បណ្តាញសង្គម

បុរសលក់បុកល្ហុងម្នាក់ ត្រូវជនមិនស្គាល់អត្តសញ្ញាណមួយក្រុមព្រួតកាប់ បណ្តាលឲ្យរបួសធ្ងន់ ក្នុងស្រុកត្បូងឃ្មុំ

 ត្បូងឃ្មុំ៖ បុរសម្នាក់ មានមុខរបរ ជាអ្នកលក់ បុកល្ហុង ខណៈពេលធ្វើ ដំណើរត្រឡប់ មកផ្ទះវិញ ត្រូវជនមិនស្គាល់ អត្តសញ្ញាណចំនួន ៣នាក់ បានប្រើហឹង្សា ដោយចេតនា កាប់ជនរងគ្រោះ ជាច្រើនកាំបិត បណ្តាលឲ្យរងរបួសយ៉ាងធ្ងន់ធ្ងរ នៅល្ងាចថ្ងៃទី៦ ខែតុលា ឆ្នាំ២០១៥ ចំណុចផ្លូវលំ ភូមិឈូកសណ្តល់ ឃុំរកាពប្រាំ ស្រុកត្បូងឃ្មុំ ខេត្តត្បូងឃ្មុំ ។

អាន​បន្ត៖ បុរសលក់បុកល្ហុងម្នាក់ ត្រូវជនមិនស្គាល់អត្តសញ្ញាណមួយក្រុមព្រួតកាប់...

ពិធី ប្រកាសមុខតំណែង និងបំពាក់ឋានន្តរសក្តិមន្ត្រីពន្ធនាគារ ខេត្តកំពង់ចាម នៃអគ្គនាយកដ្ឋានពន្ធនាគារ ក្រសួងមហាផ្ទៃ

 ត្បូងឃ្មុំ៖ ក្រសួងមហាផ្ទៃ ជំរុញឲ្យអាជ្ញាធរ ខេត្តកំពង់ចាម រកទីតាំងធ្វើ ពន្ធនាគារថ្មី ដោយពន្ធនាការ ចាស់ត្រូវកាត់ចូល ឲ្យទៅខេត្តត្បូងឃ្មុំ ហើយនោះ  រីឯថវិកាសាងសង់ បើក្រសួងតំរូវ ឲ្យខេត្តត្បូងឃ្មុំ កសាងពន្ធនាគារថ្មី ត្រូវយកថវិកានោះ មកសាងសង់ ពន្ធនាគារថ្មី របស់ខេត្តកំពង់ចាម វិញ ។

អាន​បន្ត៖ ពិធី ប្រកាសមុខតំណែង និងបំពាក់ឋានន្តរសក្តិមន្ត្រីពន្ធនាគារ ខេត្តកំពង់ចាម...

ពិធីផ្សព្វផ្សាយការអនុវត្តច្បាប់ ស្តីពីអន្តោប្រវេសន៍ និងផែនការលេខ០១០ ចុះថ្ងៃទី២៣ ខែមីនា ឆ្នាំ២០១៥ របស់ក្រសួងមហាផ្ទៃ ខេត្តត្បូងឃ្មុំ

ត្បូងឃ្មុំ៖ ក្រសួងមហាផ្ទៃ ជំរុញឲ្យកម្លាំង នគរបាល ការពារព្រំដែន ឲ្យយកចិត្តទុកដាក់ ពង្រឹងគោលជំហរ និងស្មារតីទទួល ខុសត្រូវថែរក្សា ការពារសន្តិសុខ សណ្តាប់ធ្នាប់ បូរណៈភាពទឹកដី អធិបតេយ្យភាព សំដៅទប់ស្កាត់ ការឆ្លងកាត់ ព្រំដែនខុសច្បាប់ និងត្រូវលុបបំបាត់ នូវគ្រប់ច្រករបៀង ។

អាន​បន្ត៖ ពិធីផ្សព្វផ្សាយការអនុវត្តច្បាប់ ស្តីពីអន្តោប្រវេសន៍ និងផែនការលេខ០១០...

ឯកឧត្ដម ប្រាជ្ញ ចន្ទ និងលោកជំទាវ រួមជាមួយមន្ត្រីរាជការ ខេត្តត្បូងឃ្មុំ អញ្ជើញកាន់បិណ្ឌទី៣ វត្តសេតហត្ថី(ដំរិល) ស្ថិតនៅស្រុក អូររាំងឪ

 ត្បុងឃ្មុំ៖ ថ្ងៃពុធ ៣រោច ខែភទ្របទ ព.ស ២៥៥៩ ត្រូវនឹង ថ្ងៃទី៣០ ខែកញ្ញា ឆ្នាំ២០១៥ គឺជាថ្ងៃប្រារព្ធ ពិធីកាន់បិណ្ឌវេណទី៣ ទៅតាមទំនៀមទំលាប់ ប្រពៃណី ព្រះពុទ្ធសាសនា ។

អាន​បន្ត៖ ឯកឧត្ដម ប្រាជ្ញ ចន្ទ និងលោកជំទាវ រួមជាមួយមន្ត្រីរាជការ ខេត្តត្បូងឃ្មុំ...

ពិធីប្រកាសបិទផ្សាយ ទិន្នន័យជាសាធារណៈ នូវឯកសារនៃការវិនិច្ឆ័យដីធ្លី លក្ខណៈជាប្រព័ន្ធចំនួន ១០ភូមិ នៅក្នុងឃុំអំពិលតាពក ស្រុកអូរាំងឪ ខេត្តត្បូងឃ្មុំ

ត្បូងឃ្មុំ ៖  បញ្ហាទំនាស់ដីធ្លី ជាកង្វល់ របស់រាជរដ្ឋាភិបាល ក៏ដូចជាអាជ្ញាធរ មូលដ្ឋានត្រូវ ដោះស្រាយ ហើយដើម្បីឲ្យ ផុតនូវតំណោះ ស្រាយ បញ្ហានេះ រាជរដ្ឋាភិបាល បានរៀបចំក្រុមកាងារ សុរិយាដី ដើម្បីធ្វើការ វាស់វែងដីធ្លី ជូនប្រជាពលរដ្ឋ ជាសាធារណៈ មានលក្ខណៈ ជាប្រព័ន្ធផងដែរ ។

អាន​បន្ត៖ ពិធីប្រកាសបិទផ្សាយ ទិន្នន័យជាសាធារណៈ នូវឯកសារនៃការវិនិច្ឆ័យដីធ្លី...

ផ្លែស្លាខ្ចីនៅខេត្តត្បូងឃ្មុំនាឆ្នាំនេះ មានទីផ្សារក្នុងស្រុកនិងក្រៅប្រទេស

 ត្បូងឃ្មុំ៖ ផ្លែស្លាខ្ចី និងស្លាចំណិត ហាលស្ងួត នៅខេត្តត្បូងឃ្មុំ កំពុងមានទីផ្សារ ក្នុងស្រុក និងនាំចេញ ទៅក្រៅប្រទេសនាឆ្នាំនេះ បានធ្វើឲ្យកសិករ មានការរីករាយ ដោយទទួលបាន ចំណូលច្រើនជាងមុន ។

អាន​បន្ត៖ ផ្លែស្លាខ្ចីនៅខេត្តត្បូងឃ្មុំនាឆ្នាំនេះ មានទីផ្សារក្នុងស្រុកនិងក្រៅប្រទេស

កិច្ចប្រជុំក្រុមការងារបង្ការ ទប់ស្កាត់នៃគណៈកម្មាធិការខេត្ត ប្រយុទ្ធប្រឆាំងអំពើជួញដូរមនុស្ស

ត្បូងឃ្មុំ ៖ នាថ្ងៃទី25 ខែកញ្ញា ឆ្នាំ2015 នៅមន្ទីរ ប់រំយុវជន និងកីឡាខេត្តត្បូងឃ្មុំ បានប្រារព្ធកិច្ច ប្រជុំក្រុមការងារ បង្ការ ទបស្គាត់នៃគណៈ កម្មាធិការខេត្ត ប្រយុទ្ធប្រឆាំងអំពើ ជួញដូរមនុស្ស

អាន​បន្ត៖ កិច្ចប្រជុំក្រុមការងារបង្ការ ទប់ស្កាត់នៃគណៈកម្មាធិការខេត្ត...

ព្រះរាជអាជ្ញា ដឹកនាំកម្លាំងនគរបាល បង្ក្រាបបទល្មើសនេសាទស្រុកក្រូចឆ្នារ

ត្បូងឃ្មុំ៖ នាពេលថ្មីៗនេះ លោកព្រះរាជអាជ្ញា ព្រះរាជអាជ្ញារង លោកក្រឡា បញ្ជីអយ្យកា និងលោកអធិការ បានដឹកនាំកម្លាំង នគរបាល ស្រុកក្រូចឆ្មារ ចុះបង្ក្រាបករណី បទល្មើសនេសាទ ការដាក់របាំងស្បៃមុង ចំណុចវាលបាយស្រា ស្ថិតក្នុងភូមិឈូក ឃុំឈូក ស្រុកក្រូចឆ្មារ ខេត្តត្បូងឃ្មុំ ។

អាន​បន្ត៖ ព្រះរាជអាជ្ញា ដឹកនាំកម្លាំងនគរបាល បង្ក្រាបបទល្មើសនេសាទស្រុកក្រូចឆ្នារ

ខណ្ឌរដ្ឋបាលជលផលប្រជុំផ្សព្វផ្សាយ បញ្ឈប់មិនឲ្យប្រជានេសាទ ចិញ្ចឹមត្រីរស់ ត្រីឆ្តោរ ក្នុងស្រុកក្រូចឆ្មារ

ត្បូងឃ្មុំ៖ នៅថ្ងៃទី២៣ ខែតុលា ឆ្នាំ២០១៥នេះ មានការជួបជុំបងប្អូនប្រជានេសាទ ដែលចិញ្ចឹមត្រីឆ្តោរ បណ្តែតតាមបែរ ចំណុចតាមទន្លេមេគង្គ តាមព្រែកពាមជីលាំង ស្ថិតឃុំកំពង់ទ្រាស ស្រុកក្រូចឆ្មារ ខេត្តត្បូងឃ្មុំ ។ ខណ្ឌរដ្ឋបាលជលផល បានប្រកាសជូនដំណឹង ដល់ប្រជានេសាទទាំងអស់ ត្រូវបញ្ឈប់ការចិញ្ចឹម ត្រីឆ្តោរ បើបងប្អូនប្រជានេសាទណា នៅតែបន្តចិញ្ចឹមលួចលាក់ទៀត ខណ្ឌនឹងអនុវត្តន៍ តាមសេចក្តីជូនដំណឹង របស់ក្រសួង ធ្វើដូចនេះ គឺដើម្បីធានាឲ្យត្រីធម្មជាតិ សំបូរឡើងវិញផង និងដើម្បីជួយលើកកម្ពស់ កំរិតជីវភាពប្រជាពលរដ្ ឋឲ្យបានប្រសើរឡើងថែមទៀត ។
លោក ម៉េង សុថៃ នាយរងខន្ឌរដ្ឋបាល ជលផលត្បូងឃ្មុំ បានថ្លែងថា យើងមានហេតុផល៣យ៉ាងធំៗ ទី១-ពូជយើងមិនទាន់ចេះផលិតបានខ្លួនឯង ទី២-បច្ចេកទេសក្នុងការចិញ្ចឹម នៅមានកំរិតនៅឡើយ និងទី៣-គឺ ចំណី ជាទូទៅយើងចាប់កូនត្រីតូចៗ យកមកដាក់ឲ្យស៊ី ដោយឡែក ប្រទេសគេជិតខាង គេមានកាកសំណល់សត្តឃាដ គេចេះច្នៃ ។ ក្រៅពី៣ចំណុចនេះ គាត់អាចពាក់ព័ន្ធនឹង បទល្មើសដងកូនត្រីធម្មជាតិ យកមកចិញ្ចឹម ។
លោក នាយរងខណ្ឌបានឲ្យដឹងទៀតថា ដោយផ្អែកតាមអាជ្ញាធរ គាត់បានសំណូមពរ សូមឲ្យទុកលទ្ធភាព ជូនប្រជាពលរដ្ឋផង យើងក៏បានពិនិត្យមើល ឃើញទិដ្ឋភាពជាក់ស្តែងដែរថា លទ្ធផលដែលចិញ្ចឹមបាន ដូចយើងឃើញរៀបអនុវត្តន៍នេះ គាត់បានចំណាយពេលវេលា ចំណាយទុនមួយចំនួន ពេលខ្លះគាត់ចងការប្រាក់យកមកចិញ្ចឹម ដោយផ្អែកតាមសំណូមពរអាជ្ញាធរផង ហើយទិដ្ឋភាពជាក់ស្តែង របស់ប្រជាពលរដ្ឋផង យើងទុកពេលបន្តិចដើម្បីសុំយោបល់ថ្នាក់លើបន្ថែម ប៉ុន្តែសេចក្តីជូនដំណឹងរបស់ក្រសួង នៅតែអនុវត្តន៍អីចឹង ត្រីតូចៗយើងបន្តចាក់លែង ត្រីធំៗ យើងដកឃ្លាបន្តិចសិន ដើម្បីសុំយោបល់បន្ថែម ។
លោក នាយរងបានបញ្ជាក់ទៀតថា ពាក់ព័ន្ធនឹងការចិញ្ចឹម ត្រីរស់ ត្រីឆ្តោរនេះ ល្គឹកណាមិនទាន់មានសេចក្តីណែនាំ ឬសេចក្តីជូនដំណឹងរបស់ក្រសួង អនុញ្ញាតឲ្យចិញ្ចឹមទេ គឺសូមបងប្អូនប្រជាពលរដ្ឋ ផ្អាកដាក់ចិញ្ចឹម ព្រោះការចិញ្ចឹមនេះ បងប្អូនប្រជាពលរដ្ឋខាត ព្រោះអីត្រីឆ្តោរ ធំ១គីឡូក្រាម វាត្រូវស៊ីនុយអស់៥គីឡូក្រាមជាមធ្យម បើយើងគិតកូនត្រី៥គីឡូក្រាម ឃើញថា រាប់ម៉ឺនក្បាល ស្មើនឹងរាប់ចូលសឹងតោនត្រី ។ ដើម្បីឲ្យត្រីធម្មជាតិសំបូរផង ដើម្បីលើកកម្ពស់កំរិតជីវភាព បងប្អូនប្រជាពលរដ្ឋផង សូមឲ្យគាត់ផ្អាក ចិញ្ចឹមជាបណ្តោះអាសន្ន រង់ចាំក្រសួង ក៏ដូចជារដ្ឋបាលជលផល សិក្សារកឃើញចំណីណា ឬក៏បច្ចេកទេសល្អជាង ពេលបច្ចុប្បន្ននេះ ក្រសួងនឹងអនុញ្ញាតឲ្យចិញ្ចឹមវិញហើយ ៕








ឯកឧត្តម ប្រាជ្ញ ចន្ទ ចែកអំណោយមនុស្សធម៍ កាកបាទក្រហមកម្ពុជា ជូនដល់ប្រជាពលរដ្ឋរងគ្រោះដោយខ្យល់កន្ត្រាក់ ចំនួន៤៧គ្រួសារ ក្នុងខេត្តត្បូងឃ្មុំ

ព្រឹកថ្ងៃទី២២ ខែកញ្ញា ឆ្នាំ២០១៥ ឯកឧត្តម ប្រាជ្ញ ចន្ទ អភិបាល នៃគណៈអភិបាលខេត្តត្បូងឃ្មុំ និងជាប្រធានកិត្តិយសសាខាកាកបាទក្រហមកម្ពុជា ប្រចាំខេត្តត្បូងឃ្មុំ និងលោកជំទាវ ព្រមទាំង ឯកឧត្តម លី ឡេង ប្រធានសាខាកាកបាទក្រហមខេត្ត និង ឯកឧត្តម អ៊ុយ សុធាវី អភិបាលរងខេត្ត អមដំណើរដោយ លោក លោកស្រី អនុសាខាកាកបាទក្រហម និងក្រុមការងារ បានចុះសួរសុខទុក្ខ និងនាំយកអំណោយ សាខាកាកបាទក្រហមកម្ពុជាខេត្ត ទៅចែកជូន ប្រជាពលរដ្ឋរងគ្រោះដោយខ្យល់កន្ត្រាក់ ចំនួន៤៧គ្រួសារ នៅសាលាបឋមសិក្សា ញឹម វណ្ណដា គងជ័យ ស្ថិតនៅភូមិជើងវត្ត ឃុំគងជ័យ ស្រុកអូររាំងឪ ។
លោក រស់ សាខន អភិបាលស្រុកអូររាំងឪ បានឲ្យដឹងថា៖ កាលពីពេលកន្លងទៅថ្មីៗ មានភ្លៀងលាយឡំជាមួយខ្យល់កន្រ្តាក់ បានបោកបក់មកលើផ្ទះប្រជាពលរដ្ឋ បណ្តាលឲ្យខូចខាតផ្ទះសម្បែង ចំនួន៤៧ខ្នង ដែលស្ថិតនៅក្នុងឃុំចំនួន៣ គឺឃុំគងជ័យ ឃុំទួលសុភី និងឃុំអំពិលតាពក ក្នុងស្រុកអូររាំងឪ ក្នុងនោះបណ្តាលឲ្យរលំផ្ទះទាំងស្រុង ចំនួន៦ខ្នង របើកជញ្ជាំង និងតំបូលផ្ទះធ្ងន់ធ្ងរ ចំនួន៦ខ្នង របើកជញ្ជាំង និងតំបូលផ្ទះស្រាល ចំនួន៣៥ខ្នង និងស្លាប់ម្នាក់ដោយសារផ្ទះរលំសង្កត់លើ នៅក្នុងឃុំគងជ័យ។
ឯកឧត្តម ប្រាជ្ញ ចន្ទ ប្រធានកិត្តិយសសាខា កាកបាទក្រហមកម្ពុជា ខេត្តត្បូងឃ្មុំ បានសម្តែងនូវការអាណិតអាសូរ ដល់ប្រជាពលរដ្ ឋដែលទទួលរងគ្រោះទាំងអស់ ក្នុងនាមអាជ្ញាធរខេត្ត សូមចូលរួម ចំណែក នូវទុក្ខលំបាកនេះ ព្រមទាំងបានពាំនាំនូវ ប្រសាសន៍ផ្ដាំផ្ញើ និងសួរសុខទុក្ខ ពីសំណាក់ប្រមុខ រាជរដ្ឋាភិបាលកម្ពុជា និងសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានសាខាកាកបាទក្រហមម្ពុជា ជូនចំពោះបង ប្អូនប្រជាពលរដ្ឋយើង ដែលជានិច្ចជាកាល សម្តេចតែងតែយកចិត្តទុកដាក់ ពីសុខទុក្ខបងប្អូនប្រជាពលរដ្ឋ ។
ឯកឧត្តម អភិបាលខេត្ត មានប្រសាសន៍ថា៖ កាកបាទក្រហមកម្ពុជា ក៏ដូចកាកបាទក្រហមកម្ពុជាខេត្ត តែងតែធ្វើសកម្មភាពមនុស្សធម៌ នៅគ្រប់ទីកន្លែងទាំងអស់ ឬអាចនិយាយថា ទីកន្លែងណា ដែលមានការលំបាក មានគ្រោះមហន្តរាយផ្សេងៗ ប្រជាពលរដ្ឋមានជីវភាពទីទ័លក្រ លំបាក តែងតែមានមុខកាកបាទក្រហមជានិច្ច ដើម្បីផ្ដល់ជូនទៅតាមលទ្ធភាព ។
ឯកឧត្តម ប្រធានកិត្តិយសសាខា កាកបាទក្រហមខេត្ត បានមានប្រសាសន៍បញ្ជាក់ថា៖ ចំពោះការផ្ដល់ជូន នាពេលនេះ ទោះបីពុំបានឆ្លើយតប ទៅនឹងតម្រូវការ សម្រាប់ជីវភាព បានយូរអង្វែង ប៉ុន្តែក៏ បានជួយសម្រាល ទុក្ខលំបាកខ្វះខាត បានមួយគ្រាផងដែរ ហើយសូមអោយបងប្អូនប្រជាពលរដ្ឋ ខិតខំប្រកបរបរ ទទួលទានចិញ្ចឹមជីវិត ដើម្បីអោយជីវភាពអ្នកទាំងអស់គ្នា នឹងបានប្រសើរឡើង ។
ឯកឧត្តម បានអំពាវនាវអោយបងប្អូន ប្រជាពលរដ្ឋទាំងអស់ សូមអោយមានការប្រុងប្រយ័ត្ន ពិសេសអ្នកដែលរស់នៅ ក្បែរមាត់ទន្លេ ត្រូវមានការប្រុងប្រយ័ត្នខ្ពស់ ទៅលើសុវត្ថិភាពកូន-ចៅ ព្រោះឥឡូវនេះទឹកទន្លេបានជន់ឡើងរៀងរាល់ថ្ងៃ ។
ចប់ប្រសាសន៍ សំណេះសំណាល គណៈអធិបតី ក៏បានចែកអំណោយ កាកបាទក្រហម ដែលនាំទៅចែកជូនប្រជាពលរដ្ឋដែលរងគ្រោះរួមមាន៖ គ្រួសាររលំផ្ទះទាំងស្រុង ចំនួន០៦គ្រួសារ មួយគ្រួសារៗទទួលបាន អង្ករ២៥គីឡូក្រាម ត្រីខ១ឡូ ទឹកស៊ីអ៊ីវ១យួរ ទឹកត្រី១យួរ អំបិល១គីឡូក្រាម ទឹកសុទ្ធ១កេស មី១កេស និងឃីតមួយកញ្ចប់មាន មុង១ ភួយ១ កន្ទេល១ ក្រម៉ា១ សារុង១ ម្សៅសាប៊ូ១គីឡូក្រាម ព្រមទាំងសំភារៈប្រើប្រាស់មួយចំនួនមានៈ ឆ្នាំងបាយ១ ធុងដាក់ទឹក១ ប៉ាតង់១ ព្រមទាំងថវិការចំនួន១០ម៉ឺនរៀល ចំនែកគ្រូសាររបើកជញ្ជាំង និងតំបូលផ្ទះខ្លះៗ ចំនួន៣៥គ្រួសារ មួយគ្រួសារៗ ទទួលបានទឹកសុទ្ធចំនួន១កេស ថវិការចំនួន៥ម៉ឺនរៀល និងគ្រូសាររបើកដំបូលផ្ទះធ្ងន់ធ្ងរ ចំនួន០៦គ្រួសារ មួយគ្រួសារៗ ទទួលបានទឹកសុទ្ធចំនួន១កេស ថវិការចំនួន១០ម៉ឺនរៀល និងគ្រួសារដែលស្លាប់ដោយសារផ្ទះរលំសង្កត់លើ ថវិការ៣០ម៉ឺនរៀល ៕

សាខាកាំកុងត្រូល ខេត្តត្បូងឃ្មុំ ចុះធ្វើការត្រួតពិនិត្យរកនំផលិតនៅប្រទេសអង់គ្លេស ដែលចម្លងបាក់តេរី Salmonella នៅផ្សារសួង

ត្បូងឃ្មុំ៖ តបតាមសេចក្តីជូនដំណឹង និងអនុសាសន៍ណែនាំពី ថ្នាក់ដឹកនាំ នៃអគ្គនាយកដ្ឋានកាំកុងត្រូល នាថ្ងៃទី២១ ខែកញ្ញា ឆ្នាំ ២០១៥ អគ្គនាយកដ្ឋានកម្ពុជា ត្រួតពិនិត្យទំនិញ នីហ័រណ-អាហ័រណ និងបង្ក្រាបការក្លែងបន្លំ “កាំកុងត្រូល” សាខាកាំកុងត្រូល ប្រចាំខេត្តត្បូងឃ្មុំ មន្ត្រីសាខាកាំកុងត្រូល ប្រចាំខេត្តត្បូងឃ្មុំ ដែលដឹកនាំដោយលោក មាស មោរ៉ា ប្រធានសាខាកាំកុងត្រូល បានសហការណ៍ជាមួយមន្ទីរពាណិជ្ជកម្ម និងគណៈកម្មការផ្សារ បានចុះធ្វើការអង្កេតទំនិញនៅផ្សារសួង ដែលស្ថិតនៅសង្កាត់សួង ក្រុងសួង ខេត្តត្បូងឃ្មុំ ។

លោក មាស មោរ៉ា បានឲ្យដឹងថា ៖ គោលបំណងនៃការចុះអង្កេតនេះ ដោយផ្អែកទៅលើសេចក្តីជូនដំណឹងរបស់អគ្គនាយកដ្ឋាន កាំកុងត្រូល ស្តីអំពីវត្តមានបាក់តេរី Salmonella នៅក្នុងនំសូកូឡា (wafers Atkins Edulge ChocolateBreak) ដែលនាំចូលដោយក្រុមហ៊ុន Atkins International BV របស់ប្រទេសអង់គ្លេស និងផ្អែកលើអនុសាសន៍ណែនាំរបស់ ឯកឧត្តមប្រតិភូរាជរដ្ឋាភិបាល ទទួលបន្ទុកជាអគ្គនាយកកាំកុងត្រូល អោយប្រមូលចេញពីទីផ្សារ។

ជាលទ្ធផល នៃការចុះត្រួតពិនិត្យ ពុំបានប្រទះឃើញមាន ទំនិញនំសូកូឡា ប្រភេទនេះ លក់នៅលើទីផ្សារទេ ។
ហើយជាមួយគ្នានេះដែរ ដើម្បីថែរក្សាសុខុមាលភាពប្រជាជន មន្ត្រីកាំកុងត្រូលក៍បានធ្វើតេស្តបឋម រកសារធាតុគីមីហាមឃាត់មួយចំនួន ដែលធ្វើអោយប៉ះពាល់ដល់សុខភាពប្រជាជនដូចជាៈ សារធាតុ Formalin Sodium Hydrosulfite, Borax, Salicylic Acid ដែលសារធាតុទាំងនោះ បណ្តាលអោយ ឈឺពោះ ក្អួតរាគរួស និងធ្វើអោយពិបាកក្នុងការដកដង្ហើម ។
ហើយការធ្វើតេស្តបឋមនេះ គឺធ្វើទៅលើ ទឹកត្រាំមឹក និងបង្គា ដើម្បីរកសារធាតុហាមឃាត់ Formalin និងធ្វើតេស្តទៅលើ សណ្តែកបណ្តុះ ដើម្បីរកសារធាតុ Sodium Hydrosulfite តែជាលទ្ធផលពុំមានសារធាតុខាងលើនោះទេ។

លោក មាស មោរ៉ា ក៏បានធ្វើការណែនាំ អោយអ្នកលក់យកចិត្តទុកដាក់ ក្នុងការដាក់តាំងលក់ទំនិញ ដោយជៀសវាងនូវរាល់ ការដាក់តាំងលក់នូវទំនិញ ដែលគ្មានប្រភពច្បាស់លាស់ គ្មានស្លាកសញ្ញា ត្រឹមត្រូវ ជាពិសេស ហួសកាលបរិច្ឆេទប្រើប្រាស់ ៕

ខណ្ឌរដ្ឋបាលជលផលប្រជុំផ្សព្វផ្សាយ បញ្ឈប់មិនឲ្យប្រជានេសាទ ចិញ្ចឹមត្រីរស់ ត្រីឆ្តោរ ក្នុងស្រុកក្រូចឆ្មារ

ត្បូងឃ្មុំ៖ នៅថ្ងៃទី២៣ ខែតុលា ឆ្នាំ២០១៥នេះ មានការជួបជុំ បងប្អូនប្រជានេសាទ ដែលចិញ្ចឹមត្រីឆ្តោរ បណ្តែតតាមបែរ ចំណុចតាម ទន្លេមេគង្គ តាមព្រែក ពាមជីលាំង ស្ថិតឃុំ កំពង់ទ្រាស ស្រុកក្រូចឆ្មារ ខេត្តត្បូងឃ្មុំ ។

អាន​បន្ត៖ ខណ្ឌរដ្ឋបាលជលផលប្រជុំផ្សព្វផ្សាយ បញ្ឈប់មិនឲ្យប្រជានេសាទ ចិញ្ចឹមត្រីរស់...

ឃាត់ខ្លួនជនសង្ស័យម្នាក់ បញ្ជូនទៅសាលាដំបូងខេត្តត្បូងឃ្មុំ

ត្បូងឃ្មុំ៖ កម្លាំងជំនាញ របស់អធិការនគរបាល ស្រុកមេមត់ និងកម្លាំងការិយាល័យ ជំនាញខេត្តត្បូងឃ្មុំ ប្រចាំទិស ស្រុកមេមត់ បានចុះល្បាត ត្រួតពិនិត្យ នៅល្ងាចថ្ងៃទី២១ ខែកញ្ញា ឆ្នាំ២០១៥

អាន​បន្ត៖ ឃាត់ខ្លួនជនសង្ស័យម្នាក់ បញ្ជូនទៅសាលាដំបូងខេត្តត្បូងឃ្មុំ

កិច្ចប្រជុំស្តីពី ការប៉ាន់ប្រមាណសមត្ថភាពស្ថាប័ន (បូកា) ដោយរួមបញ្ចូលជាមួយ លក្ខណវិនិច្ឆ័យសាខាមានដំណើរការល្អ

ត្បូងឃ្មុំ ៖ ព្រឹកថ្ងៃទី ២២ ខែកញ្ញា ឆ្នាំ២០១៥ នៅសាលប្រជុំ មន្ទីរមន្ទីរសុខាភិបាល ខេត្តត្បូងឃ្មុំ  បានប្រារព្ធកិច្ចប្រជុំស្តីពី ការប៉ាន់ប្រមាណ សមត្ថភាព ស្ថាប័ន (បូកា) ដោយរួមបញ្ចូលជាមួយ លក្ខណវិនិច្ឆ័យ សាខាមាន ដំណើរការល្អ  

អាន​បន្ត៖ កិច្ចប្រជុំស្តីពី ការប៉ាន់ប្រមាណសមត្ថភាពស្ថាប័ន (បូកា) ដោយរួមបញ្ចូលជាមួយ...

ប្រជាពលរដ្ឋភូមិទំពាំងបង្កង់ លើកគ្នាមកតវ៉ា នៅសាលាខេត្ត សូមឲ្យអជ្ញាធរខេត្ត មេត្តាជួយដោះស្រាយដីទំនាស់១កន្លែង ដែលត្រូវបានគេរំលោភ កាន់កាប់ធ្វើជាកម្មសិទ្ធិ

 ត្បូងឃ្មុំ៖  នៅព្រឹកថ្ងៃទី២២ ខែកញ្ញា ឆ្នាំ២០១៥នេះ ក្រុមប្រជាពលរដ្ឋ មកពីភូមិទំពាំង បង្កង់ឃុំ អំពិលតាពក ស្រុកអូរាំងឪ បានលើកគ្នា មកតវ៉ាដល់ សាលាខេត្ត

អាន​បន្ត៖ ប្រជាពលរដ្ឋភូមិទំពាំងបង្កង់ លើកគ្នាមកតវ៉ា នៅសាលាខេត្ត សូមឲ្យអជ្ញាធរខេត្ត...

ឯកឧត្តម ប៊ិន ឈិន អញ្ជើញជាអធិបតីក្នុងពិធីផ្សព្វផ្សាយ គោលការណ៍សំខាន់ៗនៃច្បាប់ស្តីពី ច្បាប់រដ្ឋធម្មនុញ្ញ វិសោធនកម្មមាត្រា៧៦ នៃរដ្ឋធម្មនុញ្ញ និងការបង្កើតជំពូកទី១៥ថ្មី នៃរដ្ឋធម្មនុញ្ញ ច្បាប់ស្តីពីការរៀបចំនិងការប្រព្រឹត្តទៅនៃ គណៈកម្មាធិការជាតិរៀបចំការបោះឆ្នោត ន

ត្បូងឃ្មុំ៖ ព្រឹកថ្ងៃទី ២០ ខែកញ្ញា ឆ្នាំ២០១៥ នៅខេត្តត្បូងឃ្មុំ បានប្រារព្ធពិធីផ្សព្វផ្សាយ គោលការណ៍សំខាន់ៗនៃច្បាប់ ស្តីពីច្បាប់រដ្ឋធម្មនុញ្ញ វិសោធនកម្មមាត្រា៧៦ នៃរដ្ឋធម្មនុញ្ញ និងការបង្កើតជំពូកទី១៥ថ្មី នៃរដ្ឋធម្មនុញ្ញ ច្បាប់ស្តីពីការរៀបចំ និងការប្រព្រឹត្តទៅនៃ គណៈកម្មាធិការជាតិ រៀបចំការបោះឆ្នោត និងច្បាប់ស្តីពីការបោះឆ្នោត ជ្រើសតាំងតំណាងរាស្ត្រ ក្រោមអធិបតីភាពដ៍ខ្ពង់ខ្ពស់ ឯកឧត្តម ឧបនាយករដ្ឋមន្ត្រី ប៊ិន ឈិន ប្រធានអាជ្ញាធរជាតិ ដោះស្រាយទំនាស់ដីធ្លី  ។

អង្គពិធីបានប្រព្រឹត្តិទៅដោយមានការ អញ្ជើញចូលរួមពី ឯ.ឧ ជា សុផារ៉ា រដ្ឋមន្ត្រីក្រសួងអភិវឌ្ឍន៍ជនបទ និងជាប្រធានក្រុមការងារ ថ្នាក់ជាតិចុះជួយ ខេត្តត្បូងឃ្មុំ ឯ.ឧ វេង សាខុន រដ្ឋលេខាធិការក្រសួងធនធានទឹក និងឧត្តុនិយម ឯ.ឧ ឡាន់ ឆន ប្រធានក្រុមប្រឹក្សាខេត្ត ឯ.ឧ ប្រាជ្ញ ចន្ទ អភិបាល នៃ គណៈអភិបាលខេត្តត្បូងឃ្មុំ ឯកឧត្តម លោកជំទាវ សមាជិកសមាជិការ ក្រុមប្រឹក្សាខេត្ត និងអភិបាលរងខេត្ត ឯកឧត្តម លោកជំទាវ លោក លោកស្រី មកពីបណ្តាក្រសួង ស្ថាប័ន ក្រុមការងារថ្នាក់ជាតិ ប្រចាំខេត្តត្បូងឃ្មុំ ថ្នាក់ដឹកនាំមន្ទីរ អង្គភាពជុំវិញខេត្ត មន្រ្តីរាជការតាមបណ្តាការិយាល័យ លោកគ្រូអ្នកគ្រូ មន្ត្រីនគរបាល កងរាជអាវុធហត្ថ និងបណ្តាថ្នាក់ដឹកនាំស្រុក អាជ្ញាធរភូមិ-ឃុំ ក្នុងខេត្តត្បូងឃ្មុំ សរុបជាង ១៧០០នាក់ ។

ឯកឧត្តម ប្រាជ្ញ ចន្ទ អភិបាល នៃគណៈអភិបាលខេត្តត្បូងឃ្មុំ បានធ្វើរបាយការណ៍ អំពីការអនុវត្តន៍គោលការ នយោបាយ ភូមិ-ឃុំ មានសុវត្ថិភាពរបស់រាជរដ្ឋាភិបាល បានធ្វើអោយសន្តិសុខសណ្តាប់ធ្នាប់សាធារណៈ នៅទូទាំងខេត្ត មានភាពល្អប្រសើរ និងលើកវិធានការបង្ក្រាប ទប់ស្កាត់ផ្សេងៗដូចជា៖ ល្បែងស៊ីសងគ្រប់ប្រភេទ និងគ្រឿងញៀនជាដើម ។ ក្រៅពីនេះ ខេត្តបាន ជម្រុញការកសាងហេដ្ឋារចនាសម្ព័ន្ធ ជាពិសេស អគាររដ្ឋបាលសាលាខេត្តត្បូងឃ្មុំ ។

តមក ឯកឧត្តម ឧបនាយករដ្ឋមន្ត្រី ប៊ិន ឈិន បញ្ជាក់ជូនអំពីការផ្សព្វផ្សាយ គោលការណ៍សំខាន់ៗ នៃច្បាប់ទាំង៣ខាងលើ ច្បាប់រដ្ឋធម្មនុញ្ញដែលសំដៅ កែប្រែរដ្ឋធម្មនុញ្ញ ដែលខុសពីច្បាប់រដ្ឋធម្មនុញ្ញបន្ថែមដែលបានអនុម័ត នៅថ្ងៃទី១៣ ខែកក្កដា ឆ្នាំ២០០៤ ដែលអនុញ្ញាតនៅដើម នីតិកាលនីមួយៗ អោយមានការបោះឆ្នោតជាកញ្ចប់ រៀបចំរាជរដ្ឋាភិបាល និងរដ្ឋសភានៅពេលជាមួយគ្នា ។

ឯកឧត្តម ឧបនាយករដ្ឋមន្ត្រី មានប្រសាសន៍បញ្ជាក់ថា៖ ច្បាប់ស្តីពីការរៀបចំ និងការប្រព្រឹត្តទៅនៃ គណៈកម្មាធិការជាតិ រៀបចំការបោះឆ្នោត និងច្បាប់ស្តីពីការបោះឆ្នោត ជ្រើសតាំងតំណាងរាស្ត្រ បន្ទាប់ពីមានកិច្ចព្រមព្រៀង នៅថ្ងៃទី២២ ខែកក្កដា ឆ្នាំ២០១៤ រវាងគណបក្សប្រជាជនកម្ពុជា និងគណបក្សសង្គ្រោះជាតិ ដែលនៅក្នុងនោះ ច្បាប់ស្តីពីការរៀបចំ និងការប្រព្រឹត្តទៅនៃ គណៈកម្មាធិការជាតិ រៀបចំការបោះឆ្នោត ដែលរួមមានចំនួន ៧ជំពូក និង៦៦មាត្រា ដោយបានបញ្ជាក់ជូនថា៖ ច្បាប់នេះមានគោលដៅ ដើម្បីរៀបចំចាត់ចែង និងគ្រប់គ្រងការបោះឆ្នោត ជ្រើសតាំងសមាជិកព្រឹទ្ធសភា និងការបោះឆ្នោត ជ្រើសរើសតំណាងរាស្ត្រ ព្រមទាំងការបោះឆ្នោតផ្សេងៗទៀត តាមការកំណត់នៃច្បាប់ ។ ច្បាប់នេះតម្រូវអោយ គណៈកម្មាធិការជាតិ រៀបចំការបោះឆ្នោត ត្រូវអនុវត្តសមត្ថកិច្ចរបស់ខ្លួន ដោយឯករាជ្យ និងអព្យាក្រឹត្យ ដើម្បីធានាអោយការបោះឆ្នោត ប្រព្រឹត្តិទៅដោយសេរី ត្រឹមត្រូវ និងយុត្តិធម៍ ស្របតាមគោលការណ៍ នៃលទ្ធិប្រជាធិបតេយ្យ សេរីពហុបក្ស ។

រីឯច្បាប់ស្តីពីការបោះឆ្នោត ជ្រើសតាំងតំណាងរាស្រ្ត គឺមានគោលដៅកំណត់បែបបទ និងការប្រព្រឹត្តទៅនៃការបោះឆ្នោត ជ្រើសតាំងតំណាងរាស្រ្ត ដែលជាសមាជិករដ្ឋសភា នៃព្រះរាជាណាចក្រកម្ពុជា ។ ច្បាប់នេះរួមមាន ១២ជំពូក និង ១៧១មាត្រា ដែលក្នុងខ្លឹមសារនៃជំពូកទី១ ដល់ជំពូកទី១២ បានចែងលម្អិតអំពីរបៀបរបប នៃការបោះឆ្នោត ជ្រើសតាំងតំណាងរាស្ត្រ ត្រូវអនុវត្តតាមគោលការណ៍លទ្ធិប្រជាធិបតេយ្យ សេរីពហុបក្ស និងត្រូវប្រព្រឹត្តដោយសេរី ត្រឹមត្រូវ និងយុត្តិធម៍ ។

ឯកឧត្តម ឧបនាយករដ្ឋមន្ត្រី ប៊ិន ឈិន បញ្ជាក់បន្ថែមថា៖ ច្បាប់ដែលបានធ្វើការឧបទ្ទេសនាមនេះ គឺមានចែងអំពីបទប្បញ្ញត្តិទូទៅ ទាក់ទងទៅនឹង ការកំណត់ថ្ងៃបោះឆ្នោត ដោយនាយករដ្ឋមន្ត្រី និងអាណត្តិនៃការបោះឆ្នោត ជ្រើសតាំងតំណាងរាស្ត្រ អំពីប្រព័ន្ធបោះឆ្នោត អំពីការកំណត់ចំនួនអសនៈ អំពីភ្នាក់ងារគណបក្សនយោបាយ អំពីអ្នកសង្កេតការណ៍បោះឆ្នោត ការចុះបញ្ជីរបស់គណបក្សនយោបាយ ឈរឈ្មោះបោះឆ្នោត និងបញ្ជីបេក្ខជនឈរឈ្មោះ ដែលបានចែងអំពី លក្ខណៈសម្បត្តិ របស់បេក្ខជនឈរឈ្មោះ ។ ក្នុងខ្លឹមសារនៃច្បាប់នេះផងដែរ គឺបានចែងអំពីទោសប្បញ្ញត្តិ ដែលរួមមានចំនូន ២៦មាត្រា និងអន្តរប្បញ្ញត្តិមាន ៣មាត្រា ព្រមទាំងអវសានប្បញ្ញត្តិ

ច្បាប់ដែលបានធ្វើបទឧទ្ទេសនាមខាងលើនេះ ឯកឧត្តម ឧបនាយករដ្ឋមន្ត្រី បានណែនាំអោយសមាជិក សមាជិកា អង្គពិធីទាំងមូល ត្រូវយកចិត្តទុកដាក់ស្វែងយល់ និងធ្វើការផ្សព្វផ្សាយបន្តជូនថ្នាក់ក្រោម និងប្រជាពលរដ្ឋ ដើម្បីអោយបានយល់ដឹង អោយកាន់តែច្បាស់លាស់ថែមទៀត ៕













ឯកឧត្តម កែវ ពិសិដ្ឋ តំណាងរាស្ត្រខេត្តកំពង់ចាម ដឹកនាំគ្រូពេទ្យស្ម័គ្រចិត្ត ព្យាបាលជំងឺជូនប្រជាពលរដ្ឋដោយមិនគិតថ្លៃ

ត្បូងឃ្មំ៖ ដោយមានកិច្ចសហការពីសហគ្រាសផលិតឱសថ (EPHAC) នាព្រឹកថ្ងៃទី១៩ ខែកញ្ញា ឆ្នាំ២០១៥នេះ ឯកឧត្តម កែវ ពិសិដ្ឋ អ្នកតំណាងរាស្ត្រមណ្ឌលកំពង់ចាម និងក្រុមការងារ បានដឹកនាំគ្រូពេទ្យស្ម័គ្រចិត្តសម្តេចអគ្គមហាពញាចក្រី ហេង សំរិន ប្រធានរដ្ឋសភា ចុះព្យាបាលជំងឺជូនប្រជាពលរដ្ឋ ដែលមកពីឃុំចំនួនបី គឺឃុំជប់ ឃុំមង់រៀវ និងឃុំជីរោទ៍២ ចំនួន១០០០នាក់ ដោយមិនគិតថ្លៃ ដែលពិធីព្យាបាលសុខភាពជូនប្រជាជននេះ បានប្រព្រឹត្តទៅក្នុងបរិវេណសាលាបឋមសិក្សាទួលទ្រា ភូមិទួលទ្រាត្បូង ឃុំជប់ ស្រុកត្បូងឃ្មុំ ខេត្តត្បូងឃ្មុំ។

មានមតិសំណេះសំណាលជាមួយប្រជាពលរដ្ឋនាឱកាសនោះ អ្នកតំណាងរាស្ត្រឯកឧត្តម កែវ ពិសិដ្ឋ ក្នុងនាមសម្តេចអគ្គមហាពញាចក្រី ហេង សំរិន ប្រធានរដ្ឋសភា បានពាំនាំនូវការសាកសួរសុខទុក្ខពីសំណាក់ថ្នាក់ដឹកនាំកម្ពុជា មានសម្តេចអគ្គមហាពញាចក្រី ហេង សំរិន ប្រធានរដ្ឋសភា សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ដែលលោកតែងតែគិតគូរពីសុខទុក្ខរបស់ប្រជាពលរដ្ឋជានិច្ច។

ឯកឧត្តមបញ្ជាក់ថា ថ្ងៃនេះដោយមើលឃើញពីបញ្ហាសុខភាពប្រជាពលរដ្ឋជាបញ្ហាសំខាន់ ក្រុមគ្រូពេទ្យស្ម័គ្រចិត្តរបស់សម្តេចចក្រី ហេង សំរិន បានចុះមកព្យាបាលសុខភាព ជូនបងប្អូនប្រជាពលរដ្ឋក្នុងមូលដ្ឋាននេះ ដោយផ្លាល់ដោយមិនគិតថ្លៃ ដែលនេះបានបង្ហាញឲ្យឃើញពីការយកចិត្តទុកដាក់របស់ថ្នាក់ដឹកនាំកម្ពុជាយើង។ ជាក់ស្តែងនេះជាវប្បធម៌ចែករំលែកដែលគណបក្សប្រជាជនកម្ពុជាធ្លាប់បានធ្វើកន្លងមក។

ឯកឧត្តមតំណាងរាស្ត្រ ក៏បានផ្តាំផ្ញើដល់ប្រជាពលរដ្ឋកុំឲ្យឆាប់ ជឿតាមឃោសនារបស់អ្នកដ៏ទៃ ដោយលើកពីបញ្ហានេះបញ្ហានោះ ដូចថ្មីៗមកនេះលើកពីបញ្ហាព្រំដែន បញ្ហារើសអើងនៅក្នុងសង្គមរបស់បក្សប្រឆាំង ដែលនាំឱ្យមានការភ័ណច្រឡំ ដែលយើងត្រូវគិតឱ្យបានវែងឆ្ងាយនោះ។ ឯកឧត្តមជឿជាក់ថា បងប្អូននឹងចេះគិត ពិចារណានាពេលខាងមុខថាតើគណបក្សណា ដែលផ្តល់សេចក្តីសង្ឃឹមជូនបងប្អូន។ ឯកឧត្តមក៏បានជំរាបជូនថា សព្វថ្ងៃរាជរដ្ឋាភិបាលកម្ពុជាយើង លោកមានការខិតខំប្រឹងប្រែងណាស់ ដើម្បីប្រទេសជាតិមានការរីកចម្រើន ជីវភាពប្រជាជនត្រូវបានកាត់បន្ថយ។ ទន្ទឹមនឹងនោះរាជរដ្ឋាភិបាល បានកំពុងពង្រឹងការអនុវត្តច្បាប់ ដែលយើងទាំងអស់គ្នាក៏ត្រូវគោរពច្បាប់ផងដែរ។

ឯកឧត្តមក៏បានកោតសរសើរដល់ក្រុមគ្រូពេទ្យស្ម័គ្រចិត្តសម្តេចចក្រី ប្រធានរដ្ឋសភា ដែលបានយកអស់កម្លាំងកាយចិត្ត មិនមែនតែនៅក្នុងមូលដ្ឋាននេះទេ គឺក្រុមគ្រូពេទ្យស្ម័គ្រចិត្ត តែងមានសកម្មភាពជាប់ជានិច្ចនៅក្នុងមូលដ្ឋានខេត្តកំពង់ចាម ក៏ដូចជានៅក្នុងត្បូងឃ្មុំយើងនេះ ហើយនេះគឺជាឱកាសមួយ ដែលថ្នាក់ដឹកនាំគណបក្សប្រជាជនកម្ពុជា បានផ្តល់នូវសេវាសាធារណៈជូនប្រជាពលរដ្ឋឱ្យបានល្អប្រសើរ ជាពិសេសលើការថែទាំសុខភាព។ ហើយការផ្តល់សេវាសុខភាពជូនប្រជាពលរដ្ឋពិតជាសំខាន់ណាស់ ក្នុងនាមតំណាងរាស្ត្រ ឯកឧត្តម ក៏សូមឱ្យអាជ្ញាធរយកចិត្តទុកដាក់ ផ្តល់សេវាសុខភាពជូនប្រជាពលរដ្ឋ ប្រកបដោយសីលធម៌ កុំឱ្យមានការរសអើងនាំឱ្យមានសតិអារម្មណ៍្រដល់ប្រជាពលរដ្ឋ។

ឆ្លៀតក្នុងឱកាសនោះដែរឯកឧត្តម កែវ ពិសិដ្ឋ ក៏បាននាំយកថវិកាចំនួន ៤លានរៀលឧបត្ថម្ភជូនដល់ក្រុមគ្រូពេទ្យស្ម័គ្រចិត្តសម្តេចចក្រី សម្រាប់ដោះស្រាយការខ្វះខាត ក្នុងក្រុមការងារ ព្រមទាំងឧបត្ថម្ភសាលាស្រុកត្បូងឃ្មុំនូវថ្នាំពេទ្យ និងទូរថ្នាំចំនួន០២ និងថវិកា ១លានរៀល ឧបត្ថម្ភសាលាឃុំជប់ សាលាឃុំ មង់រៀវ សាលាឃុំជីរោទ៍ទី២ នូវថ្នាំពេទ្យ ទូរដាក់ថ្នាំចំនួន ០១ និងថវិកា២០ម៉ឺនរៀល ក្នុងមួយឃុំ និងឧបត្ថម្ភថវិកាមួយចំនួនដល់កំលាំងការពារផងដែរ៕

 

ផ្សារក្រុងសួង នៅតែលក់លើផ្លូវដដែល អាជ្ញាធររៀបចំសណ្តាប់ធ្នាប់ដូចភ្លើងចំបើង

ត្បូងឃ្មុំ៖ លោក អភិបាលរងក្រុងសួង បានថ្លែងថា ការរៀបចំសណ្តាប់ធ្នាប់ ផ្សារក្រុងសួង វាមិនខុសពីការវែកចកនោះទេ ដោយសារអត្រាភាគរយ ប្រជាពលរដ្ឋកើនឡើងជាលំដាប់ ពីមួយឆ្នាំទៅមួយឆ្នាំ ផ្សារនេះលក់តាំងពី ឆ្នាំ១៩៨០ជាងមកម្លេះ កាលណោះមនុស្សតិច បច្ចុប្បន្នមនុស្សច្រើន ផ្សារតូច បណ្តាលឲ្យចង្អៀត អាចលក់ដូរនៅលើចំណីថ្នល់ ចៀសមិនផុត អាជ្ញាធរមានវិធានការ រៀបចំជាប្រចាំដែរ ៣សប្តាហ៍រៀបចំម្តង នៅពេលកម្លាំងដកចេញ ពួកគាត់លក់វិញដដែល យើងគ្មានទីតាំងផ្សារផ្សេងពីនេះទេ សម្រាប់ជួយរំលែក ការលក់ដូររបស់អាជីវករ វាអាចកកស្ទះពេលព្រឹក ម៉ោង៩ ទៅ១០ព្រឹក អស់ប្រជាពលរដ្ឋទិញម្ហូបអារហារ វាទូលាយវិញ មានលក្ខណៈជាផ្សារក្រមួន ។

អាជិវករ លក់ត្រី សាច់ជ្រូក សាច់គោ ខាងក្នុងផ្សារ បាននិយាយត្រង់ៗថា  ផ្សារនេះមិនមានការរៀបចំសណ្តាប់ធ្នាប់ ឲ្យបានត្រឹមត្រូវ មានរបៀបរៀបរយនោះទេ ទោះបីបងប្អូនអាជីវករមួយចំនួនធំ បានចេញលក់ដូរទៅខាងក្រៅផ្សារ យ៉ាងណាក៏ដោយ ក៏គ្មានវិធានការទប់ស្កាត់អ្វីដែរ មានបញ្ហាជាច្រើន ជាពិសេស ការកកស្ទះលូបង្ហូរទឹក ផ្លូវចង្អៀតដោយក្រុមអាជីវករលក់ដូ ររំលោភមកលើចំណីផ្លូវ យ៉ាងអាណាធិបតេយ្យ អ្នកយកភាស៊ី យកលើសសៀវភៅបន្ទុក ពី៤០០រយរៀល ទៅដល់២០០០រៀលឯណោះ ផ្ញើម៉ូតូ១គ្រឿង យក១០០០រៀលដាច់ លើសសៀវភៅបន្ទុកកំណត់ឲ្យ យកតែ៥០០រៀលតែប៉ុណ្ណោះ ។

លោក ជា ណារ៉ុន អភិបាលរងក្រុងសួង បានបញ្ជាក់ត្រង់ៗថា ក្រុមអាជីវករពិតជាបានលក់ដូរ នៅលើដីចំណីផ្លូវមែន ពេលកម្លាំងសមត្ថកិច្ចចុះរៀបចំ បានមួយ១ថ្ងៃ ២ថ្ងៃ គាត់នាំគ្នាលក់វិញដដែល រឿងបញ្ហាខាងភាស៊ីផ្សារ កំណត់យកលើសសៀវភៅបន្ទុកនោះ បើមានមែន ចាំកាត់ហៅអ្នកវិនិយោគផ្សារ មកសួរនាំ ហើយកំណត់ឲ្យ យកតាមសៀវភៅបន្ទុកវិញ ជាគោលការណ៍ក្រុង នឹងចាត់វិធានការរៀបចំសណ្តាប់ធ្នាប់២ ទៅ៣សប្តាហ៍ កម្លាំងរៀបចំម្តង ហើយក៏មិនស្រួលដូចបកចេកដែរ ព្រោះដោយសារ កំណើនប្រជាពលរដ្ឋច្រើន មិនតុល្យភាព ទៅនឹងផ្សារដែលមានទំហំតូច ។

លោក ដែត មេការវិនិយោគផ្សារក្រុងសួង បានបញ្ជាក់យ៉ាងមុតៗថា មានបុគ្គលិកផ្សារ ដើរយកភាស៊ីលើសពីសៀវភៅបន្ទុក អាចមានមែន ពី២០០០រៀល ទៅ៣០០០រៀល តែមិនមែនបុគ្គលិកគាត់យកទេ គឺអ្នកលក់ដូរត្រីទាំងនោះឲ្យ ជាមនោសញ្ចេតនាទេ ហើយរឿងអ្នកផ្ញើម៉ូតូ កំណត់យក១០០០រៀល លើសសៀវភៅបន្ទុកនោះ ដោយសារកន្លែងផ្ញើម៉ូតូទាំងនោះ បានត្រូវជួលដីម្ចាស់គេ សម្រាប់ផ្ញើរម៉ូតូ បើមិនយកតម្លៃម៉ូតូ១គ្រឿង ចំនួន១០០០រៀលទេ មានលុយឯណា បង់ថ្លៃឲ្យម្ចាស់ដី  ៕

កិច្ចប្រជុំវិសាមញ្ញលើកទី៥ អាណត្តិទី២ របស់ក្រុមប្រឹក្សាខេត្តត្បូងឃ្មុំ

ត្បូងឃ្មុំ៖ នាព្រឹកថ្ងៃទី១៦ កញ្ញា ២០១៥នេះ នៅសាលប្រជុំតូចសាលាខេត្តត្បូងឃ្មុំ បានបើកកិច្ចប្រជុំ វិសាមញ្ញលើកទី៥ អាណត្តិទី២ របស់ក្រុមប្រឹក្សាខេត្តត្បូងឃ្មុំ ក្រោមអធិបតីភាព ឯកឧត្តម ឡាន់ ឆន ប្រធានក្រុមប្រឹក្សាខេត្ត និង ឯកឧត្តម លី ឡេង អភិបាលរង នៃគណៈអភិបាលខេត្តត្បូងឃ្មុំ ដោយមានការចូលរួមពី ឯកឧត្តម លោកជំទាវ សមាជិកសមាជិកាក្រុមប្រឹក្សាខេត្ត ឯកឧត្តម ប៉ែន កុសល្យ និង លោកជំទាវ ឡេង សុខា អភិបាលរងខេត្ត លោកនាយករដ្ឋបាលសលាខេត្ត ថ្នាក់ដឹកនាំមន្ទីរ អង្គភាពជុំវិញខេត្ត លោកអភិបាល អភិបាលរងក្រុង ស្រុក និងមន្ត្រីដែលពាក់ព័ន្ធជាច្រើនរូបទៀត ។ កិច្ចប្រជុំដែលធ្វើឡើងនេះ មានគោលបំណង ផ្តោតសំខាន់លើ របៀបវារៈសំខាន់ៗ ៣ចំនុច រួមមាន ១-ពិនិត្យ ពិភាក្សា និងអនុម័តលើសេចត្តីព្រាង កម្មវិធីវិនិយោគីឆ្នាំរំកិល២០១៥-២០១៧ ២-ពិនិត្យ ពិភាក្សា និអនុម័តលើសេចក្តីព្រាង ប្រតិទិនការងារសម្រាប់ដំណើរការកសាងកម្មវិធីវិនិយោគ ៣-ពិនិត្យ ពិភាក្សា និងអនុម័តលើសេចក្តីព្រាង ផែនការធ្វើវេទិការផ្សព្វផ្សាយ និងពិគ្រោះយោបល់ជាសាធារណៈ របស់ក្រុមប្រឹក្សាខេត្តត្បូងឃ្មុំ ៕

 

ឃាតករបុរសជាប្តី សម្លាប់ប្រពន្ធ ត្រូវសមត្ថកិច្ចបញ្ជូនមក សាលាដំបូងខេត្តត្បូងឃ្មុំ នៅថ្ងៃនេះ

ត្បូងឃ្មុំ៖ តាមការបញ្ជាក់ពី លោកអធិការ ស្រុកមេមត់ ឲ្យដឹងថា នៅសៀលថ្ងៃទី១២ កញ្ញានេះ ឃាតករបុរស ជាប្តីដែលបានសម្លាប់ប្រពន្ធ របស់ខ្លួនយ៉ាងសាហាវនោះ ត្រូវបានបញ្ជូន មកសាលាដំបូង ខេត្តត្បូងឃ្មុំ ដើម្បីចាត់ការ ទៅតាមនិតិវិធី ។

អាន​បន្ត៖ ឃាតករបុរសជាប្តី សម្លាប់ប្រពន្ធ ត្រូវសមត្ថកិច្ចបញ្ជូនមក...

ជនសង្ស័យ២នាក់ជិះម៉ូតូ Duke មកវាយប្រហារយុវជនម្នាក់ស្លាប់ នៅមុខមន្ទីរពេទ្យរុស្ស៊ី

(ភ្នំពេញ)៖ ករណីវាយប្រហារ សម្លាប់មនុស្សមួយ បានកើតឡើង នៅម៉ោង ១១៖៣០នាទីយប់ ថ្ងៃទី១០ ខែកញ្ញាឆ្នាំ២០១៥ នៅមុខមន្ទីរពេទ្យរុស្ស៊ី ស្ថិតក្នុងសង្កាត់ទំនប់ទឹក ខណ្ឌចំការមន នេះបើយោងតាម អ្នកឃើញហេតុការណ៍ ប៉ុន្តែប៉ូលិស អះអាងជាករណី គ្រោះថ្នាក់ចរាចរណ៍ ។

អាន​បន្ត៖ ជនសង្ស័យ២នាក់ជិះម៉ូតូ Duke មកវាយប្រហារយុវជនម្នាក់ស្លាប់ នៅមុខមន្ទីរពេទ្យរុស្ស៊ី

ជំពូក​រង

  • ព័ត៌មានទឹកភ្លៀង ថ្ងៃទី 17.តុលា.2016

    ត្បូងឃ្មុំ ៖ មន្ទីរព័ត៌មាន ខេត្តត្បូងឃ្មុំ សូមជូនព័ត៌មាន ទឹកភ្លៀង ÷

    +បរិមាណទឹកភ្លៀងរយៈពេល24ម៉ោង ថ្ងៃទី 17.តុលា.2016)

    ភ្លៀងបានធ្លាក់លើ គ្រប់ ក្រុង ស្រុក: ពី 7 - 30 mm - ក្រុងសួង = 19 mm លើគ្រប់សង្កាត់ -ស្រុកត្បូងឃ្មុំ=30 mm លើគ្រប់ឃុំ -ស្រុកក្រូចឆ្មារ= 9 mm លើគ្រប់ឃុំ - ស្រុកអូរាំងឳ = 7 លើគ្រប់ឃុំ -ស្រុកតំបែរ = 7mm លើគ្រប់ឃុំ - ស្រុកពញាក្រែក = 21mm លើគ្រប់ឃុំ -ស្រុកមេមត់ = 11 mm លើគ្រប់ឃុំ + សតុណ្ហភាព Min =24 ℃ , Max = 34,2 ℃ ៕