ដោយមានវិបត្តិផ្លូវចិត្តព្រោះតែប្រពន្ធលែងលះ បុរសម្នាក់សម្រេចចិត្តធ្វើអត្តឃាដសម្លាប់ខ្លួន(ចងក)ដើម្បីបញ្ចប់វិបត្តិនោះ !

សេចក្ដីលម្អិត

ជំពូក៖ ព័ត៌មានខេត្ត

នៅវេលាម៉ោង ០៩និង១៥នាទី ថ្ងៃទី២៤ ខែកុម្ភៈ ឆ្នាំ២០១៨នេះ បុរសម្នាក់សម្រេចចិត្ត ធ្វើអត្តឃាដ សម្លាប់ខ្លួន(ចងក) មានឈ្មោះ ផយ សុខគង់ ភេទប្រុស អាយុ ៣៤ ឆ្នាំ មានទីនៅភូមិម្កាក់ ឃុំកណ្តោលជ្រុំ ស្រុកពញាក្រែក ខេត្តត្បូងឃ្មុំ បានធ្វើអត្តឃាតចងករសម្លាប់ខ្លួន ដោយប្រើខ្សែគោចងក ជាប់នឹងដើមចា នៅចំណុចវាលស្រែស្ថិត នៅខាងកើតចំង៉ាយប្រហែល ១០០០ ម៉ែត្រ ដោយមាន វិបត្តិផ្លូវចិត្ត ។

ក្រោយពីទទួល បានព័ត៌មានភ្លាម កម្លាំងនគរបាល ប៉ុស្តិ៍រដ្ឋបាលកណ្តោលជ្រុំ ដោយសហការជាមួយ កម្លាំងផ្នែកយុត្តិធម៌ នៃអធិការដ្ឋាន នគរបាល ស្រុកពញាក្រែក ចុះទៅធ្វើការត្រួតពិនិត្យកន្លែង កើតហេតុ និងខ្លួនសាកសព ដោយសង្ស័យពាក់ពន្ធ នឹងករណីឃាតកម្ម ។ នេះបើផ្អែកតាមជំនាញ ពិនិត្យវិភាគកន្លែង កើតហេតុធ្វើការត្រួត ពិនិត្យនិងវិភាគកន្លែងកើត ហេតុ បានដឹងថាករណីខាងលើមិន មានពាក់ព័ន្ធ នឹងករណី ឃាតកម្មឡើយ ។

ហើយក៏មានការ បញ្ជាក់បន្ថែមពី បងប្អូនសាច់ញាត្តិ និងប្រជាពលរដ្ឋ ជិតខាងថា ៖ ការស្លាប់របស់ជនរង គ្រោះខាងលើ គឺគាត់មានវិបត្តិ ផ្លូវចិត្តដោយប្រពន្ធលែងលះ ។ បច្ចុប្បន្នសមត្ថកិច្ច យើងបានប្រគល់សាកសព ជូនទៅសាច់ញាតិ ជនរងគ្រោះចាត់ចែង ធ្វើបុណ្យតាមប្រពៃណី ៕