បណ្តាញសង្គម

បទល្មើសនេសាទ ដាក់ដៃតាមដងទន្លេមេគង្គ ជលផលមិនបង្ក្រាប ក្នុងស្រុកត្បូងឃ្មុំ

ត្បូងឃ្មុំ៖ ចាប់ពីដើមខែ កក្កដា ឆ្នាំ២០១៥នេះ គេសង្កេតឃើញថា មានករណី បទល្មើសនេសាទ ដាក់ដៃតាមដង ទន្លេមេគង្គ ជាទ្រង់ទ្រាយធំ ចាប់តាំងពី ចំណុច ភូមិដូនម៉ៅ ព្រែកជីក ទួលខ្សាច់ ទួលគរ និងទួលតាអេវ មិនក្រោម ៥ដៃនោះទេ ស្ថិតក្នុងឃុំទន្លេបិទ ស្រុក-ខេត្តត្បូងឃ្មុំ តែខណ្ឌរដ្ឋបាល ជលផលត្បូងឃ្មុំ គ្មានការបង្ក្រាប សង្ស័យសើម មាត់សើមក ទើប មានករណីនេះ កើតឡើង ។

អាន​បន្ត៖ បទល្មើសនេសាទ ដាក់ដៃតាមដងទន្លេមេគង្គ ជលផលមិនបង្ក្រាប ក្នុងស្រុកត្បូងឃ្មុំ

សម្តេច អគ្គមហាពញាចក្រី ហេង សំរិន និងលោកជំទាវ ប្រគេនទានវស្សា និងទេយ្យវត្ថុ ដល់វត្តចំនូន៥៨ នៅខេត្តត្បូងឃ្មុំ

ត្បូងឃ្មុំ៖ នាព្រឹកថ្ងៃទី២៥ ខែកក្កដា ឆ្នាំ២០១៥នេះ សម្តេច អគ្គមហា ពញាចក្រី ហេង សំរិន ប្រធានរដ្ឋសភា និង លោកជំទាវ អមដំណើរដោយ គណៈប្រតិភូរដ្ឋសភា ព្រមទាំង ឯកឧត្តម អភិបាល អភិបាលរងខេត្ត និង ថ្នាក់ដឹកនាំមន្ទីរ អង្គភាពជុំវិញខេត្ត បាននាំយក ទៀនវស្សា និង ទេយ្យទាន ប្រគេនព្រះសង្ឃ ដើម្បីគង់ចាំ ព្រះវស្សា អស់កាលត្រីមាស ចំនួន ៥៨វត្ត នៅឧប្បដ្ឋានសាលា ក្នុង បរិវេណវត្ត សុវណ្ណារាម ហៅវត្ត ថ្កូវ ស្ថិតនៅក្នុង ឃុំកក់ ស្រុកពញាក្រែក ខេត្តត្បូងឃ្មុំ ។

ឯកឧត្តម ប្រាជ្ញ ចន្ទ អភិបាល នៃគណៈអភិបាល ខេត្តត្បូងឃ្មុំ បានមានប្រសាសន៍ ឲ្យដឹងថា៖ វិស័យព្រះពុទ្ធសាសនា មានការរីកចម្រើន ជាបន្តបន្ទាប់ រហូតដល់បច្ចុប្បន្ន ហើយទីអាម គឺជាកន្លែង ព្រះសង្ឃ និងពុទ្ធបរិស័ទ្ធទូទៅ ធ្វើការអប់រំ ទាំងផ្លូវកាយ និងផ្លូវចិត្ត ឲ្យចេះធ្វើអំពើល្អ រក្សាវប្បធម៌ ប្រពៃណីជាតិយើង ឲ្យបានគង់វង្ស យូរអង្វែង ដោយឡែក នៅក្នុងអំឡុងពេល ពិធីបុណ្យចូលព្រះវស្សា ដែលមានរយៈពេល ៣ខែ ទៀនវស្សា និង ទេយ្យទាន ដែលត្រូវនាំយកមកប្រគេន ដល់វត្តចំនួន៥៨ នាពេលនេះ  ក្នុងខេត្តត្បូងឃ្មុំ ។

បន្ទាប់មក សម្តេច អគ្គមហាពញាចក្រី ហេង សំរិន បានមានប្រសាសន៍ថា៖ ដើម្បីគោរពតាម ទំនៀមទម្លាប់ ប្រពៃណី ព្រះពុទ្ធសាសនា ពិធីបុណ្យ ចូលព្រះវស្សា មានរយៈពេល ៣ខែ ដោយចាប់ផ្តើម ពីថ្ងៃ១រោច ខែអាសាធ ហើយបញ្ចប់វិញ នៅថ្ងៃទី១៥រោច ខែកក្តិតនោះ ក្នុងអំឡុងពេល ពិធីបុណ្យ ចូលព្រះវស្សានេះ តាមព្រះវិន័យ បានកំណត់ថា ព្រះសង្ឃមិនអាច និមន្តចេញទៅ បិណ្ឌបាត្រ នៅខាងក្រៅ បានឡើយ ដោយគង់នៅ ចាំព្រះវស្សា ក្នុងទីអារាមរហូត ។

សម្តេច មានប្រសាសន៍បន្តទៀតថា៖ ការប្រគេន ទៀនព្រះវស្សា និងទេយ្យវត្ថុ ជូនវត្តទាំង៥៨ នៅក្នុងខេត្តត្បូងឃ្មុំ នាពេលនេះ គឺជាការ ចូលរួមចំណែក ក្នុងវិស័យ ព្រះពុទ្ធសាសនា ដែលជាសាសនា របស់រដ្ឋ ព្រោះផ្នែកពុទ្ធចក្រ និងអាណាចក្រ តែងតែផ្សារភ្ជាប់គ្នា ដែលមិនអាច កាត់ផ្តាច់បាន តាំងពីដូនតាយើង រហូតដល់បច្ចុប្បន្ន ដែលការប្រគេន ទៀនព្រះវស្សា គឺយើងទាំងអស់គ្នា តែងតែនាំគ្នា ធ្វើជារៀងរាល់ឆ្នាំ ដែលស្របទៅតាម ជំនឿប្រពៃណី របស់ប្រជាជនខ្មែរ ជាអ្នកកាន់ ព្រះពុទ្ធសាសនា តាំងពីដើម រៀងមក ។

បន្ទាប់ពីព្រះសង្ឃ សម្តែងធម៍ទេសនា បង្សុកូលរួចមក សម្តេច អគ្គមហាពញាចក្រី ហេង សំរិន និង លោកជំទាវ ព្រមទាំងថ្នាក់ដឹកនាំទាំងអស់ នៃខេត្តត្បូងឃ្មុំ បាននាំយក ទៀនវស្សា និងទេយ្យវត្ថុ ប្រគេនព្រះសង្ឃ ចំនួន៥៨វត្ត ក្នុងខេត្តត្បូងឃ្មុំ ដោយក្នុងវត្ត នីមួយៗ ទទួលបាន ៖ ទៀនវស្សា ចំនួន១គូ ស្លាដក់១ ថិការ១០ម៉ឺនរៀល មី២កេស អង្ករ៥០គីឡូក្រាម ត្រីខ១យួរ ទឹកក្រូច២កេស ទឹកបរិសុទ្ធ២កេស ទឹកដោះគោ១៤កំប៉ុង ស្ករស៥គីឡូក្រាម តែ២កញ្ចប់ធំ ធូប១ដុំ ទៀន១កញ្ចប់ និងបច្ច័យកសាងចំនួន ៥០ម៉ឺនរៀល ព្រមទាំង យាយជីតាជី ចំនួន៣០០នាក់ ក្នុងម្នាក់ៗ ទទួលបាន ក្រណាត់ស១ដុំ និងថវិការ ១ម៉ឺនរៀល ៕

 















ដោយ៖ វ៉ាន់ វីរៈ

សាខាកាំកុងត្រូល ខេត្តត្បូងឃ្មុំ បានសហការជាមួយ មន្ទីរពាណិជ្ជកម្ម ចុះធ្វើការ ត្រួតពិនិត្យគុណភាពទំនិញ នៅផ្សារអូររាំងឪ ខេត្តត្បូងឃ្មុំ

ត្បូងឃ្មុំ៖ ដោយពិនិត្យឃើញថា បាតុភាពជាច្រើន  បាននឹងកំពុងកើតមាន លើមុខទំនិញផលិតផល និងគ្រឿងឧបភោគបរិភោគ ដែលធ្វើឱ្យ ប្រជាពលរដ្ឋ មានក្ដីកង្វល់ រឿងសុខភាពនោះ អគ្គនាយកដ្ឋានកម្ពុជា ត្រួតពិនិត្យទំនិញ នីហ័រណ-អាហ័រណ និងបង្ក្រាបការក្លែងបន្លំ (កាំកុងត្រូល) សាខាកាំកុងត្រូល ប្រចាំខេត្តត្បូងឃ្មុំ នៅព្រឹកថ្ងៃទី២៣ ខែកក្កដា ឆ្នាំ២០១៥ មន្ត្រីសាខាកាំកុងត្រូល ដែលដឹកនាំដោយលោក អ៊ុក ជីវសុទ្ធា អនុប្រធានសាខាកាំកុងត្រូល ខេត្តត្បូងឃ្មុំ ទទួលបន្ទុកទីផ្សារ បានសហការជាមួយ មន្ទីរពាណិជ្ជកម្ម ខេត្តត្បូងឃ្មុំ បានចុះធ្វើការ អង្កេតទំនិញនៅ ផ្សារអូររាំងឪ ដែលស្ថិតនៅ ស្រុកអូររាំងឪ ខេត្តត្បូងឃ្មុំ ។

លោក អ៊ុក ជីវសុទ្ធា បានគូសបញ្ជាក់ថា ៖ គោលបំណង នៃការចុះធ្វើការ ត្រួតពិនិត្យនេះ ដោយមានការ ណែនាំជាប្រចាំ របស់ថ្នាក់ដឹកនាំ នៃអគ្គនាយកដ្ឋាន កាំកុងត្រូល ជាពិសេស ឯកឧត្តមប្រតិភូរាជរដ្ឋាភិបាល ទទួលបន្ទុក ជាអគ្គនាយក នៃអគ្គនាយកដ្ឋាន កាំកុងត្រូល អោយមន្រ្តីកាំកុងត្រូល ចុះអង្កេត និងត្រួតពិនិត្យ ទំនិញនៅលើទីផ្សារ ជាប្រចាំ ដើម្បីធានាថា ពុំមានការ តាំងលក់ទំនិញ ខូចគុណភាព ឬផុតសុពលភាព នៅលើទីផ្សារ និងដើម្បីធានា សុខុមាលភាព និងផលប្រយោជន៍ របស់ប្រជាពលរដ្ឋ ។

ជាលទ្ធផល នៃការចុះត្រួតពិនិត្យ នៅលើទីផ្សារ អូររាំងឪ មន្រ្តីកាំកុងត្រូល ខេត្តត្បូងឃ្មុំ ពុំបានរកឃើញ នូវទំនិញដែល ខូចគុណភាព រឺហួសកាលបរិច្ឆេទឡើយ ដោយអាជីវករ មានការយល់ដឹងច្រើនអំពីការ ជ្រើសរើសទំនិញ និងគុណភាពទំនិញ សម្រាប់ដាក់លក់ នៅលើទីផ្សារ ប៉ុន្តែ ទោះបីជាយ៉ាងនេះក្តី មន្ត្រីកាំកុងត្រូលខេត្ត នឹងបន្តចុះធ្វើការ ត្រួតពិនិត្យ ជាបន្តបន្ទាប់ និងជាប្រចាំ ដើម្បីទប់ស្កាត់ ឲ្យទាន់ពេលវេលា នូវការលួចនាំចូល ចរាចរទំនិញ ដែលបង្កគ្រោះថ្នាក់ ដែលប៉ះពាល់ យ៉ាងធ្ងន់ធ្ងរ ដល់សុខភាព ដើម្បីរួមចំណែក ផលប្រយោជន៍ របស់អ្នកប្រើប្រាស់ ទាំងផ្នែកសុខភាព និងសេដ្ឋកិច្ច។

ទន្ទឹមនឹងនោះ មន្ត្រីសាខាកាំកុងត្រូល ក៏បានធ្វើការណែនាំ ដល់អាជីវករ អោយប្រុងប្រយ័ត្ន ក្នុងការដាក់តាំង លក់ទំនិញ ដែលមានគុណភាពល្អ មានប្រភពច្បាស់លាស់ មានស្លាកសញ្ញាត្រឹមត្រូវ និងមិនត្រូវ ដាក់លក់ទំនិញ ដែលខ្វះអនាម័យ ហួសកាលបរិច្ឆេទ និងទំនិញក្លែងបន្លំ ទោះរូបភាពណាក៍ដោយ ៕

ដោយ៖ វ៉ាន់ វីរៈ

ពិធីប្រកាសបិទផ្សាយ ទិន្នន័យជាសាធារណៈ នូវឯកសារនៃការវិនិច្ឆ័យ ស្ថិតនៅភូមិចំនួន ០៤ភូមិ ក្នុងឃុំជីគរ ស្រុកត្បូងឃ្មុំ ខេត្តត្បូងឃ្មុំ

ត្បូងឃ្មុំ ៖ បញ្ហាទំនាស់ដីធ្លី ជាបញ្ហាដែល ជាកង្វល់ របស់រាជរដ្ឋាភិបាល ក៏ដូចជាអាជ្ញាធរ មូលដ្ឋាន ត្រូវដោះស្រាយ ហើយដើម្បី ឲ្យផុតនូវតំណោះ ស្រាយបញ្ហានេះ រាជរដ្ឋាភិបាល បានរៀបចំក្រុមកាងារ សុរិយាដី ដើម្បីធ្វើការ វាស់វែងដីធ្លី ជូនប្រជាពលរដ្ឋ ជាសាធារណៈមានលក្ខណៈ ជាប្រព័ន្ធ ។

អាន​បន្ត៖ ពិធីប្រកាសបិទផ្សាយ ទិន្នន័យជាសាធារណៈ នូវឯកសារនៃការវិនិច្ឆ័យ ស្ថិតនៅភូមិចំនួន...

រថយន្ត៥៧០ បុកម៉ូតូស្លាប់ម្នាក់ និងម្នាក់របួសស្រាល ក្រុងសិរីសោភ័ណ

បន្ទាយមានជ័យ ៖ គ្រោះថ្នាក់ចរាចរមួយ បានកើតទ្បើង បណ្តាលឲ្យស្ត្រីម្នាក់ស្លាប់ នៅនិងកន្លែង ម្នាក់រងរបួសធ្ងន់ ខណៈជិះម៉ូតូបត់ ចូលផ្លូវលំត្រូវរថយន្ត លុច្សស៊ីស៥៧០ ដែលមកពីក្រោយ បុកពេញទំហឹង។

អាន​បន្ត៖ រថយន្ត៥៧០ បុកម៉ូតូស្លាប់ម្នាក់ និងម្នាក់របួសស្រាល ក្រុងសិរីសោភ័ណ

ឯកឧត្ដម ជា សុផារ៉ា ទៅដោះស្រាយបញ្ចប់ ជម្លោះដីផ្លូវប្រឡាយ រវាងប្រជាពលរដ្ឋ និងឈ្មួញ នៅស្រុកត្បូងឃ្មុំ

ត្បូងឃ្មុំ :ឯកឧត្តម  ជា សុផារ៉ា អនុប្រធាន ក្រុមការងារ ថ្នាក់ជាតិ ចុះជួយ ខេត្តត្បូងឃ្មុំ និងជា រដ្ឋមន្រ្តីក្រសួង អភិវឌ្ឍន៏ ជនបទ នៅព្រឹកថ្ងៃទី ២៣ ខែកក្កដា  ឆ្នាំ២០១៥នេះ

អាន​បន្ត៖ ឯកឧត្ដម ជា សុផារ៉ា ទៅដោះស្រាយបញ្ចប់ ជម្លោះដីផ្លូវប្រឡាយ រវាងប្រជាពលរដ្ឋ...

CNRP ទាំងក្នុង និងក្រៅប្រទេស ល្មមឈប់ មួលបង្កាច់ រាជរដ្ឋាភិបាល ពាក់ព័ន្ធបញ្ហា ព្រំដែន កម្ពុជា-វៀតណាម

ត្បូងឃ្មុំ ៖ ឯកឧត្តម ឡុង វិសាលោ រដ្ឋលេខាធិការ ក្រសួង ការបរទេសកម្ពុជា នៅរសៀលថ្ងៃទី ២១ ខែ កក្កដា ឆ្នាំ ២០១៥ បានស្នើគណបក្ស សង្រ្គោះជាតិ (CNRP) នៅគ្រប់មជ្ឈដ្ឋាន ទាំងក្នុង និងក្រៅប្រទេស គួរបញ្ឈប់សកម្មភាព វាយប្រហារ មួលបង្កាច់រាជរដ្ឋាភិបាល កម្ពុជាទៀត លើបញ្ហាព្រំដែន កម្ពុជា -វៀតណាម ។

អាន​បន្ត៖ CNRP ទាំងក្នុង និងក្រៅប្រទេស ល្មមឈប់ មួលបង្កាច់ រាជរដ្ឋាភិបាល ពាក់ព័ន្ធបញ្ហា...

កិច្ចប្រជុំផ្សព្វផ្សាយការងារបោះបង្គោល និងខ្សែបន្ទាត់ព្រំដែនគោក (កម្ពុជា-វៀតណាម) ក្នុងភូមិសាស្ត្រខេត្តត្បូងឃ្មុំ

ត្បូងឃ្មុំ៖ នារសៀលថ្ងៃទី២១ ខែកក្កដា ឆ្នាំ២០១៥ នៅសាលប្រជុំ សាលាខេត្តត្បូងឃ្មុំ បានប្រារព្ធបើក កិច្ចប្រជុំផ្សព្វផ្សាយ ការងារបោះបង្គោល និងខ្សែបន្ទាត់ ព្រំដែនគោក (កម្ពុជា-វៀតណាម) ក្នុងភូមិសាស្ត្រ ខេត្តត្បូងឃ្មុំ ក្រោមអធិបតីភាព ឯកឧត្តម ប្រាជ្ញ ចន្ទ អភិបាល នៃគណៈអភិបាល ខេត្តត្បូងឃ្មុំ និង ឯកឧត្តម ឡុង វិសាលោ រដ្ឋលេខាធិការក្រសួងការបរទេស និងសហប្រតិបត្តិការអន្តរជាតិ ព្រមទាំង គណៈប្រតិភូ អមដំណើរ និងមានការ អញ្ជើញចូលរួមពី ឯកឧត្តម លោកជំទាវ អភិបាលរងខេត្ត ឯកឧត្តម លោកជំទាវ សមាជិកសមាជិកា ក្រុមប្រឹក្សាខេត្ត ថ្នាក់ដឹកនាំមន្ទីរអង្គភាព ជុំវិញខេត្ត និងមន្ត្រីដែលពាក់ព័ន្ធ ជាច្រើនរូបទៀត ។












ដោយ៖ វ៉ាន់ វីរៈ

ពិធីប្រកាសគណៈកម្មាធិការប្រយុទ្ធប្រឆាំងអំពើជួយដូរមនុស្ស និងរចនាសម្ព័ន្ធខេត្តត្បូងឃ្មុំ

 ត្បូងឃ្មុំ ៖  នៅសាលា ខេត្តត្បូងឃ្មុំ នាថ្ងៃទី២១ ខែកក្ដដា ឆ្នាំ២០១៥ បានរៀបចំ ពិធីប្រកាស ជាផ្លូវការនូវ សមាសភាព នៃរចនាសម្ព័ន្ធ គណៈកម្មាធិការ ប្រយុទ្ធប្រឆាំង អំពើជួយដូរ មនុស្សខេត្តត្បូងឃ្មុំ ដែកត្រូវបានរៀបចំ ឡើងបន្ទាប់ពី ក្រសួងមហាផ្ទៃ

អាន​បន្ត៖ ពិធីប្រកាសគណៈកម្មាធិការប្រយុទ្ធប្រឆាំងអំពើជួយដូរមនុស្ស...

របរ ផ្សាំ បណ្តុះកូនឈើហូបផ្លែ ធ្វើឲ្យជីវភាពគ្រួសារ ប្រសើរឡើង

 ត្បូងឃ្មុំ៖ ការចាប់យកមុខរបរ  បណ្តុះ ផ្សាំ កូនឈើ ហូបផ្លែ គ្រប់មុខ របស់លោកពូ សូយ សីឡា នៅភូមិជប់ក្រៅ ឃុំជប់ ស្រុក-ខេត្តត្បូងឃ្មុំ ធ្វើឲ្យជីវភាពគ្រួសារ បានប្រសើរឡើង ។

អាន​បន្ត៖ របរ ផ្សាំ បណ្តុះកូនឈើហូបផ្លែ ធ្វើឲ្យជីវភាពគ្រួសារ ប្រសើរឡើង

អភិបាល ស្រុកត្បូងឃ្មុំ ៖ ប្រជាពលរដ្ឋ មិនបានបិទផ្លូវជាតិលេខ៧ តវ៉ារឿងដីប្រ ឡាយនោះឡើយ

ត្បូងឃ្មុំ ៖ អភិបាល ស្រុកត្បូងឃ្មុំ លោក កេត ប៊ុណ្ណា បានថ្លែង បដិសេធថា គ្មានការ បិទផ្លូវជាតិលេខ៧ របស់ប្រជាពលរដ្ឋតវ៉ា រឿងដី ផ្លូវប្រឡាយ នៅភូមិប្រធាតុ ឃុំសន្លប់ នោះឡើយ ពោលពួកគាត់នាំគ្នាជួបជុំនៅលើ ផ្លូវលំតែប៉ុណ្ណោះ ។

អាន​បន្ត៖ អភិបាល ស្រុកត្បូងឃ្មុំ ៖ ប្រជាពលរដ្ឋ មិនបានបិទផ្លូវជាតិលេខ៧ តវ៉ារឿងដីប្រ...

ខេត្តត្បូងឃ្មុំ បានរៀបចំពិធីបង្កើត និងគ្រប់គ្រងសមាគមមនុស្សចាស់ ឃុំកក់ ស្រុកពញាក្រែក

ត្បូងឃ្មុំ ៖  ការប្រមូលផ្ដុំ មនុស្សចាស់ ក្នុងសហគមន៍ ចាប់ពីអាយុ ៥៥ឆ្នាំ ឡើងបង្កើត សមាគមដើម្បីសាមគ្គី ជួយគ្នាដោះស្រាយ បញ្ហាប្រឈម របស់មនុស្សចាស់ សំដៅលើកកំពស់ សុខុមាលភាព និងការរស់ នៅកាន់តែប្រសើរ

អាន​បន្ត៖ ខេត្តត្បូងឃ្មុំ បានរៀបចំពិធីបង្កើត និងគ្រប់គ្រងសមាគមមនុស្សចាស់ ឃុំកក់...

ពិធីបង្កើត និងគ្រប់គ្រងសមាគមមនុស្សចាស់ ឃុំដូនតី ស្រុកពញាក្រែក ខេត្តត្បូងឃុំ

ត្បូងឃ្មុំៈ នៅថ្ងៃទី14 ខែកក្ដដា ឆ្នាំ2015 នៅបរិវេណវត្តរើល ស្ថិតនៅក្នុង ភូមិរើល ឃុំដូនតី ស្រុកពញាក្រែក ខេត្តត្បូងឃ្មុំ

អាន​បន្ត៖ ពិធីបង្កើត និងគ្រប់គ្រងសមាគមមនុស្សចាស់ ឃុំដូនតី ស្រុកពញាក្រែក ខេត្តត្បូងឃុំ

ឯកឧត្តម ប្រាជ្ញ ចន្ទ ចូលរួមអបអរសាទរបុណ្យរុក្ខទិវា ០៩ កក្ដដា នៅតំបន់ដីសម្បទានសង្គមកិច្ច ស្ថិតនៅក្នុងភូមិស្រែលើសែនជ័យ ឃុំជាំក្រវៀន ស្រុកមេមត់ ខេត្តត្បូងឃ្មុំ

ត្បូងឃ្មុំ ៖ ថ្ងៃទី០៧ ខែកក្ដដា ឆ្នាំ២០១៥ នៅក្នុងតំបន់ដីសម្បទាន សង្គមកិច្ចស្រែ លើសែនជ័យ ស្ថិតនៅភូមិស្រែ លើសែនជ័យ ឃុំជាំក្រវៀន ស្រុកមេមត់ ខេត្តត្បូងឃ្មុំ បានប្រារព្ធពិធីអបអរសាទរ បុណ្យរុក្ខទិវា ០៩ កក្ដដា ក្រោមអធិបតីភាព ឯកឧត្តម បា្រជ្ញ ចន្ទ អភិបាល នៃគណៈអភិបាលខេត្តត្បូងឃ្មុំ ។

អាន​បន្ត៖ ឯកឧត្តម ប្រាជ្ញ ចន្ទ ចូលរួមអបអរសាទរបុណ្យរុក្ខទិវា ០៩ កក្ដដា...

ឯកឧត្តម អភិបាលរងខេត្តត្បូងឃ្មុំ ចែកអំណោយមនុស្សធម៍ កាកបាទក្រហមកម្ពុជា ជូនដល់ប្រជាពលរដ្ឋ២២គ្រួសារ ដែលរងគ្រោះដោយខ្យល់កន្រ្តាក់

ត្បូងឃ្មុំ៖ នារសៀលថ្ងៃទី០៧ ខែកក្កដា ឆ្នាំ២០១៥នេះ នៅសាលាស្រុក អូររាំងឪ ប្រជាពលរដ្ឋចំនួន ២២គ្រួសារ ដែលរងគ្រោះដោយរលំ និងរបើកដំបូលផ្ទះ ដោយសារភ្លៀង លាយខ្យល់កន្រ្តាក់ កាលពីថ្ងៃ ទី០៤ ខែកក្កដា ឆ្នាំ២០១៥កន្លងទៅ បានទទួលអំណោយពី សាខាកាកបាទក្រហម កម្ពុជាខេត្តត្បូងឃ្មុំ ក្រោមអធិបតីភាព ឯកឧត្តម អ៊ុយ សុធាវី និង ឯកឧត្តម លី ឡេង អភិបាលរង នៃគណៈអភិបាលខេត្ត និងជាប្រធាន គណៈកម្មាធិការ សាខាកាកបាទក្រហម កម្ពុជា ប្រចាំខេត្តត្បូងឃ្មុំ និងជាតំណាង ដ៍ខ្ពង់ខ្ពស់ ឯកឧត្តម ប្រាជ្ញ ចន្ទ អភិបាល នៃគណៈអភិបាល ខេត្តត្បូងឃ្មុំ និងលោកជំទាវ ព្រមទាំង ថ្នាក់ដឹកនាំមន្ទីរ លោកអភិបាល ស្រុកអូររាំងឪ សមាជិកសមាជិកា កាកបាទក្រហមខេត្ត និង សហភាពសហព័ន្ធ យុវជនខេត្តត្បូងឃ្មុំ ។










ដោយ៖ វ៉ាន់ វីរៈ

ប្រជាពលរដ្ឋចំនួន១៥នាក់ពុលផ្សិតក្នុងស្រុកអូរាំងឪ

ត្បូងឃ្មុំ៖ ប្រជាពលរដ្ឋក្នុងភូមិ ព្រះធាតុកណ្តាល ឃុំព្រះធាតុ ស្រុអូរាំងឪ ខេត្តត្បូងឃ្មុំ ឃើញផ្សិតដុស ក្នុងគុម្ពឬស្សីខាងមុខផ្ទះ របស់ខ្លួននាំគ្នា ដកយកមកចែកគ្នាស្លហូប ស្រាប់តែពុល ចំនួន១៥នាក់ នៅម៉ោង១១ ថ្ងៃទី៧ ខែកក្កដា ឆ្នាំ២០១៥នេះ តែសំណាងល្អមិនមានការប៉ះពាល់ដល់ជីវិតបងប្អូនទាំងនោះទេ ។

អាន​បន្ត៖ ប្រជាពលរដ្ឋចំនួន១៥នាក់ពុលផ្សិតក្នុងស្រុកអូរាំងឪ

សិក្ខាសាលាស្តីពី ការធ្វើអាជីវកម្មលើគម្រោងវិនិយោគរួមដោយគ្មានអាជ្ញាប័ណ្ណ និងការស្វែងយល់ពីការជួញដូរមូលបត្រនៅកម្ពុជា

ត្បូងឃ្មុំ៖ នាព្រឹកថ្ងៃទី០៧ ខែកក្កដា ឆ្នាំ២០១៥នេះ នៅសាលប្រជុំ សាលាខេត្តត្បូងឃ្មុំ បានប្រារព្ធបើក សិក្ខាសាលាស្តីពី ការធ្វើអាជីវកម្ម លើគម្រោងវិនិយោគរួម ដោយគ្មានអាជ្ញាប័ណ្ណ និងការស្វែងយល់ពីការ ជួញដូរមូលបត្រ នៅកម្ពុជា ក្រោមអធិបតីភាព ឯកឧត្តម លី ឡេង អភិបាលរង នៃគណៈអភិបាលខេត្តត្បូងឃ្មុំ និងឯកឧត្តម សុខ ដារ៉ា អគ្គនាយករង នៃគណៈកម្មការ មូលបត្រកម្ពុជា ព្រមទាំងមានការ អញ្ជើញចូលរួមពី ថ្នាក់ដឹកនាំមន្ទីរ អង្គភាពជុំវិញខេត្ត និងមន្ត្រីដែលពាក់ព័ន្ធជាច្រើនរូបទៀត ។

ដោយ៖ វ៉ាន់ វីរៈ

ក្រុមប្រឹក្សាខេត្តត្បូងឃ្មុំ បានរៀបចំកិច្ចប្រជុំសាមញ្ញលើកទី១៤ អាណត្តិទី២

ត្បូងឃ្មុំ ៖ ថ្ងៃទី០៦ ខែកក្ដដា ឆ្នាំ២០១៥ ក្រុមប្រឹក្សា ខេត្តត្បូងឃ្មុំ បានរៀបចំ កិច្ចប្រជុំសាមញ្ញ លើកទី១៤ អាណត្តិទី២ ក្រោមអធិបតីភាព ឯកឧត្ដម ឡាន់ ឆន ប្រធានក្រុមប្រឹក្សា ខេត្តត្បូងឃ្មុំ និងឯកឧត្តម បា្រជ្ញ ចន្ទ អភិបាល នៃគណៈអភិបាល ខេត្តត្បូងឃ្មុំ ។

អាន​បន្ត៖ ក្រុមប្រឹក្សាខេត្តត្បូងឃ្មុំ បានរៀបចំកិច្ចប្រជុំសាមញ្ញលើកទី១៤ អាណត្តិទី២

ភាគីចុងចោទជាម្ចាស់ដី សូមឲ្យគណៈកម្មាការសូរិយោដីខេត្តជួយដោះស្រាយរកយុត្តិធម៌ទៅតាមផ្លូវច្បាប់ឲ្យគាត់ផង

ត្បូងឃ្មុំ៖ ទំនាស់វិវាទដី ចំណុចចំការចាម ស្ថិតក្នុងភូមិទួលវិហារ ឃុំជីរោទី២ ស្រុក-ខេត្តត្បូងឃ្មុំ មានរយៈពេល ២ឆ្នាំមកហើយ ដោយភាគីដើមចោទ អះអាងថា ដីនេះជាដីរបស់ខ្លួន ហើយភាគីចុងចោទ ក៏បានបញ្ជាក់ និងមានឯកសារ យោងច្បាស់លាស់ថា ដីនេះជាដី របស់គាត់ធ្លាប់ អាស្រ័យផលតាំង ពីឆ្នាំ១៩៩៥មកម្លេះ ។

អាន​បន្ត៖ ភាគីចុងចោទជាម្ចាស់ដី...

ឈ្លោះជាមួយប្រពន្ធ កូនប្រសារ ទៅជួយឃាត់ ទាញដំបងឬស្សី វាយសម្លាប់កូនប្រសារ ត្រូវសមត្ថកិច្ចឃាត់ខ្លួន

កំពង់ចាម៖ បុរសម្នាក់ បានជ្រុលដៃ វាយសម្លាប់ កូនប្រសាររបស់ខ្លួន រហូតដល់ស្លាប់ ដោយប្រើដំបងឬស្សី ខណៈដែលជនរងគ្រោះ  បានចូលទៅជួយឃាត់ ជនបង្កពេលឈ្លោះ ជាមួយប្រពន្ធរបស់ខ្លួន ដែលត្រូវជាម្តាយក្មេក កាលពីវេលាម៉ោង ៦៖៣០នាទីល្ងាច ថ្ងៃទី៥ ខែកក្កដា ឆ្នាំ២០១៥ នៅចំណុចភូមិតាសែន ឃុំសូទិប ស្រុកជើងព្រៃ ។

អាន​បន្ត៖ ឈ្លោះជាមួយប្រពន្ធ កូនប្រសារ ទៅជួយឃាត់ ទាញដំបងឬស្សី វាយសម្លាប់កូនប្រសារ...

កិច្ច ប្រជុំស្តីពី ការពង្រឹងការ អនុវត្តគោល នយោបាយ ភូមិ ឃុំមានសុវត្ថភាព និងការផ្សព្វផ្សាយ ផែនការស្តីពី យុន្ធការផ្តល់អត្តសញ្ញាណ ប័ណ្ណសញ្ជាតខ្មែរ គំរូថ្មី និងផែនការស្តីពី ការងារគ្រប់គ្រង អន្តោប្រវេសន៍

ត្បូងឃ្មុំ ៖ នៅសាលា ខេត្តត្បូងឃ្មុំ ថ្ងៃទី០៣- ខែកក្ដដាឆ្នាំ២០១៥ បានរៀបចំកិច្ច ប្រជុំស្តីពី ការពង្រឹងការ អនុវត្តគោល នយោបាយ ភូមិ ឃុំមានសុវត្ថភាព និងការផ្សព្វផ្សាយ ផែនការស្តីពី យុន្ធការផ្តល់អត្តសញ្ញាណ ប័ណ្ណសញ្ជាតខ្មែរ គំរូថ្មី និងផែនការស្តីពី ការងារគ្រប់គ្រង អន្តោប្រវេសន៍

អាន​បន្ត៖ កិច្ច ប្រជុំស្តីពី ការពង្រឹងការ អនុវត្តគោល នយោបាយ ភូមិ ឃុំមានសុវត្ថភាព...

ជំពូក​រង

  • ព័ត៌មានទឹកភ្លៀង ថ្ងៃទី 17.តុលា.2016

    ត្បូងឃ្មុំ ៖ មន្ទីរព័ត៌មាន ខេត្តត្បូងឃ្មុំ សូមជូនព័ត៌មាន ទឹកភ្លៀង ÷

    +បរិមាណទឹកភ្លៀងរយៈពេល24ម៉ោង ថ្ងៃទី 17.តុលា.2016)

    ភ្លៀងបានធ្លាក់លើ គ្រប់ ក្រុង ស្រុក: ពី 7 - 30 mm - ក្រុងសួង = 19 mm លើគ្រប់សង្កាត់ -ស្រុកត្បូងឃ្មុំ=30 mm លើគ្រប់ឃុំ -ស្រុកក្រូចឆ្មារ= 9 mm លើគ្រប់ឃុំ - ស្រុកអូរាំងឳ = 7 លើគ្រប់ឃុំ -ស្រុកតំបែរ = 7mm លើគ្រប់ឃុំ - ស្រុកពញាក្រែក = 21mm លើគ្រប់ឃុំ -ស្រុកមេមត់ = 11 mm លើគ្រប់ឃុំ + សតុណ្ហភាព Min =24 ℃ , Max = 34,2 ℃ ៕