វិទ្យាល័យ ប៊ុន រ៉ានី-ហ៊ុន សែន មេមត់ បានប្រារព្ធពិធីអបអរសាទទិវាជនមានពិការភាពកម្ពុជាលើកទី ២០ និងទិវាជនមានពិការភាពអន្តរជាតិលើកទី ៣៦

សេចក្ដីលម្អិត

ជំពូក៖ ព័ត៌មានខេត្ត

នាព្រឹកថ្ងៃទី២៦ ខែធ្នូ ឆ្នាំ២០១៨នេះ នៅសាលប្រជុំវិទ្យាល័យ ប៊ុន រ៉ានី-ហ៊ុន សែន មេមត់ បានប្រារព្ធពិធីអបអរសាទទិវាជនមានពិការភាពកម្ពុជាលើកទី ២០ និងទិវាជនមានពិការភាពអន្តរជាតិលើកទី ៣៦ ក្រោមប្រធានបទ(លើកកម្ពស់សិទ្ធិជនមានពិការភាព ធានាដល់ការធ្វើបរិយាប័ន្ន និងសមភាព) និងពិធីបើកផ្តល់ប្រាក់របបគោលនយោបាយជូនជនពិការក្រីក្រ នៅតាមសហគមន៍ស្រុកមេមត់ ក្រោមអធិបតីភាពឯកឧត្តម ពាង ណារិទ្ធ អភិបាលរងខេត្តត្បូងឃ្មុំ និងជាតំណាងឯកឧត្តមបណិ្ឌត ជាម ច័ន្ទសោភ័ណ អភិបាលនៃគណ:អភិបាលខេត្ត ក្នុងនោះមានអញ្ជើញចូលរួមពី ប្រធាន អនុប្រធានមន្ទីរ /អង្គភាពជុំវិញខេត្ត និងបងប្អូនជនពិការភាពសរុប៥៩៦នាក់។