សិក្ខាសាលា បង្ហាញស្តីពីការអនុវត្តល្អ របស់បណ្តាញការពារសុវត្ថិភាព គ្រួសារថ្នាក់ភូមិ ក្នុងស្រុកតំបែរ និងស្រុកពញាក្រែក

សេចក្ដីលម្អិត

ជំពូក៖ ព័ត៌មានខេត្ត

លោកជំទាវ ឡេង សុខា អភិបាលរងខេត្តត្បូងឃ្មុំ អញ្ជើញជាអធិបតីបើកសិក្ខាសាលា បង្ហាញស្តីពីការអនុវត្តល្អ របស់បណ្តាញការពារសុវត្ថិភាព គ្រួសារថ្នាក់ភូមិ ក្នុងស្រុកតំបែរ និងស្រុកពញាក្រែក ក្រោមការរៀបចំដោយអង្គការស៊ីកាស្វា នៅព្រឹកថ្ងៃទី២៨ ខែមិថុនា ឆ្នាំ២០១៧នេះ នៅសាលាខេត្តត្បូងឃ្មុំ ដោយមានការចូលរួមពីប្រធានអង្គការស៊ីកាស្វា អង្គការវឌ្ឍនៈភាព អង្គការឆាដា មន្ទីរពាក់ព័ន្ធជុំវិញខេត្ត កុមារ និងសមាជិកកិច្ចការនារីឃុំក្នុងស្រុកតំបែរ និងស្រុកពញាក្រែក ។

សូមបញ្ជាក់ថា៖ សិក្ខាសាលដែលរៀបចំឡើងនាពេលនេះ ក្នុងគោលបំណង៖ -បង្ហាញជូនគំរូល្អ នៃការអនុវត្តបណ្តាញសុវត្ថិភាពគ្រួសារថ្នាក់ភូមិ ដើម្បីអោយមានការគាំទ្រ និងទទួលស្គាល់យន្តការនៃការការពារកុមារថ្នាក់នេះ ពីគ្រប់អ្នកពាក់ព័ន្ធជាពិសេសអាជ្ញាធរមូលដ្ឋាន -បង្ហាញអំពី សៀវភៅណែនាំការអនុវត្តគម្រោងបណ្តាញសុវត្ថិភាពគ្រួសារ និងតួនាទីសំខាន់ៗរបស់បណ្តាញភូមិ -បង្ហាញលំអិតពីការអនុវត្តរបស់បណ្តាញសុវត្ថិភាពគ្រួសារថ្នាក់ភូមិ -ពិភាក្សានិងទទួលយកអនុសាសន៍បន្ថែម ដើម្បីធ្វើអោយបណ្តាញភូមិអនុវត្តកាន់តែមានប្រសិទ្ធភាព -និងរៀបចំផែនការដើម្បីអនុវត្តបណ្តាញការពារសុវត្ថិភាពគ្រួសារថ្នាក់ភូមិ។ ក្រោយបញ្ចប់សិក្ខាសាលានេះ អ្នកចូលរួមទាំងអស់នឹងបានយល់ដឹងបន្ថែមបណ្តាញការពារសុវត្ថិភាពគ្រួសារ គឹជាយន្តការក្នុងកិច្ចការពារកុមារ និងផែនការនៃបណ្តាញសុវត្ថិភាពភូមិ ត្រូវបានទទួលស្គាល់ជាយន្តការនៃការការពារកុមារ ៕

ដោយ៖ វ៉ាន់ វីរៈ