ពិធីបើកសម្ពោធជាផ្លូវការរោងចក្ររបស់ក្រុមហ៊ុន (គ្រីនហ្វីត)
- សេចក្ដីលម្អិត
- ជំពូក៖ ព័ត៌មានខេត្ត
ត្បូងឃ្មុំ៖ នៅព្រឹកថ្ងៃទី៩ ខែមេសា ឆ្នាំ២០១៥ ក្រុមហ៊ុន គ្រីនហ្វីត (ខែមបូឌៀ) ចំកាត់ បានរៀបចំ ពិធីបើកសម្ពោធ ជាផ្លូវការរោងចក្រ របស់ខ្លួនដែលមាន ទីតាំងនៅ ភូមិអណ្តូងជា ឃុំជីរោទិ៍២ ស្រុក-ខេត្តត្បូងឃ្មុំ ។
កម្មវិធីនេះ មានការចូលរួម ពីសំណាក់លោក ប៉ូច សុរិទ្ធី អគ្គនាយកក្រុមហ៊ុន គ្រីនហ្វីន កម្ពុជា និងលោកចឹង ង៉ុកជី អគ្គនាយក ក្រុមហ៊ុន គ្រីនហ្វីន វៀតណាម ព្រមទាំងថ្នាក់ដឹកនាំ នៃក្រុមហ៊ុន គ្រីនហ្វីត វៀតណាម រួមទាំងថ្នាក់ដឹកនាំ និងបុគ្គលិក នៃក្រុមហ៊ុន គ្រីនហ្វីត កម្ពុជា ក៏ដូចជាលោក លោកស្រី ដែលជាតំណាងដេប៉ូ និងសាខាចែកចាយ ចំណីសត្វ «គ្រីនហ្វីត» , «ហៃហ្គេន» ទាំងអស់តាមបណ្តាខេត្ត -ក្រុង នានា ក្នុងព្រះរាជាណា ចក្រកម្ពុជា ។
ក្រុមហ៊ុន គ្រីនហ្វីត (ខេមបូឌៀ) ចំកាត់ ជាក្រុមហ៊ុន ក្នុងស្រុកដែល ផលិត និងចែកចាយ ចំណីសត្វម៉ាក គ្រីនហ្វីត និង ហៃហ្គេន សម្រាប់ជ្រូក មាន់ ទា ដែលមានរោងចក្រ ផ្ទាល់ខ្លួននៅ ភូមិអណ្តូងជា ឃុំជីរោទិ៍ទី២ ស្រុក -ខេត្តត្បូងឃ្មុំ ។
ម៉្យាងវិញទៀត ការផលិតចំណី សត្វនៅរោងចក្រនេះ មានបទដ្ឋានច្បាស់លាស់ និងមានការត្រួតពិនិត្យ យ៉ាងម៉ត់ចត់ ពីក្រុមការងារ ហើយផលិតផល ចំណីសត្វម៉ាក គ្រីនហ្វីត និង ហ្វៃហ្គេន បានទទួលនូវ ការគាំទ្រយ៉ាងខ្លាំងពីសំណាក់ អតិថិជន អ្នកចិញ្ចឹមសត្វ ដោយសារក្រុមហ៊ុន ផ្តោតជាចម្បងទៅ លើផលប៉ះពាល់ ដល់សុខភាព អ្នកបរិភោគសាច់ ។
ជាចុងក្រោយក្រុមហ៊ុន គ្រីនហ្វីត (ខេមបូឌៀ) ចំកាត់ សូមថ្លែងអំណរគុណ យ៉ាងជ្រាលជ្រៅ ដល់តំណាងដេប៉ូចែកចាយ ចំនីសត្វ និងកសិដ្ឋានចិញ្ចឹមផ្ទាល់ ដែលបានគាំទ្រចែកចាយ និងប្រើប្រាស់ ផលិតផល របស់ក្រុមហ៊ុន គ្រីនហ្វីត កន្លងមក ។
ហើយក្រុមហ៊ុន ក៏សង្ឃឹមយ៉ាងមុតមាំថា តំណាងដេប៉ូចែកចាយ ចំណីសត្វ និងកសិដ្ឋានចិញ្ចឹមផ្ទាល់ នឹងបន្តការសហការ យ៉ាងល្អក្នុងការចែកចាយ និងប្រើប្រាស់ផលិតផល របស់ក្រុមហ៊ុន គ្រីនហ្វីតបន្តទៅទៀត ៕
