ្ញលើកទី៣ អាណត្តិទី២ របស់ក្រុមប្រឹក្សា ខេត្តត្បូងឃ្មុំ

សេចក្ដីលម្អិត

ជំពូក៖ ព័ត៌មានខេត្ត

ត្បូងឃ្មុំ ៖ ក្រុមប្រឹក្សា ខេត្តត្បូងឃ្មុំ នាព្រឹកថ្ងៃទី១៧ ខែកុម្ភះ ឆ្នាំ២០១៥ នៅសាលប្រជុំ សាលាខេត្ត បានប្រារព្ធ បើកកិច្ចប្រជុំវិ សាមញ្ញ របស់ក្រុមប្រឹក្សា ខេត្តត្បូងឃ្មុំ លើកទី៣ អាណត្តិទី២

ដើម្បីពិនិត្យ ពិភាគ្សា និងអនុម័ត លើសេចក្ដីព្រាង របាយការណ៍ លទ្ធផលការងារ ឆ្នាំ២០១៤ ទិសដៅកាងារ ឆ្នាំ២០១៥ របស់រដ្ឋបាល ខេត្តត្បូងឃ្មុំ .ពិនិត្យ ពិភាគ្សា និងអនុម័ត លើសេចក្ដី រាយការណ៍ ដកស្រង់ សង្ខេបអំពីលទ្ធផល កាងារឆ្នាំ២០១៤ និងលើកទិសដៅ កាងារឆ្នាំ២០១៥ របស់ក្រសួងមហាផ្ទៃ . ពិនិត្យ ពិភាគ្សា និងអនុម័ត សេចក្ដីព្រាង បទអន្តរាគមន៍ របស់រដ្ឋបាល ខេត្តត្បូងឃ្មុំ សម្រាប់ថ្លែង ក្នុងសន្និបាទ ត្រួតពិនិត្យលទ្ធផល ការងារឆ្នាំ២០១៤ និងលើកទិសដៅ ការងារឆ្នាំ២០១៥ របស់ក្រសួងមហាផ្ទៃ និងបញ្ហាផ្សេងៗផងដែរ។

កិច្ចប្រជុំនេះ ប្រារព្ធឡើង ក្រោមអធិបតីភាព ឯកឧត្តម ឡាន់ ឆន ប្រធានក្រុមប្រឹក្សា ខេត្តត្បូងឃ្មុំ និងឯកឧត្តម ប្រាជ្ញ ចន្ទ អភិបាល នៃគណៈអភិបាល ខេត្តត្បូងឃ្មុំ និងដោយមានការ អញ្ជើញចូលរួមពី ឯកឧត្តម លោកជំទាវ សមាជិក សមាជិការ ក្រុមប្រឹក្សាខេត្ត ចំនួន ១៩រូប ឯកឧត្តម លោកជំទាវ អភិបាលរងខេត្ត ព្រមទាំង នាយកទីចាត់ការទាំង៥ ថ្នាក់ដឹកនាំមន្ទីរ ជុំវិញខេត្ត និងមន្ត្រីពាក់ព័ន្ធ ជាច្រើនរូបទៀត ។

បន្ទាប់ពីលោក ពាង ណារិទ្ធ នាយករដ្ឋបាល សាលាខេត្ត បានឡើងអានរបៀបវារៈ និងការពិនិត្យ កូរ៉ុមរួចមក ឯកឧត្តម ឡាន់ ឆន បានថ្លែងអំណរគុណ ចំពោះ សមាជិក សមាជិកា នៃអង្គប្រជុំ ដែលបានចូលរួម មតិយោបល់ ដែលជំរុញធ្វើឲ្យកិច្ចប្រជុំនេះ សម្រេចបានលទ្ធផលផ្លែផ្កា ទៅតាមកម្មវិធីគ្រោងទុក ។

ឯកឧត្តម ឡាន់ ឆន ក៏បានស្នើ ឲ្យនាយករដ្ឋបាល ក៏ដូចជាមន្ត្រីជំនាញ កែសម្រួលទៅ លើអក្ខរាវិរុទ្ធ ដែលអង្គប្រជុំ បានលើកឡើងផងដែរ ។

មួយវិញទៀត ក៏ស្នើដល់មន្ទីរ អង្គភាព និងស្ថាប័នពាក់ព័ន្ធ ដែលមានសមាសភាព ក្នុងសេចក្ដីសម្រេច ត្រូវសហការគ្នា ប្រមែប្រមូល ទិន្នន័យ ដើម្បីយកមកអនុវត្ត នៅក្នុងរដ្ឋបាល ខេត្តត្បូងឃ្មុំ ប្រកបដោយប្រសិទ្ធភាព និងកាន់តែអភិវឌ្ឍន៍ រីកចំរើនឡើង ៕